DANIELI 5:2 - Biblía Axweesantá Hhohho' ar Mungú 2004

² Qoomár tawa xufiiti Belshasa iri oó', «Xoosladár sahaábu nee tidá' taa peésár tleehhi tidá' baabuúeé' naa haasaáng wa huúw baraá Doó Mungú kuduú baraá Yerusalemúr wá ale huwaare', as difaái kawa xufaan ar xoosluusíng, aníng nee bariisero nee tlaaway'eene nee /ameenar'eé' tidá' qutúr wasle.

DANIELI 5:2 Iomraidhean Croise

2 SAMUELI 9:7

Daudi guri báy, «Ma da'ayumiitaar. Aníng kuúng u hhoeemií tleéhh, as Yonatan baabuúwók. Yaamuudá' sleémeero awa aakoowók Saulo ngi amoorogí ki/ís. Aníng nee kuúng an dinkwár wa al/ayimaán daqisleém.»

2 WAAWITÁ 24:13

Adoodá' AAKOÓ MUNGÚ ngira geerií oó', Nebukadnesa daqaari'iimár baraá doó AAKOÓ MUNGÚ nee ar doó waawutmo gari ar tláy. Xooslár taa tleéhh ar sahaábu nee waawutmo Solomon gana tsuú/. Xooslarí i baraá doó AAKOÓ MUNGÚ i dirí'.

2 WAAWITÁ 25:15

Geeraharusmooduú xuumuuse safuriyadu sleeme gina ar tláy, dinkwa nee búklaywo, nee umuúqo xooslár taa tleéhh ar saahaábu nee ar muqslár peésaaro.

2 QOM'I 11:20

Aluuwo Rehoboamu Ma'aka dasír Absalomu gari duúx, inós iri laqwál: Abiya, nee Atai, nee Sisa nee Shelomiti.

2 QOM'I 15:16

Waawutmo Asa aayoorós Ma'aka gana hiingeés baraá waawuti'iimaro, asma slaqsaydá' ta waki ta bay Ashera guna tléhh. Asa slaqsaywí guna geeqáy, gway daá/, gway kwaáhh baraá xatstá ta bay Kidroni.

2 QOM'I 36:10

Alaá kurkú wák iwa waaraáhh waawutmo Nebukadnesa mukós guna ya/aáw Yehoyakini kuwa huwi baraá yaamaá Babuloni dinkwa nee xosluudá' tlaxo uren ar Doó AAKOÓ MUNGÚ. Sedekia hhiyoó Yehoyakini guri waawutmoó Yuda nee oo Yerusalemúr wa qaás.

2 QOM'I 36:18

Xoosla sleémeero ar uren nee ar ninakwe ar doó Mungú, nee daqaari'iimár Doó AAKOÓ MUNGUHE, nee daqaari'iimár waawutmoowo, nee daqaari'iimár geeraharuuseero, sleémeero gari huúw ay yaamaá Babuloni.

ESRA 5:14

Xosluudaá Doó Mungú, kudaá sahaábu nee awa peésa, kudá' waawutmo Nebukadnesa ira tláy baraá doó Mungú wa ale kuduú Yerusalemu, giri dahaás baraá do' kuduú baraá yaamaá Babuloni. Xosluuká' waawutmo Koreshi ngina duúx baraá do'duú Babulonír wa ale, ngiri haniís dír heeko ta babay Sheshbasa, kudá' aa ga/aawusmoó wa qaás.›

YEREMIA 27:7

Xoordu sleémeero inós ngun sagadiyuusiyá', nee na/iiwose nee nángw naangose, ay dír waawuti'iimarós baraá yaamuwo i fak. Aluuwo inós xoordaá yaariir nee waawituú yaariír ngun lawaalmooín tleehhiyá'.

YEREMIA 50:35

AAKOÓ MUNGÚ i kaahi, «Qatlo i gawaá múk Kaldayo, nee gawaá yaamuloouusér Babuloni, nee i gawaá geeraharuuser'ín, nee i gawaá muk'ín oo sageloén.

YEREMIA 52:19

Geeraharusmooduú xuumuuse isanga'aay sleeme guri ar tláy, nee hhansi'i, nee iimpu, nee hutli'i, nee kiteeraá tsa'aaso kay qamaamin, nee tsukumi'idá' uren, nee isangaoó ilahhooár muruú wahaangw, xooslarí bahh'alé ar sahaábu, tooka ar muqslár /awak.

DANIELI 1:2

Aako Mungú Yehoyakimu waawutmoó Yuda guna máy kuwa oohi nee waawutmoó Babuloni, nee xooslaá Doó Mungú giri bahh ar tláy ay baraá yaamaá Shinari, ay baraá doó munguúwós. Xosluudá' gari baáts baraá doó munguúwós.

DANIELI 5:11

Waawutámo, baraá ayaawoge heeko wák oo qeeruú Munguúdá' hhoohhoó' gu koóm i deer, qoomár waawuti'iimár baabuúwoge heewí una tsaahhaán inós tawa heé fuqurángw koóm, nee tsaahha nee sagalooár adór tiqár mungui. Baabuúwók waawutmo Nebukadnesa heedaádá' guna qaás tawa heé úr oo qwaslaare nee oo da/aluuse nee xu'utuusér tlata nee xu'utusér tsatse/uwo,

DANIELI 5:13

Naagáy Danieli kuri huúw dír geeraá waawutmo, waawutmo guri yaahaás, «Xáy, kuúng a heedaádá' ta báya Danieli, kudá' baabuúeé' waawutmo naa baraá yaamaá Yuda wa húwi?

DANIELI 5:18

«Aá waawutámo, Munguú úr baabuúwók Nebukadnesa guna waawti'iimárí haniís nee uraay nee xirif nee aleesleemuwo.

DANIELI 5:23

Tam muruuwí sleémeero ugwa xui. Ala kuúng kitángw Aakoó doori kuwa xirfayes, kuúng tina kilók urés, xooslaá Doó Mungú kiri léhh kiri difaáirár xúf, kuúng nee bariiseroge nee tlaawaywoge nee /ameenarók tidá' quturmo wasle. Kuúng munguaá taa tléhh ar peésa nee sahaábu nee muqslír sirdaa/aat, nee muqsli, nee xaai nee tlaa/e kiri xirfayemiís, munguaá xumisa'aaká, nee i axamisi'aaká laqaá gár i xuiya' i káhh. Ala Munguúdá' slafiingók gu taami koóm nee kudá' lohduuwók gi xuú', ugwa ilaiwa/amér i tlehhká.

DANIELI 5:3

Naagáy xoosladár sahaábu nee xooslaadár peésa, tidá' tinda huúw amór Doó Mungú wa ale baraá Yerusalemu, kingiri huúw. Waawutmo nee bariiseerós tidae nee tlaawaywose nee /ameenarós tidá' qutúr wasle, xooslaadá' ngiri difaáírár xufiyé'.

DANIELI 5:30

Xweeraadaá kilae waawutmo Belshasa oo múk Kaldayo kuri gaás.

DANIELI 5:4

Difaái ngina xufiyé' amooqae i munguaá hatlá' xirfayemisiyá', kudá' taa tleéhh ar sahaábu nee peésa nee ar muqslár sirda/aten, nee muqsla nee xaai nee tlaa/e.

FAARO 7:79

Ilahhooarós a tí: Sahaánír wák ar taa tleéhh ar peésa, iilooeemaawós a kílo wák nee tlaqi, nee iimpér wák ar taa tleéhh ar peésa, iilooeemaawós a graámu tsiire dakaát, ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedoók nee di/i, as tawa ilahhooár balaangw.