DANIELI 5:23 - Biblía Axweesantá Hhohho' ar Mungú 2004

²³ Tam muruuwí sleémeero ugwa xui. Ala kuúng kitángw Aakoó doori kuwa xirfayes, kuúng tina kilók urés, xooslaá Doó Mungú kiri léhh kiri difaáirár xúf, kuúng nee bariiseroge nee tlaawaywoge nee /ameenarók tidá' quturmo wasle. Kuúng munguaá taa tléhh ar peésa nee sahaábu nee muqslír sirdaa/aat, nee muqsli, nee xaai nee tlaa/e kiri xirfayemiís, munguaá xumisa'aaká, nee i axamisi'aaká laqaá gár i xuiya' i káhh. Ala Munguúdá' slafiingók gu taami koóm nee kudá' lohduuwók gi xuú', ugwa ilaiwa/amér i tlehhká.

DANIELI 5:23 Iomraidhean Croise

IIMU/UUNGW 14:19

Inós Abramu guna tsuúq, iri oó', «Abrámu, kuúng tu tsuuqi nee Munguú Gáwtí dirií', tleehharusmoó doori nee yaamu,

IIMU/UUNGW 2:7

AAKOÓ Mungú hee guri tleéhh ar hhape, guri hiinsluú slafíngw i ufaáhh, hee tari heé slaáf.

2 WAAWITÁ 14:10

Hám daxta, kuúng Amasia, múk Edomu ugwa ló'wa bál, daxta hamí kuúng aga ló'wa daara/út. Tsiní xirfuú niiná ta sleér ar do'ók wa ar iwiteek. Ahaá a milá gár atayaá yaariir awa kuúng u hhaamiisá' dinkwa nee mukók kwisíng oo Yuda?»

YOBU 12:10

Slafíngw umuúqo makiito'ooro i baraá dabaawós, slafíngw umuú hee i baraá dabaawós.

YOBU 31:4

Ahaá, inós lohduueé' gi xuiikáhe? Nee digir wakeetingw'eé' gu xuiikáhe?

WARA'AMI 104:29

Bira alaá xu'ús nin deewaiyá'. Hiinsluuín bura hiingés, tan qaatl, tay kii/ baraá hhapeedá' i dahhiya'.

WARA'AMI 115:16

Doori awa AAKOÓ MUNGÚ, ala yaamu gina haniís dír muu.

WARA'AMI 139:3

Aníng kuúng i tsee/ariín bar hi'iimiít laqaá bara qaát, nee lohduueé' sleémeero i xú'.

WARA'AMI 146:4

Hiinsluú hee in ti'iit iri kii/ baraá hhape, baldae muruudá' sleémeero aa qoomaameés in qwaar.

AXWEESANOÓ SAGALOOA 20:24

Digir wakeetíngw hotaá hee AAKOÓ MUNGÚ gun geeraharahaar, Adór hee slafiingós ngur xui.

ISAYA 13:11

AAKOÓ MUNGÚ i kaahi, «Aníng yaamu i muúx asma muruudá' tlákw i tlehhaahhitiya', nee múk tlákw un muúx asma tlakweemaaín. Aníng daara/ángw daara/uuse un faák, nee sagabi/uuín nguri yaamií hhaáf, sleeme a baabaqasaaká.

ISAYA 14:13

Kiíng ana baraá muunaáwógi ó', ‹Aníng an tsa/ám ay gawaá doori, dír tsatse/uú Munguhe gawa, kitangw'eé' dir'ine nguri gáwtí qaás. Aníng niri iwiít gawaá tloomadár mungui tay dogiitiya', tidár amorqár /iíkwií saaw.

ISAYA 2:12

Asma baalár AAKOÓ MUNGÚ Aleesleemusmo i hi'ít, dír mukdaádá' sleémeero sage gawdén nee oo daara/uuseero, nee daandemaá kudá' ti gáwtí tleemisá'.

ISAYA 33:10

AAKOÓ MUNGÚ i kaahi, «Daxta aníng ni tláw, daxta aníng ti amohhe'eés, daxta aníng ti kilooeé' xirfayeés.

ISAYA 37:19

Mungui'ín kiri baraá ásltí supín, asma gaa a munguaá kil'eeká. Ala a gadiyér dabaá muu. Gaa a gufteeri nee tla/u. Gawaá adoorihe munguiidá' kiri suwatsaát.

ISAYA 37:23

Ala kuúng heé taa niqiín kuri /ooslisliín a heemá? Heedaá heemá taa daanda axwés, heedá' taa niqiín kuri biibisiín a heemá? An aníng kudá' hhoohhoó' oo Israeli.

ISAYA 42:5

Adoorí an adoodá' AAKOÓ MUNGÚ i kaahi, Inós an kudá' doori nee yaamu gaa tleehh giri intláh, Inós an kudá' yaamu gaa tleehh, umuúqo gár baraadá' i diriia, Kudá' múk baraá yaamu gwa hiinslií haniis, kudá' qeeruuwós gwaa haniis dír múk baraá yaamuú wa hoót.

YEREMIA 10:23

Aá AAKOÓ MUNGÚ, aníng a xuú', heé slafiingós baaliro gu aleesláw i kaahh, tam heé hotaawós gi geerahaár i kaahh.

YEREMIA 48:26

AAKOÓ MUNGÚ i kaahi, «Múk Moabu xufitisaak, asma inooín tina xirfayeemisiyé' as aníng iwa si'iyé'. Gawaá adoorihe, múk Moabu ta gwaagwara'amiit baraá wa/arii'ín wa ale, nee inooín kiri waaqaseesén.

YEREMIA 50:28

«Iia qaasaak, inooín naa /akumiitiyé', naa kotsqomitiyé' baraá yaamaá Babulonír wa alé, ta baraá Siyonír wa kángw ilaharmiis adór AAKOÓ MUNGÚ, Munguúrén li/aay ngura buú', li/aay as Do'ós kudá' hhoohhoó'.

YEREMIA 50:29

«Múk ga/ale tlaqutuwo ga xuú' ateetaak as Babuloni kawa i haratlay, umuú heé mahaangw tsaxaararo gu xuú' huwaak. Gixsa harweeraak asma hee miwa /akuút. Li/aay buaak ar qoomoó tlehhmi'iiwós adoodá' múk hatlá' ngway tlehhít ti tlehhe', asma inós ina daara/aán, AAKOÓ MUNGÚ, kudá' hhoohhoó' oo Israeli guri waaqá'.

ESEKIELI 28:17

Ana daara/út asma tuwa hhoohhoó', sagalooarók ana hhitiín ar xirfuuwók, aníng kuúng una yaamií kwaáhh, uri murekeés dír ilaá waawitá wa ale.

ESEKIELI 28:2

«Heewí, waawutmoó Tiro baweek anuú AAKOÓ MUNGÚ a kah, Kuúng aga ló'wa pooraa/amút sagabi/uuwo, sleeme tari ó', ‹Aníng a mungú, aga iwiít gawaá kitángw waawuti'iima oo munguaá hatlá', aga iwiít baraá tláwtí alé.› Ala kuúng a heé tawo, kuúng a munguheeká. Tam sagalooarók kilók a ara'aanda tawa adór taqár mungú.

ESEKIELI 28:5

Ar fuquraangók oo yaariír baraá halaanu'uumaro, daqaari'iimarók aga tlahhás, tari daara/út as daqaari'iimarók.

ESEKIELI 31:10

«Gawaá adoorihe anuú Aakoó MUNGÚ a kah, ‹Asma kiíng ana tleeruúr, nee tsitsiniirók tiri gáwtár dúx baraá haleemiidá' urene, tlenaangók kuri ar daara/aán.

DANIELI 11:12

Inós iri dara/uut as baalidá' aa sláy nee slaqwaruusedá' kumér yaariir ar /iya ngiwa tsuú/, ala baali sleemuuwo i baloó ki/iiká.

DANIELI 4:37

Hám daxta, anuú Nebukadnesa waawutmoó gawaá doori un xirfayemiís nee un diidi'iimiís, nee un ilaiwawaá/. Asma tidá' inós i tlehhiiti sleémeero i ganá', nee mukdá' aa daara/umiit gawa tin wa /arara'aas.»

DANIELI 8:11

Xarmoowí tiri ló'wa xirfayeés kilós ale tam dír geeraharusmoó úr oo múk Munguhe. Ilahhooadá' ta da/aa/an umuú deelooro dír Kudá' Úr oo gawaá doori gari qwaareés, nee do'ós kudá' hhoohhoó' guri yaamií slaáx.

HABAKUKI 2:4

Gár ta gooiin a tí: ‹Múk tlakweemaá tlehhaahhiít ga/a/awaagáy i xayká. Ala heé gan'amuú koóm gár ir slafi a haratlintaao.› »

Tlehhema'aá ya/Abuuse 17:25

Laqaá inós gár i slai i káhh, tidá' inós kura sagadiyuús ar dabaá muu. Asma inós an kudá' muu sleémeero gu slafíngw i hanmiís, nee hiinsla nee mura' sleémeero.

1 Korinto 8:4

Ala gawaá daanduú /aymár fu'unaydá' taa ilahhooár wa hanmiisi dír munguaá hatlá' gár ni oo' a tí, atén a xuaán adór munguaá hatlá' tar gaarooká baraá yaamuwo, ala Mungú a wak.

1 Timoteo 3:6

Slám inós masók a heé aa ba/aniiká deeloorí /abene, as miwa daar/uút, iri huu', kuri sakwasleemuut adór Neetlángw wa ale.

Ebrania 4:13

Umuúqo gaaro ar Mungú i harslaaqati arto i káhh. Mura' sleémeero i kístí dirii', nee ku geehhoó' dír ilaawose, nee atén adór tara hootaán an dír geeraawósií kwalilimaán.

Geehhoeemaá 9:20

Nee múk aa meet, oo taa tsu/iiká ar muxtaarí, gadiyeédár dabaaín kaa hhu'u'unká, neetlaame kaa mayká sluufmisuuwo, nee munguaá muqslaaqatuuwo, kudá' taa tleéhh ar sahaábu nee ar peésa nee ar muqsla nee ar tlaa/e nee xaai. Munguiiká' i xumisiiaaká nee i axamisiiaaká, slám i hi'iimitiiaaká.

HAR'OHUUSE 16:23

Geeraharuusér Filisti tari dinkwaárií burumburiít as ilahhooár muruú ta tsu/i kawa haniisi dír munguúín kudá' ta bay Dagoni, tawa baraa/i ar qwala/, iwa kaahiya', «Munguúrén wakusmoorén Samson ngwa haniís gawaá dabaarén i alé.»

1 SAMUELI 17:26

Daudi mukdá' dír bihhiwósií tseéw guri yaahaás, «Xáy, heé heewuú múk Filisti ngwa gaas, nee oo múk Israeli ngwa tuu/ baraá murekesoó adór kwihe, heewí gár kwi tleehhi? Heewuú Filisti inós a heemá, bar sleeme an heé ta al/utliiká, iwa qiitli slawtá múk hhohhó' oo Mungú kudá' slaáf ngiwa adoorír niqin.»

1 SAMUELI 17:36

Anuú sagadiyusmoowók aga intsahhaám direeraá yaariir nee makaydá' ta bay duúbu tsu/utaaro. Hamí tam heeqaáquú Filisti oo taa al/utliiká, aníng aqo un adoorí laáq. Ga/aaweek inós slawtá múk Munguúdá' slaáf gan /oosliislín.»