DANIELI 6:25 - Biblía Axweesantá Hhohho' ar Mungú 2004

²⁵ Aluuwo waawutmo Dario barwiito'o gari gooín amór tlahh'aá muu sleémeero nee xoordu nee tsifri sleémeero, «Aníng kuungá' nu wayduú úr i slaá'.

DANIELI 6:25 Iomraidhean Croise

ESRA 4:17

Naagáy waawutmo mu/aywatsa gari ki/ís iri oó', «Amór Rehumu, geeraharusmoó slaqwaruuse nee Shimshai, goousmo, nee hhaeeín awa hatlá' awa baraá yaamaá Samariár hootá', nee yaamaá hatlá' awa gayuú /uwa awa yaaér Eufrate, laawaay.

ESTA 3:12

Bál slahhángw geera tawa mibaá nee tám goouusér waawutmo kari ateét, barwadu kiri gooín ar adoodá' Hamani ngira oó' amór geeraharuuse, nee amór múk urén oo ayeemo, nee amór múk urén oo umuúqo xoorooro, umuúqo ayko ar gooirós, umuúqo xoorooro ar tsifriirós, kina gooín ar umuú waawutmo Ahasuero, nee kiri dugnó i qaás ar mungaywós.

ESTA 7:10

Naagáy Hamani kway gawaá xa'anoodií tarereé', kudá' geeraawo aa amohhe'eés as Mordekai. Buhhtaá waawutmo nay tsauyé'.

ESTA 8:9

Goouusér waawutmo kay didií ateét siiwadár kilae, slahhángw tám kudá' ta bay Siwani, bál tawa mibeeri tsár nee tám, barwadu' kiri gooín amór geeraharuusér slaqwaruuse, nee ga/awuuse, nee amór geeraharuusér ayeemaá tsiiruú wák nee mibeeri tsár nee faanqw, ar adoodá' Mordekai ngira oó' daanduú múk Yahudiro, umuú ayko nee gooirós, nee umuú xoorooro ar tsifriirós, nee sleeme múk Yahudi ar gooir'ín nee ar tsifrir'ín.

WARA'AMI 7:15

Bohoongw gun baráy i foola hhe'ees, ala inósuú kilá' in baraadí /eet.

WARA'AMI 9:16

AAKOÓ MUNGÚ taa geehhoeés, sakwasleemarós gaa boo/eés, tlakuuse gaa óh ar gadiyér dabaaín.

AXWEESANOÓ SAGALOOA 11:8

Heé hota ganaá' baraá slahh'amko kun tuu/. Heé tlaákw afkós guri /aay.

DANIELI 3:4

Heedaádá' ilaaharmiís amór muu, iri tseé', iri oó', «Gimsé' múk tlahh'i nee tsifri sleémeero tundu babay,

DANIELI 4:1

«Anuú waawutmo Nebukadnesa kuungá' xoordu sleémeero nee tlahh'i sleémeero nee tsifri sleémeero ar gawaá daanduú yaamu sleémeero gooír naa gooiím ngi ya/aáw amorhúng. Aníng kuungá' nun waydú yaariír i slaá'.

DABE 19:19

naagáy kwasleemaadá' ka tsatá' adoodá' lamabu'usmoodá' geeraawo heedaádá' ngu laqtá wa slai, ka inósí tleehhi. Adoorí an adoodá' tlakweema kir hingeesa' baraá tla/angwhunge.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i hikimiisi. Tsuuqaá Mungú nee wayduuwós i ló'wa doogine' dirhunge.

2 Petro 1:2

Tsuuqaá Mungú nee wayduuwós i ló'wa doogine' dirhunge, as kángw Mungú nee oo Aako Yesu kuwa xua'.

Yuda 1:2

Gurtleemu nee wayda nee sla'aari kingi ló'wa tlahhasi dirhunge.