DANIELI 5:5 - Biblía Axweesantá Hhohho' ar Mungú 2004

⁵ Naxés hamtidár kilae, ditsaá dákw hee niri ti'iitiyé' niri gooíné' gawaá na/amisuú koo/ír doó waawutmo, didií ló'wa gwa/át, nee a afiqoomár tsa'aasi. Waawutmo dakwdá' qoomár iwa gooin guna ár.

DANIELI 5:5 Iomraidhean Croise

YOBU 20:5

Heé tlaákw ga tsaahh qwal/uuwós tawa oo har qoomár niina, nee bar/uú múk aa qwaar oo har afiqoomár ló'wá niina.

AXWEESANOÓ SAGALOOA 29:1

Heé ta gurbuaaín daqtá yaariire bira da/eewa gawdeés, in wa'aá wák ar qeqtín, sleeme i kotsqotiiká.

YEREMIA 50:43

Waawutmoó Babuloni kangw'ín gwa axaás. Dabaawós niri tsatiitiyé' adór hima, slahh'amaaye gwa ót, slahh'amaaye gwa ót adór /ameenír dír asltá xwayla.

DANIELI 4:31

Qoomár iwa axweesantí kaahi, afo ina ilaawáts gawaá doorí wa aleeró, i kat, «Aá waawutmo Nebukadnesa, tí án ni kah iiárí qaaseek, waawuti'iimarók ka hayoh.

DANIELI 4:33

Hamtidár kilae kangwdá' iri boó/ dír Nebukadnesa. Inós kuri guús dír tla/ángw muko, gitso gari /aáy adór awuú wa alé. Inós kuri laaláy nee tluwaay, nee se'éngw slaqwtós iri tlenaanúy adór hayaá gwares, nee fuqeeniiwós nay tlenaanuyé' adór kuqaá gíd/awú.

DANIELI 5:15

Hamí múk sageeloén nee da/aluusero kingina dír geraaeéní huúw as gooirí ngiwa soomusiya' nee gár i kat ngiwa ooiya', ala inooín ngaa harslaaqatiyé'.

DANIELI 5:4

Difaái ngina xufiyé' amooqae i munguaá hatlá' xirfayemisiyá', kudá' taa tleéhh ar sahaábu nee peésa nee ar muqslár sirda/aten, nee muqsla nee xaai nee tlaa/e.

DANIELI 5:6

Gitse/aá waawutmo niri warqayé' inós iri daanda feehhiít, diqiyawós niri tsatiitiyé' nee gurunge'eeriwós niri kitlkitliitiyé'.

DANIELI 5:8

Naagáy múk sageeloén oo waawutmo sleémeero niri hardáh, ala gooidá' soómaro nga aleeslay'iiká, tam gooidá' gár i kat ooaro kaa aleeslayká dír waawutmowo.

Kolosai 2:14

nee dugunoó iinaarén guna fiíts, kudá' geera atén ti iinuús tlehhema'aá yaariire. Guri hingeés, guri kikií' gawaá msalaába.