DANIELI 6:7 - Biblía Axweesantá Hhohho' ar Mungú 2004

⁷ Ateékaá geeraharuusér uren taa qás, nee sagesihhtuusero, nee ga/aawuuse, nee hara'ayuusero nee geeraharuusér ayeemowo, sleémeero taa kaahi slawaán, asma aga araán i qoón kuúngú waawutmo, hara'aya kawa o' nee masók aqo kan eehar adoodá' kas hariím. Masók har afiqoomár deelór mibeeraá tame, hee tam gaalá gaa mingiwa firín, tam dír mungú gaalá, laqaá tam dír heemá, ala masók aqo dirók kuúngú waawutmo. Hee barnaxes hara'ayaarí gaa sií' ku kwahhi baraá mar'ír direeri.

DANIELI 6:7 Iomraidhean Croise

WARA'AMI 10:9

I gigdín dír naaqór wa ale adór dirángw baraá mar'i. Heé liitlaákw gun haramamahhamiit as nguwa oohi, gun uhín ar tsaaxweeliirós, guri ar tláy.

WARA'AMI 2:2

Waawituú daanduú yaamu ti amohhe'emiis as tawa haratlay, nee geeraharuuse taa kaahi sleér daanduú AAKOÓ MUNGUHE, nee daanduú kudaádá' inós aa tsawaár as tawa waawutmo, tawa kaahi,

WARA'AMI 59:3

Qayteek kudá' slafingw'eé' ngu haratseegamisá', awa xaraslá' iga hara burumburitiyé', ala AAKOÓ MUNGÚ, slám án gár naa dakuús iqo káhh.

WARA'AMI 59:5

AAKOÓ MUNGÚ, Munguú Aleesleemusmo, Munguú Israeli, tlawáng, xoordu sleémeero slahheek, kudá' tlakweemaá tlehhiitá' mi gurtlawaar.

WARA'AMI 62:4

Baraá axweesanto tin kaahi slayá', as kuwa dahhi dirós tidá' ilaiwa/ameero, inooín lama ngi saqwalaala/iyá', afer'ine /ayma'aá tsuuqaá koomá' kin kah, ala baraá muner'ine tan lu'umis.

WARA'AMI 83:5

Taa kaahi slayé' ar muunuú wák, nee tiri dabe oohiyé' as tiwa tlaampa'aasiya' nee kuúng.

WARA'AMI 94:20

Xáy, geeraharusmoó /aytusmo nee kuúng an dinku'usá'a? Kudá' hara'ayár gan'amuú koomaaká ngi qamiimá'?

DANIELI 2:4

Naagáy múk Kaldayo tari ilawaáts amór waawutmo ar tsifrír Aramu tari oó', «Waawútámo sagók fur'a ngu laaleer. Tlataawók dirén i ooang, atén gadaádá' tara tlatitiín ngi ooaán.»

DANIELI 3:11

Nee umuúqo heewo oo aa tumbarara'atiiká a kwahha baraá bohóngw asltá gufteeri.

DANIELI 3:2

Naagáy waawutmo Nebukadnesa geeraharuusér slaqwaruuseerós gari i ya/abín iwa burumbuuritiya', nee sageesihhtuuseero nee ga/aawuuseero nee kwasleemuseero nee múk tlakwa'aá peésár amohhe'eemisa nee har'ohuseero nee múk kwasleemadaá tlaaqa nee geeraharuuse sleémeero ar ayeemo, as murslaaqatuuwós nguwa xu'utisi dír muu, nee kuwa iimu/un i tumbarara'amituuwo.

DANIELI 3:27

Geraharuusér slaqwaruuse iri burumburít, nee sagesihhtuuseero nee ga/aawuuseero nee kwasleemuuseero, ngiri ariyé' adór daaqaydá' asla ngura kwatitká, tam se'éngw sager'ín gwa slohhká, tam tlabaaín asla gaa tsaara'aská, tam quui sleeme i tlatleeraaká gawaá slaqooine.

DANIELI 3:6

Heé aa tumbarara'atiiká nee oo gwa sluufisiiká aqo siiwadár kilae kun kwaahh baraá bohóngw asla iwa ot.› »

DANIELI 6:16

Aluuwo waawutmo Dario hara'aya gari oó', Danieli kuri kwaáhh baraá mar'ír direeri. Danieli kuri báy nee waawutmo, «Munguúwók kudá' ta sagadiyumaamis umuú daqto u tu/i.»

DANIELI 6:22

Munguúeé' malaykamoowós nguna ya/aáw afér direeri gari tsegiít, inooín aníng adór iga /iisiyé' i káhh. Asma inós ga xuu' aníng ti dakuús wásl dirose, tam dír geeraawoge gár tlaakw aga tleehhiiká.»

MIKA 6:5

Kuungá' muk'eé', inslawiimé' adór Balaki, waawutmoó yaamaá Moabu nura qwaareesár wa slaá' nee adór aarusmo Bala'amu, garmoó Beori ngwa báw, anuú AAKOÓ MUNGÚ a slaá' kuungá' nuwa gár hhoó' i tleehh. Nee inslawiimé' sleeme adór tara Shitímuú wa tleeré' tay hardaté' ay Gilgali. Muruuwí inslawaak as kawa tsahha' adór án kuungá' nura alee/iimamiís.»

NAHUMU 2:12

Inooín a slaqás nee direeri kudá' sluqor'ín ngi ohiimá' ar xaraasleema aluuwo muruudá' naa ohiné' nguri qasmiisiyá' dír na/ii'ín.

Matayo 12:14

Ala mukduú Farisayo tari ti'iít, tari kwasleemuút daanduú Yesuwo adór kur gaasi.

Matayo 26:4

Tari dinkwár wa axweés as Yesu kuwa qawti oohi, nee kuwa gaasi.

Marko 15:1

Looa niwa tleér matlaatleero kaahamuusér uren ar Mungú nee bariiseero, nee intsaahhatuusér hara'ayár Mosewo, nee múk doó kwasleema sleémeero niri kwasleemutiyé'. Yesu kuri tseék, kuri huúw, kway dabaá Pilató i qaás.

Yohana 12:10

Gawaá adoorihe kaahamuusér uren ar Mungú tari al'axweés as Lasaro sleeme kuwa gaasi.