DANIELI 5:20 - Biblía Axweesantá Hhohho' ar Mungú 2004

²⁰ Ala as inós iwa daara/uút nee iwa sagagawdúy iri waahhamín, kuri hingeés gawaá kitángw waawuti'iimaro, tam xirfuuwós kuri hingeés sleeme.

DANIELI 5:20 Iomraidhean Croise

2 WAAWITÁ 17:14

Ala inooín tí ngaa iiárií qaasi'iiká, inooín kin sage gawden adór baabi'ii'ín kudá' AAKOÓ MUNGÚ, Munguúín, ngwa si'iye' haratlintaooro.

2 QOM'I 32:25

Ala Hesekia AAKOÓ MUNGÚ gwa sluufáy hanisiiká daanduú tí sleémeerowo, asma muunaáwós ina haáts daara/aango. AAKOÓ MUNGÚ inós guri i buúhh, nee múk Yudawo, nee múk Yerusalemúr hoota.

2 QOM'I 36:13

Sedekia kángw waawutmo Nebukadnesa axaasaro guri sií' tam Nebukadnesa Sedekia ngwa lo'ór /aymisi ar baraá umuú Mungú as tidá' Nebukadnesa i ooi mingiwa sií'. Inós da/eewawós giri gawdeés, tam guruuwós guri tlaa/árí dahaás as miwa kií/ amór AAKOÓ MUNGÚ, Munguú Israeli.

TI'INAANGW 18:11

Daxta aga tsaáhh adór AAKOÓ MUNGÚ kur úr dír munguaá hatlá' sleémeerowo, asma kuungá' nuna wangeexwaár baraá dabaá múk Misrír wa ale, kudá' naa baramaanumamiis.»

TI'INAANGW 9:17

Tam hamí baré kuúng ti xirfayeemís daanduú muk'eé' wa ale, i gimeeraaká niwa tlaya'.

TI'INAANGW 9:7

Farao muu guri ya/aáw as makaá múk Israeli kiwa artá ay, naxés tam makiito'ór wák ar aa gwa' i káhh. Ala Farao muunaáwós guri gawdeés, múk Israeli gwa geemayká.

AXWEESANOÓ SAGALOOA 16:18

Heé hhitiruút in ala daaraa/uut, nee dee/aanu in giirín dír hee ira huuiiká.

AXWEESANOÓ SAGALOOA 16:5

Umuúqo heé daara/ama ku waak nee AAKOÓ MUNGÚ, Heé adoorí sakwasleemaro i pa/iiká.

ISAYA 47:1

«Yaamu i aweerang daqaní ta iwít baraá teeri. Aá /amaatliito'ór Babuloni, yaami iwiteek baraá kitángw xirif wásl, aá kiíng dasír Kaldayo. Asma kiíng daxta ti dasír butlutluqár ateetiiká nee ar hhoohhoo'.

YEREMIA 13:18

Waawutmo nee aayoorós bawaak, «Aweeraré' gawaá kiteerihúng awa waawuti'iimaro, asma slam'iihúng kudá' hhohho' naa huuhu'uné' gawaá sagerhunge.

YEREMIA 19:15

AAKOÓ MUNGÚ Aleesleemusmo, Munguú múk Israeli, i kaahi, «Qaytsiít aníng muruudá' tlákw naa axweemamiís daanduú gixsarihe nee ayeemaá inslaawaywós sleémeerowo ngu huúw, asma inooín sager'ín ngina gawdeesiyé' nee axweesante'eé' ngi axamisiiaaká.»

YEREMIA 48:18

Kuungá' yaamuloouusér Diboni, aweeraré' gawaá xirfuuhúng kwisinge, nee ta iwitá' bará yaamaá kaahaar! Asma kudá' Moabu ga hhaamiís naa hardáh as ngiwa i haraatlay. Koo/irhúng tidá' gawit gaa hhitín.

ESEKIELI 30:6

«Anuú AAKOÓ MUNGÚ a kah, mukdá' nee múk Misri ti dabe ohiimá' ki hhaamiis, slaqwaruuseedá' pihh'uumár koom sleémeero ka hhaamiis. Iimír Migdoli ay Siyene muu ku tsuú/ baraá slaqwara. Anuú Aakoó MUNGÚ tí aga oó'.

ESEKIELI 31:10

«Gawaá adoorihe anuú Aakoó MUNGÚ a kah, ‹Asma kiíng ana tleeruúr, nee tsitsiniirók tiri gáwtár dúx baraá haleemiidá' urene, tlenaangók kuri ar daara/aán.

DANIELI 11:36

«Waawutmoó /iya adoodá' i slai gan tleehh. Inós ti kilós xirfayees nee tiri gáwtí tleés iri ooi inós ku úr dír mungui sleémeero. Munguú mungui guri /oosliislín. Iri kumiit ay dír har afiqoomár buhhtaawós i fakiya'. Asma qoomaadá' taa qaás iwa bo/ i hariín.

DANIELI 4:26

Slám hara'ayadár guftano nee dee/aaruuwós kiwa geexay gawaá yaamu, gár i laqaqaan a tí: Waawuti'iimarók kingi ki/is qoomár bara tsáhh adór Munguú gawaá doori tar baalusmo.

DANIELI 4:28

Muruuwí sleémeero aa oó' ina boó/ dír waawutmo Nebukadnesa i ale.

DANIELI 4:37

Hám daxta, anuú Nebukadnesa waawutmoó gawaá doori un xirfayemiís nee un diidi'iimiís, nee un ilaiwawaá/. Asma tidá' inós i tlehhiiti sleémeero i ganá', nee mukdá' aa daara/umiit gawa tin wa /arara'aas.»

DANIELI 8:8

«Aluuwo gurtuudá' tiri kilós xirfayeés ló'wa alé. Ala qoomár iwa ló'wa /uuruú kon xarmoowós kudá' úr iri qeét. Kitángw xarmoodae xareemaá ninakw awa tsiyáhh niri ti'itiyé' awa gehho', umuú xarmoowo ina bartós xuú' badu tsihhaawo awa yaamu.

Luka 18:14

Án a kah, kwí iri waátl amór do'ós, kwí kilós an kudá' taa gan'amií harafaár. Asma kudá' ti kilós ureemiís, ku niinawees, nee kudá' ti kilós niinaweemiís, ku urees.»

Ebrania 3:13

Ala kuungá' umuúqo deelooro ti gurbu'uunde' dír /aymuuwí «laarí» ir kumiiti, as tam heé wák baraá tla/angwhunge miwa ya/án kuwa al/ayi nee tlakweema, iri saga gawdúy.

1 SAMUELI 6:6

Ala waáy munerhúng mas gawdemisá', adór mukduú Misri nee Farao muner'ín kara gawdeés? Alaá Mungú múk Misri nguwa slahh'eemiís, xáy mukduú Israeli kwa geemaykáhe?