DANIELI 6:10 - Biblía Axweesantá Hhohho' ar Mungú 2004

¹⁰ Danieli ngiwa tsaáhh waawutmo duguno gwaa qaás, inós iri kií/ amór do'ós kuduú qorofa, baraá kutuwirós tidá' pa/eeriwós taa kiís i amór Yerusalemúr ga/ayá'. Danieli umuú deelooro in tumbarara'amamiit looár wake sagaáwa tám, as Munguúwós nguwa firiirin nee nguwa sluufmiisi adoodá' /iisí i /imaamisi.

DANIELI 6:10 Iomraidhean Croise

1 WAAWITÁ 8:30

Firór sagadiyusmoowók axaaseek, nee ar mukók oo Israeli uwa firiirin. Firoorí kuúng na axaaseek gawaá doorí wa alé, nee bar aga axás, atén ti gurtleer.

1 WAAWITÁ 8:38

na'ás gár mukók Israeli naaqo firini ya/aameek, laqaá tidá' umuúqo heewo naa firín, laqaá mukók oo Israeli sleémeero. Umuú heewo bar slahh'amuú baraá muunaáwós ngwaa xuú' bar ugwa firín dabaawós gaa tleés amoorók, iiárií qaaseek.

1 WAAWITÁ 8:44

«Mukók bira slaqwarár áy amór wakuuser'ín, umuúqo amór ki huba, inooín bar kuúng ugwa firiné' tawa amór gixsarí taa tsawát ga/ay, nee amór do'owí naa tleéhh as umuuwók,

1 WAAWITÁ 8:54

Qoomár Solomon muruuwí sleémeero firooro nguwa hhe'eés dír AAKOÓ MUNGUHE, iri sihhiít didá' aáng ii tumbararaa'ati, dír geeraá kitangwduú ilahhooa geeraá AAKOÓ MUNGÚ, didá' dabaawós ngiwa gawti tleés.

2 QOM'I 6:13

Solomon /aampa gaa tleéhh ar muqslár sirda/aten, gay qaás tla/ángw afeeni, tlenaango nee uroó bihheero a miíta tsár ga ba/aabá/ uro bihhe, nee tlenaangw gawa a miíta wák ga ba/aba/. Inós iri tsa/án gawaá /ampaadá', iri tumbarara'aát dír geeraá boo/oó múk Israeli, dabaawós gay gáwtí tleés.

2 QOM'I 6:38

laqaá barnaxes inooín naa hhu'u'uné' ar muner'ín sleémeero, nee ar qeereemooín sleémeero, bura firiné', gur'er'ín nga amór yaamuuín xu'usiyé', kudá' taa baabi'ii'ín i hanís, nee amór gixsarí kuúng taa tsawát, nee amór do'owí aníng naa tleéhh as kuúng,

ESRA 9:5

Qoomár ilahhooár muruú ta tsu/i ar tsiindo iwa xeér, niri tláw alaá niwa gwaawiím, nee tlabaeé' nee hiyay'eé' kudá' taa fehhamaamiisi, niri tumbarara'aát dabaeé ngiri tleés amór AAKOÓ MUNGÚ, Munguúeé' nguri firiím.

NEHEMIA 6:11

Aníng niri oó', «Xáy heé adór aníng in gówi? A gár milá heé adór aníng iwa dahi baraá Doó Mungú as slafiingw nguwa /iis, aníng a dahaaká.»

WARA'AMI 34:1

Aníng AAKOÓ MUNGÚ u diidi'iimiís qooma sleémeero, inós afkwe'eene u xirfayeemiís daqisleém.

WARA'AMI 5:7

Ala as yaareemaá sla'aarirók ar warqawaaká, aníng an dáh baraá Do'ók oo hhoohhoó'. Ar ilaiwa/ameero un i tumbarara'aát, uri sluufiís baraadá' wa ale.

WARA'AMI 55:17

Tsiindo, matlaatle nee qoomár tlaatla/aango, an wa/a/uús ar gurhaami, inós afor'eé' ga axaas.

WARA'AMI 86:3

Aakoó Mungú, án gurtlawáng, asma aníng kuúng un i /aa/amiím tlaatla/aangw sleémeero.

WARA'AMI 95:6

Qwalaasé', u diidi'iimisaán nee u i tumbarara'ataán, a tumbarara'ataán dír geeraá AAKOÓ MUNGÚ, kudá' atén taa tleehh.

DANIELI 6:13

Waawutmo nguri bayé', «Heedaádá' ta bay Danieli, kudá' tinda huúw baraá yaamaá Yuda wa alé, kuúng u iiárií qaminká, laqaá hara'ayaadá' kuúng taa dugunií qás ga iialooeesiiká. Asma inós umuú baalaaro firo ngi hhe'eemisi ay sagaá wa tám.»

DANIELI 9:4

AAKOÓ MUNGÚ, Munguúeé' una firiím, nee niri gwadidiím niwa kah: Aá Aáko, kuúng an Munguú úr nee oo ta da'ayumiti. Kuúng tu inkihhím daanduú alqadoroge, nee sla'aarirók i warqeeraaká dír kudá' kuúng u sla'a' nee hara'ayaarók ngi ilaiwawa/á'.

YONA 2:4

Aníng nay baraá guruueé' oó', ‹Taa kwaáhh tiri saweés dír ilaawoge, ala hám án a malé qaytsiít amór Do'ók kudá' hhoohhoó' i alé.›

Marko 3:3

Yesu heedaádá' dakós aa sol'oot guri báy, «Baraá tla/aangw i sihhiiteek.»

Luka 14:26

«Hee barnaxes naa hardáh amor'eé', bar baabuúwós gwaa aahhiiká, nee aayoorós nee hareerós nee na/iiwós, nee hhaaeewós, nee slám inós kilós birta aahhiiká, i eeharusmooeé' tleehhitiiká.

Luka 22:41

Inós tiri paraátl dir'ine, iri geerií hi'iít gár niinawe har qoomoó tlaa/anoó taa tsaxaár iwa hardihi, iri tumbarara'aát, iri firín, iri oó',

Tlehhema'aá ya/Abuuse 10:9

Bál tsár tawa baraá aaí dirii'i, gixsa kari i tseewúy. Qoomaadae Petro iri tsa/án gawaá daanduú do', as iwa firór ay. Qoomaadá' a looár lahhoó' ar tlaatla/aangw.

Tlehhema'aá ya/Abuuse 2:15

mukwí aa oonimiitiiká adoosíng kuungá' kar kata', asma qoomaarí a looár tám ar matlaatle.

Tlehhema'aá ya/Abuuse 20:24

Ala bar án kilooeene slafingw'eé' u gaárí xuaaká. Ala gár gídaabár koom a masók slafingw'eé' kudá' nee Aako un alhhe'eés, nee gadiyér'eé' tidá' naa ilaaóh dír Aako Yésú wa ale, ngiwa alhhe'ees. Nee gadiyeérí an alki/ituú Ya/abtór hho' daanduú gurtleemuú Mungú.

Tlehhema'aá ya/Abuuse 20:36

Qoomár Paulo axweesanaywós nguwa hhe'eés axweesanto, iri tumbarara'aát dinkwa nee mukdá' sleémeero, iri firín.

Tlehhema'aá ya/Abuuse 21:5

Qoomár deelór tawa amoodií diriaan iwa fák, tay tlawaán. Inooín sleémeero nee tlaaway'ine nee na/iiwo tay haydohisiyé' ay afaá gixsa. Tay tumbarara'ataán afaá tlawi, tari firimaán.

Tlehhema'aá ya/Abuuse 3:1

Looarka wake Petro nee Yohane tana tsa/án amór Doó Mungú qoomár looár gwaleél siiwadár saaliingw.

Tlehhema'aá ya/Abuuse 4:29

Ala Aáko, ham daxta de'e tlaquuín ga/aaweek, nee sagadiyuuseerók aleesleemu ti hanis as axweesantók kawa axweesi ar pihh'uuma sleémeero.

Tlehhema'aá ya/Abuuse 5:20

«Tlawsé', sihhiité' baraá Doó Mungú, muu ádbawaak kángw axweesanaywí sleémeero oo slafiingo.»

Tlehhema'aá ya/Abuuse 5:29

Petro nee ya/abuuse tari oó', «Gár atén tiwa hariím a Mungú un iialooeemisaán ta múk aleesleemuú kooma.

Tlehhema'aá ya/Abuuse 7:60

Iri tumbarara'aát iri tseé' ar afór ur, iri oó', «Aáko, tlakweemaaká' mi daanduuín i faaraar.» Adoorí ooaro ngiwa hhe'eés, iri gwaá'.

Tlehhema'aá ya/Abuuse 9:40

Petro muu sleémeero guna tsee/ií duúx. Iri tumbarara'aát, iri firín. Iri amór tuuaárí warqáy iri oó', «Tabita, tlawáng.» Iri qaytsít, nee Petro nguwa aán iri tleér, iri iwít.

Efeso 3:14

Gawaá adoorihe gaarí an gár Baabá án ngusa i tumbarara'aát nguri firiiriím.

Filipi 1:14

Nee tseegamor'eé' hha'aá yaariir awa kríshaanáy gaa haratlintaao gawdés baraá Aakoowo, tari uraaráy baraá pihh'uumaaro as Ya/abtór hho' kawa alki/iiti ar dae wasle.

Filipi 1:20

Gár án ni harahhiif a tí, aníng a baloó muruutaaká baraá umuúqo gaaro. Asma umuúqo gaaro ar án ni slaw xirfuú Kristo gu laqaán ar geehhooeema dír muu sleémeerowo, adoodá' Kristo kura xirfayeés aáng, nee tam hamí sleeme kuqo xirfayees, as muruudá' án ni slaw barnaxes ar slafingw'eé' laqaá ar gwa'arar'eé'.

Filipi 4:6

Ma daawiimitaara' baraá umuúqo gaaro. Ala umuúqo gaaro ar ta sla'a'a Mungú na ádbawaak, kuwa firiiriinda' nee kuwa sluufmisa'.

Kolosai 3:17

Nee umuúqo gaaro ar ta tlehha'a ar axweesani laqaá ar tlehhma, sleémeero ka tlehhá' ar umuú Aako Yesu, nee Mungú Baabá kuwa sluufmisa' ar inós.

Ebrania 13:15

Gawaá adoorihe atén masók Mungú un ilahhooarén ar muruú ta tsú/í hanmiisaán ar loohír kuwa xirfayeemisaan umuúqo daqto ar loohír Yesu. Gídaabárós a Mungú un xirfayeemisaán ar afeerén.

Ebrania 4:16

Gawaá adoorihe atén masók an tseewuwaán ar pihh'uuma dír kitángw Mungú, didá' tsuuqaá Mungú kiwa slay, as tíwa gurtleemuú i haniisi, nee /uuru kuwa slawaan, kudá' atén ti alee/iimiís qoomár hariima.

Geehhoeemaá 2:10

Slahh'amaayeedá' kuúng ta sleer ma da'ayuutaar. Ga/aaweek, Neetlaangw kuungá' bahh'alé nu tsegiit baraá doó tseegamo, as tunduwa iiari. Nee kuungá' slahh'amu u sleerá' deelo mibaangw. Kuúng masók tu inkihhím tam ay gwa'ara, daqaní aníng slamángw slafiingw ngu haniís.

Geehhoeemaá 2:13

Kuúng dír ta hot aníng a xuú'. Kuúng dír ta hot a didár kitángw aleesleemu oo Neetlaangw. Ala án kuúng iga sa tlankká, slám ana kumaamít aníng iwa haratlintaati' tam qoomár de'emaá Antipa lamabu'usmooeé', slám a lamabu'usmooeé' oo inkihhím. Inós kuna gaás baraá tla/angwhúng i alé, didá' Neetlaangw i hooti.