DANIELI 5:8 - Biblía Axweesantá Hhohho' ar Mungú 2004

⁸ Naagáy múk sageeloén oo waawutmo sleémeero niri hardáh, ala gooidá' soómaro nga aleeslay'iiká, tam gooidá' gár i kat ooaro kaa aleeslayká dír waawutmowo.

DANIELI 5:8 Iomraidhean Croise

IIMU/UUNGW 41:8

Tam matlaatleero looa niwa tleér, muunaáwós i ló'wa gurhaamuut. Muu guna ya/aáw as qwaslaare sleémeero nee mukdá' sageelooén oo baraá yaamaá Misri kiwa ateeti. Mukdá' niwa hardáh, Farao tlataawós giri alki/iít. Ala heé tlataawós waagweeraro gaa aleeslay i kaahh.

ISAYA 47:9

Muruuwí tsár kiíng i gaanslár i harati'iit baraá looár wák i aleeró, qatlór na/iiwók nee kwaali'iitaro i sleér. Handá' kiíng tam da/aluso'ooro, tam /uuruú úr oo qwaslaari'iima u koonda.

YEREMIA 50:35

AAKOÓ MUNGÚ i kaahi, «Qatlo i gawaá múk Kaldayo, nee gawaá yaamuloouusér Babuloni, nee i gawaá geeraharuuser'ín, nee i gawaá muk'ín oo sageloén.

DANIELI 2:27

Danieli waawutmo guri báy, «Kángw naaqoodá' waawutmo aa yaahaás heé waagweeraro gu asláw i kaahh, tam ku sageeloén laqaá da/alusmo laqaá qwaslaarmo, laqaá qwaslaarér xu'utuusér kángw tsatse/.

DANIELI 4:18

«Gaarí an tlatadá' aníng Nebukadnesa naa tlatitiím. Hám daxta kuúng Belteshasa tlataaká' waagweerang asma mukdá' fuqurángw koóm sleémeero baraá waawuti'iimar'eene nga harslaaqatiyé' waagweeraro, ala kuúng i aleesleér, asma qeeruú munguiidá' hhohho' i baraawók i dirii'.»

DANIELI 4:4

«Anuú Nebukadnesa aáng ana hoót dír dooeé' wa ale ar yaandahhooa, nee ana hoót ar diihhooa baraá dooeé' kuduú waawuti'iimaro.

DANIELI 4:7

Naagáy qwaslaare, nee da/aluuse nee xu'utuusér tlata nee xu'utuusér tsatse/uwo kingay huúw. Ngiri tlataaeéni alki/iít. Ala inooín waagweermooro ngiri harslaqatiyé'.

DANIELI 5:15

Hamí múk sageeloén nee da/aluusero kingina dír geraaeéní huúw as gooirí ngiwa soomusiya' nee gár i kat ngiwa ooiya', ala inooín ngaa harslaaqatiyé'.