DANIELI 6:5 - Biblía Axweesantá Hhohho' ar Mungú 2004

⁵ Aluuwo niri kilooín axweesiyé' tari oó', «Gár Danieli kur slawaan i káhh, barnaxés u sakwasleemár wa sla'aán, ala aqo un sakwasleemutaán ar kángw Munguúwós.»

DANIELI 6:5 Iomraidhean Croise

ESTA 3:8

Aluuwo Hamani waawutmo Ahasuero guri báy, «Xoororka wák i deer ar aa tsiyayaaxat baraá tla/ángw muu oo umuú dii baraá ayeemo sleémeero awa waawuti'iimarók. Inooín daber'ín nee dabér umuú xoorór ti slawá' i káhh, tam hara'ayár waawutmo ngi axamisiaaká, gawaá adoorihe, nee waawutmo ti aleslay'aaká.

WARA'AMI 37:32

Heé hota ganaa'aaká, heé hota ganaá' gun haramamahhamiit, nee adór ngur gaasi gan leelehhiit.

YEREMIA 29:7

Gixsasíng kuungá' tunday loohatís diihhooárií leelehhaak, anuú AAKOÓ MUNGÚ firiirimaré' diihhooár yaamuukae, asma inooín diihhooa bar kaa sláy, kuungaásingá' baraasíng hootá' diihhooa aqo sleerá'.›

1 SAMUELI 24:17

Saulo Daudi guri báy, «Kuúng an gan'amuú koón ta aninge. Kuúng aníng ina hhooeemií tléhh, ala aníng kuúng una gár tlaákwí tleéhh.

1 SAMUELI 29:3

Geeraharuusér Filisti kaangwí guna yaahás, «Mukuú Ebrania mi tleehh diirihe.» Akishi geeraharuuseedár múk Filisti gari mu/aywaáts, «Daudiwí a sagadiyusmoó Saulo, waawutmoó múk Israeli. Inós nee aníng ana alhootaán qoomár tleere, kureeraá hhaawa'aaká, iimír niwa amor'eénií goów dakuúsár ngwi ár i káhh.»