DANIELI 5:28 - Biblía Axweesantá Hhohho' ar Mungú 2004

²⁸ PERESI, a waawuti'iimarók aa qasít dír múk Medi nee múk Persia.»

DANIELI 5:28 Iomraidhean Croise

2 QOM'I 36:23

«Waawutmo Koreshi oo Persia i kaahi, ‹AAKOÓ MUNGÚ, Munguú doori, waawuti'iima sleémeero ar yaamu ngaa aníngií haniís, nee aníng iga ádbáy do'ós kuduú baraá Yerusalemu tidár yaamaá Yuda nguwa tleehh. Umuúqo heewo kuduú kós baraá tla/angwhunge, masók AAKOÓ MUNGÚ Munguúwós i dinkwa nee inós, nee i watli.› »

ISAYA 13:17

Ga/aaweek, aníng xoorór Medi ngi amor'íní tleés, múk peésa ga gaárí xuaaká, tam ku qwal/atmisiiká nee sahaábu.

ISAYA 21:2

Iigu'utuú xaraásl kunguna aníngí laqán, daanduú heé al/aymusmo iwa al/agin nee daanduú hhituusmo iwa hhitiitin. Kuungaá múk Elamu, tlawsé', gawa i tsa/amak. Kuungaá múk Medi, tlawsé', haratlawé'. Mungú slahh'amu sleémeero gu faak, kudá' tindi haahuwi nee múk Babuloni.

ISAYA 47:11

Gár tlaakw in sleér ar ta baloó aleesleeraaká pa/asaro Ala amotlakwe i haraxupút ar ta baloó aleesleeraaká kwirhhitaro, tin hhaamiis ar gaanslaay ar adór ta baloó xu'ka.

YEREMIA 25:13

Aníng muruudá' sleémeero naa axweés daanduú yaamuukae ngu huúw, nee tidá' sleémeero taa gooín baraá kitaábuuwí, tidá' Yeremia aa aarín daanduú xoordu sleémeerowo a boo/eés.

YEREMIA 51:28

Xoordu amohhe'eesaak as tawa slaqwi nee inós, waawituú Mede amohhe'eesaak nee ga/awuuse nee saayuuser'ine, nee umuúqo yaamaá baraá waawuti'iimar'ín i diriiá'.

DANIELI 2:32

Sagós kuna tleéhh ar sahaábuú hhohhó', da/eewaawós nee dabaawo a muqslidá' ta peésár wa tlehhaahhiti, tla/aangós nee guruuwose a muqslír sirdaa/aat.

DANIELI 2:39

Alaá waawuti'iimaroge waawuti'iimár hatlá' ni iitleér ar daqa tlaakw dír toge, nee aluudae waawuti'iimár tám, ar muqslír sirdaa/aat, xoordu sleémeero gi sawaawuti'ín.

DANIELI 5:31

Waawutmo Dario oo múk Medi waawuti'iima gari óh, qoomaadae inós kureeriiwós a mibeeri lahhoó' nee tsár.

DANIELI 6:28

Naagáy Danieli diihhooa gana sláy de'emaá waawutmo Dariowo nee sleeme de'emaá waawutmo Koreshi, heé Persiawo.

DANIELI 6:8

Gawaá adoorihe, gimáy waawutmo Darío, hara'aya ooeek, nee ka dugunoowók i qás as makawa warqeés. Daqaní a dabér múk Medi nee oo Persia, dabér ta baloó warqesiiká.»

DANIELI 8:20

«Gwaanduudá' xareemaá tsár koóm, kudá' kuúng taa aán, a waawituú múk Medi nee oo Persia.

DANIELI 9:1

«Kurkú geera oo Dario, garmoó Ahasuero heé Medi, iwa waawuti'ín baraá yaamaá múk Kaldayoro,

Tlehhema'aá ya/Abuuse 2:9

Atén a múk Parti nee oo Medi, nee oo Elami, nee múk Mesopotamiár wa hoót, múk Yudea nee Kapadokia, nee Ponto nee Asia,