DANIELI 6:23 - Biblía Axweesantá Hhohho' ar Mungú 2004

²³ Waawutmo iri ló'wa qwalaá/, muu guri ádbáy, Danieli kuwa duuxi baraá mar'iro. Naagáy Danieli kunguri duúx, naxés kwa gweehhiiká tam adór niiná, asma inós Munguúwós guna harahhiíf.

DANIELI 6:23 Iomraidhean Croise

1 WAAWITÁ 5:7

Hiramu /aymi'iidaá Solomon ngiwa axaás ina ló'wa qwalaá/, iri oó', «AAKOÓ MUNGÚ laarí i xirfuuti, kwí Daudi gwaa garmoó sagalooár koóm i haniis gawaá daanduú múk yaariír kwihe.»

1 QOM'I 5:20

Inooín Mungú nguna harahhifiyé' nee alee/isaay ngway firiné' qoomár iwa slaqwiya'. Mungú firor'ín gay mu/aywaáts, inooín baali ngay slayé' dír múk Hajiri nee dír mukduú hatlae.

2 QOM'I 20:20

Looa niwa tleér matlaatlér boo/e tana tseewa tláy amór xaanxoó Tekoa. Qoomár tawa tlatlay, waawutmo Yehoshafati ina geeraaín i sihhiít giri báy, «Aá múk Yuda nee yaamuloouusér Yerusalemu, án iiárií qaasaré'! AAKOÓ MUNGÚ haratlintiaak, kuungá' daqaní a gawduurá', nee aaruuseerós haratlintiaak, daqaní kuungá' a baaliindá'.»

WARA'AMI 18:21

Aníng loohirós ana eehár, nee Munguúeé' ugwa geexawiiká.

WARA'AMI 37:40

AAKOÓ MUNGÚ gin alee/iimiis nee gin ba/amis. Gin tu/ún baraá dabaá múk tlákw wa ale, nee gin ba/amis. Asma inós ngwa i guwiyé'.

TI'INAANGW 18:9

Yetro kuri qwal/atís nee tlehhmi'iiká hho' AAKOÓ MUNGÚ aa tlehhahhiít dír múk Israeli, awa ngiwa ba/amís gawaá dabaá múk Misriro.

AXWEESANOÓ SAGALOOA 18:10

Umuú AAKOÓ MUNGÚ a koo/ír gawit, Heé hota ganaá' gun i goow, kuri saxamaár,

ISAYA 26:3

Mukdá' sleémeero inslaway'ín aa dirógí xasliit, nee kudá' kuúng ugwa harahhiif, kuúng in amohhe'és baraá wayduú ló'.

DANIELI 3:17

Bar adoosíng Munguúrén kudá' atén ta sagadiyusaan tiqo ba/amis baraá bohongwduú asltá gufteeriwo, inós atén ti ba/amis baraá dabaá waawutmoowo.

DANIELI 3:25

Iri oó', «Qaytsité' án baré muu ngu ga/aw a tsiyáhh, slám kwa gweér, i baraaqá' wa hi'imitiyá', gár gi a'aw i káhh. Nee slaqsoó kuquú tsiyáhh a adór malaykamo.»

DANIELI 6:14

Waawutmo adoorí ngiwa axaás ina ló'wa gurhamuút. Inós ilakaaharu guna tleéhh as Danieli nguwa tu/i. Ina kumiít iiarto as Danieli nguwa /iisi ala gwaa aleeslayká. Ina karkarimamiít looa gar wa dát.

DANIELI 6:18

Naagáy waawutmo iri kií/ baraá do'ós, xweera sleémeero ina dal'aa'aát, tam muruú /ayma gwaa afkwár kayká nee gu'ute gaa ilií qaasiiká.

Marko 9:23

Yesu guri báy, «Mas kat: Bar adór ta aleesleer i deer! Umuúqo gaaro i ya/aán dír kudá' haratlintaaór kooma.»

Ebrania 11:33

Mukwí a múk haratlintaaór koóm. Inooín waawituú yaamaá hatlá' nguri baaliyé', adór ganaa' ngiri tleehhiyé', ngiri tsaahhiyé' adór al'axweesantá Mungú kara boo/eés. Slám inooín afér direeri ngiri tseegiyé',