DANIELI 6:8 - Biblía Axweesantá Hhohho' ar Mungú 2004

⁸ Gawaá adoorihe, gimáy waawutmo Darío, hara'aya ooeek, nee ka dugunoowók i qás as makawa warqeés. Daqaní a dabér múk Medi nee oo Persia, dabér ta baloó warqesiiká.»

DANIELI 6:8 Iomraidhean Croise

ESTA 1:19

Barnaxes waawutmo ngaa slaá', waawutmo hara'aya ngi ooi nee ka gooin baraá dabér múk Persia nee oo Media, tidá' ta baloó warqeemamisiiká, tam Fashtidá' geeraá waawutmo Ahasuero mingiwa baloó adát, nee waawutmo waawuti'iimadá' ngi /ameenír hhoó' i haniisi ar Fasti ga baa/.

ESTA 3:12

Bál slahhángw geera tawa mibaá nee tám goouusér waawutmo kari ateét, barwadu kiri gooín ar adoodá' Hamani ngira oó' amór geeraharuuse, nee amór múk urén oo ayeemo, nee amór múk urén oo umuúqo xoorooro, umuúqo ayko ar gooirós, umuúqo xoorooro ar tsifriirós, kina gooín ar umuú waawutmo Ahasuero, nee kiri dugnó i qaás ar mungaywós.

ESTA 8:10

Barwadu kina gooín ar umuú waawutmo Ahasuero, kari dugunií qaás ar mungoó waawutmo, barwadu kay ya/abuusérií haniís tari tsa/án gawaá faras, asma a makaá inslahh ti'iingo, awa tar gadiyumaamisi gadiyér doó waawutmoowo, an kudá' taa laqwaál baraá matla/ángw doó waawutmo.

ESTA 8:3

Esta waawutmo guri male i ilaawáts, tiri kwáhh dír ya'aawós gway harhhehhe'és i hara /aa/amiín, as kahhó' waawutmo adoodá' tlaakw Hamani oo tlahhoó Agagi aa qoomeés daanduú múk Yahudiwo ngiwa hhitin.

ESTA 8:8

Ala /ayma'aá ta sla'a gooimaak amór múk Yahudi ar umuú waawutmo, dugno ku qasá' ar mungoó waawutmo, asma barwár taa gooín ar umuú waawutmo nee kay dugunií qaás ar mungoó waawutmo, heé warqeesaro ga aleesláw i kaahh.»

WARA'AMI 94:21

Kudá' múk ganaá' gu tsu/utár wa slaá', kudá' múk dakuús wásl gu sakwasleemár gwa'arár i tlaáq.

ISAYA 10:1

A tsaxwaaín kudá' hara'ayár gana'aaká ngi qamiimá', nee goouuseedá' hara'ayár slahh'eemiis ga gooi'iim.

DANIELI 5:28

PERESI, a waawuti'iimarók aa qasít dír múk Medi nee múk Persia.»

DANIELI 6:12

Aluuwo inooín nay tlayé' ay dír waawutmo as Danieli kuwa sa fooli as dabeedá' ngiwa ar gadiyusiya', tawa kaahi, «Waawutmo Dario, kuúng gooidá' aga dugunií qasikáhe, as hee baraá deelór har afiqoomár mibeeri tame munguú hatlá' munguwa firín, laqaá hee, aqo har kuúng waawutmo. Aá waawutámo nee barnaxés, heé dabeerí gaa warqeés ku kwaahh baraá mar'ír direeri.» Waawutmo iri oó', «Umuú gaaro i didií káhh adoosír kilá', adoodá' dabér múk Medi nee oo Persia kar warqemaamisiiká.»

DANIELI 6:15

Aluuwo mukdá' tina alkón sleémeero ay dír waawutmo Dario nee nguri bayé', «Aá waawutámo, kuúng a xú' dabér múk Medi nee oo Persia ar waawutmo aa dugunií qaás ka baloó warqemaamisiiká.»

Matayo 24:35

Doori nee yaamu i waaraahhiyá', ala axweesante'eé' i baloó waarahhká.»