DANIELI 6:27 - Biblía Axweesantá Hhohho' ar Mungú 2004

²⁷ Inós i tu/ún nee i ba/amiimis, inós layu nee muruú waa/oo/amo gin tlehhiit, gawaá doori nee baraá yaamuwo. Inós an kudá' Danieli gwa ba/amis dir direeriwo.»

DANIELI 6:27 Iomraidhean Croise

YOBU 36:15

Heé ta baramaanuusi gun tuu/ ar baramaanidá' i slaslay, nee giri faxtis ar slahh'eemisudá' i slaslaya'.

WARA'AMI 145:13

Waawuti'iimarók i alhhe'eesoó koondaaká, nee baalirók in kumít qari sleémeero. AAKOÓ MUNGÚ ar aa oó' sleémeero ga hardahaas. Nee ku gurhhoó' baraá tidaádá' sleémeero i tlehhiiti.

WARA'AMI 18:48

Ina ba/amís dír wakuuser'eene, AAKOÓ MUNGÚ, kuúng arba/ati ngina hanís dír kudá' aníng i tlaampa'amisa'a, iri báq dír kudá' xaraasla.

WARA'AMI 18:50

Mungú waawutmoowós gu arba/atír úr i hanmiis, heewós kudá' aa tsawaár gun sla'aarirós i laqán, eeít, gan laqán dír Daudi nee xwaylarós ay kureeraá kureér.

WARA'AMI 32:7

Kuúng an dír ni nahhaat, án kuúng in amohhe'eemís qoomár slahh'amuuwo, Án ba/amarók ngiri daá' ar qwala/, asma kuúng an baqmor'eé'.

WARA'AMI 35:17

AAKOÓ MUNGÚ, ay xaylá ta xumaamis? Ba/amisáng baraá /awaa/awingw'ine, slafingw'eé' tu/ang dír direerikae.

WARA'AMI 97:10

AAKOÓ MUNGÚ múk tlakweemaá ahhiít gu slaa', slafíngw heé hhoohhoó' gun xún, gin tuu/ gawaá dabaá múk tlakuuseero.

YEREMIA 10:10

Ala AAKOÓ MUNGÚ an Munguú ló', a Munguú slaáf, waawutmoó alhhe'eesay wásl, bira buúhh yaamu in daaraxaatiyá', xooro buhhtaawós saqitluuwo gi aleesleeraaká.

DANIELI 2:44

De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

DANIELI 4:31

Qoomár iwa axweesantí kaahi, afo ina ilaawáts gawaá doorí wa aleeró, i kat, «Aá waawutmo Nebukadnesa, tí án ni kah iiárí qaaseek, waawuti'iimarók ka hayoh.

DANIELI 4:34

«Alaá kureeridá' faanqw niwa waarahhiyé' anuú Nebukadnesa ana gawaá doorí qaytsiít, nee fuqurangw'eé' niri kií/. Munguúdá' úr una diidi'iís nguri sluufiís nee nguri ilaiwa/amér i tleéhh kudá' hotatiím ay alhhe'eesay wasle. Asma waawuti'iimarós an waawuti'iimár alhhe'eesoó koomaaká. Waawuti'iimarós in kumaamít qari sleémeero.

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

DANIELI 6:20

Iwa tseewúy bihhaá mar'i, Danieli guri ateét ar afór gurhaami, iwa kaahi, «Daniéli, sagadiyusmoó Munguú slaáf. Xáy Munguúwók kudá' ta sagadiyumaamis umuú daqto ugwa aleesláyi tu/to dír direeriwo?»

Yohana 4:48

Aluuwo Yesu iri oó', «Bar laya nee waa/oo/amo aga aandi'iiká a haratlintia'aakáhe ló'wa ale?»

Tlehhema'aá ya/Abuuse 4:30

Dakók tleeseek iwa hungu/umiisi, nee layu nee muruú xuawaslén nguwa tlehhiiti ar umuú sagadiyusmoowók Kudá' hhoohhoó', Yesu.»

Ebrania 2:4

Tam Mungú inósuú kilá' sleeme ba/amarí gari lamabu'ún ar loohír laya nee muruú waa/oo/amo nee tlehhema'aá dimbadimbé awa /uuruú koomá', nee ar aleesleemuú dimbadimbé oo Qeeruú hhoohhoó' oo Mungú kuwa hanmiisi ar adoodá' inós i slai.

1 SAMUELI 17:26

Daudi mukdá' dír bihhiwósií tseéw guri yaahaás, «Xáy, heé heewuú múk Filisti ngwa gaas, nee oo múk Israeli ngwa tuu/ baraá murekesoó adór kwihe, heewí gár kwi tleehhi? Heewuú Filisti inós a heemá, bar sleeme an heé ta al/utliiká, iwa qiitli slawtá múk hhohhó' oo Mungú kudá' slaáf ngiwa adoorír niqin.»