DANIELI 6:18 - Biblía Axweesantá Hhohho' ar Mungú 2004

¹⁸ Naagáy waawutmo iri kií/ baraá do'ós, xweera sleémeero ina dal'aa'aát, tam muruú /ayma gwaa afkwár kayká nee gu'ute gaa ilií qaasiiká.

DANIELI 6:18 Iomraidhean Croise

2 SAMUELI 19:24

Mefibosheti, garmoó nángw Saulo, ina daqáy baraá al'awér waawutmo Daudi. Iimír baalaadá' iwa Yerusalemúr wa tláy, ngar wa kií/ ar saxareema, iimidae Mefibosheti ya'aawós gaa baloó hamaatliiká, tam daamoórós gaa deeqwiiká, nee inqwaruwós gwa gaárií xuiiká hhuntsaro.

1 WAAWITÁ 21:27

Alaá Ahabu adoorí ngiwa axaás, tlabaawós gina feehhamiís, guniya gana tsiít, iri gwaawín, iri guniyadúr guú' nee iri hi'iimiít ar gurhaami amorqá' nee tiqae.

ESTA 6:1

Xweeraadae waawutmo gu'ute gwaa otká, sagadiyusmoowós guri ádbáy, kitaábuúdá' taa muruú inslaslángw wa hariímií gooaain nee muruú qom'iiwo kuwa huwi as kuwa dír geeraawós wa soomuusi.

YOBU 21:12

Ni/imár puunda nee ar gidaandoori ngin ni/iná', nee afór firiímbi ngin saqwalaala/iyá'.

WARA'AMI 137:2

Gidaandoorayrén una tarereaán, gawaá xaa'aá baraá Babuloni.

WARA'AMI 77:4

Hhamhhamaaeé' ina ót as mawa gufiís, ana slahhaá' tam ilawatsa ngay harslaaqaát.

DAHARUSMO 2:8

Aníng peésa nee sahaábuú hhohhoe ina burumbuúr baraá daqaari'iimár waawituú hatlá' wa ale, nee baraá yaamuueé' kudá' naa sawaawuti'iím. Daauusér hhawaate nee ar /ameenaaro ana burumbuúr sleeme, nee /ameenár yaariir ar quturmo waslen, tidá' hhawaate i waatlakweemisiya'.

WA/AA/I 3:53

Inooín aníng ina slafi kwahhiyé' baraá bohoongw, iri baraadá' i tuntuukiyé' ar tlaa/e.

DANIELI 10:3

Muruú /aymár hhó' ugwa /ayiiká, fu'unaay laqaá difaái iga kwatitiiká nee sleeme di/i aga slikiiká har afiqoomár wiikidaá tame.

DANIELI 2:1

Kurkú tsár iimír waawutmo Nebukadnesa waawuti'iima ngiwa iimu/ún inós ina tlatiitín, iri da'ayuút, gu'uteerós iri daandií /akút.

DANIELI 6:19

Matlaatlér boo/e waawutmo Dario ina tseewa tláy qatuuwo, iri amór mar'ír direeraá káy ar gaanslaay.

Geehhoeemaá 18:22

Nee slám mukdá' marímbadá muúx, nee tam múk /ayluuse nee múk filímbír ufhhaám nee múk tarumbeétár ufhhaám, afor'ín ka malé axaasiiká baraawoge baloó ale. Nee slám mukdá' gadiyér dimbadimbé ar daba' ga xuú', inooín ki baloó ariiká baraawoge. Nee slám afór tlaa/ár xoosliingw ka baloó axaasiiká baraawoge.