DANIELI 5:13 - Biblía Axweesantá Hhohho' ar Mungú 2004

¹³ Naagáy Danieli kuri huúw dír geeraá waawutmo, waawutmo guri yaahaás, «Xáy, kuúng a heedaádá' ta báya Danieli, kudá' baabuúeé' waawutmo naa baraá yaamaá Yuda wa húwi?

DANIELI 5:13 Iomraidhean Croise

ESRA 10:16

Naagáy mukdá' sleémeero naa baraá looháy wa waatl adoorí kari ya/án. Kaahamusmo Esra hhawaate giri paraátl baraá tla/ángw geeraharuusér uren ar tlahhi'i wa alé, nee umer'ín gari gooín. Tana iwiít bál slahhángw mibaangw tawa wak as kaangwí kuwa alqayti.

ESRA 10:7

Afo kari ilahariís baraá Yuda sleémeero nee Yerusalemuro, amór mukdá' sleémeero naa baraá looháy wa waatl tawa burumburiiti baraá yaamaá Yerusalemu.

ESRA 4:1

Naagáy wakuusér múk Yuda nee Benyamini kawa axaás adór mukdá' naa baraá looháy wa waatl tar doó AAKOÓ MUNGÚ, Munguú Israeli tlehhiít,

ESRA 6:16

Múk Israeli, nee kahaamuuse nee múk tlahhoó Laáwi, nee múk hatlá' oo naa baraá looháy wa waatl, do'owuú Mungú kuri aldafín ar qwal/uú yaariír.

DANIELI 1:1

Kurkú tam iimír Yehoyakimu waawutmoó Yuda waawuti'iima ngiwa iimu/ún, Nebukadnesa waawutmoó Babuloni, gixsár Yerusalemu, gari haraweél.

DANIELI 1:2

Aako Mungú Yehoyakimu waawutmoó Yuda guna máy kuwa oohi nee waawutmoó Babuloni, nee xooslaá Doó Mungú giri bahh ar tláy ay baraá yaamaá Shinari, ay baraá doó munguúwós. Xosluudá' gari baáts baraá doó munguúwós.

DANIELI 1:21

Aluudae Danieli ina hoót ay kurkú geera oo waawutmo Koreshi.

DANIELI 1:6

Baraá daaqaywihe baraakarka a ín Danieli nee Hanania nee Mishaeli nee Asariya awa tlahhoó Yuda.

DANIELI 2:25

Aluuwo Arioko guri gaanslár huúw dír geeraá waawutmo iri oó', «Waawutmoó xiríf, heé ngwaa sláw baraá tlahhoó Yuda wa ale kudá' tinda loohatís, inós tlataadá' ngi waagweer.»

DANIELI 2:48

Aluuwo waawutmo Danieli guri xirfayeés, guri muruú yaariír i haniís, guri waawuti'iimár yaamaá Babulonírí haniís. Guri geeraharusmoó hara'ayuuse sleémeero ar waawutmoó wa qaás.

DANIELI 5:11

Waawutámo, baraá ayaawoge heeko wák oo qeeruú Munguúdá' hhoohhoó' gu koóm i deer, qoomár waawuti'iimár baabuúwoge heewí una tsaahhaán inós tawa heé fuqurángw koóm, nee tsaahha nee sagalooár adór tiqár mungui. Baabuúwók waawutmo Nebukadnesa heedaádá' guna qaás tawa heé úr oo qwaslaare nee oo da/aluuse nee xu'utuusér tlata nee xu'utusér tsatse/uwo,

DANIELI 5:14

Aníng aga axaás adór qeeruú Munguúdá' hhoohhoó' ir baraawók nee adór kuúng sagalooa nee fuquraangw nee inslawoó ganaá' kur koón.

DANIELI 5:18

«Aá waawutámo, Munguú úr baabuúwók Nebukadnesa guna waawti'iimárí haniís nee uraay nee xirif nee aleesleemuwo.

DANIELI 5:2

Qoomár tawa xufiiti Belshasa iri oó', «Xoosladár sahaábu nee tidá' taa peésár tleehhi tidá' baabuúeé' naa haasaáng wa huúw baraá Doó Mungú kuduú baraá Yerusalemúr wá ale huwaare', as difaái kawa xufaan ar xoosluusíng, aníng nee bariisero nee tlaaway'eene nee /ameenar'eé' tidá' qutúr wasle.

DANIELI 6:13

Waawutmo nguri bayé', «Heedaádá' ta bay Danieli, kudá' tinda huúw baraá yaamaá Yuda wa alé, kuúng u iiárií qaminká, laqaá hara'ayaadá' kuúng taa dugunií qás ga iialooeesiiká. Asma inós umuú baalaaro firo ngi hhe'eemisi ay sagaá wa tám.»

DANIELI 8:1

«Kurkú tám iimír waawutmo Belshasa iwa waawuti'ín, anuú Danieli iigu'utuú hatlá' una ár alaá kuduú geeraawo.

DANIELI 8:27

«Anuú Danieli ana /araám, niri tiíq deelo alé. Niwa huunguú/ niri kumiít gadiyeedá' waawutmo iga bayi. Ala iigu'utudá' aníng ina waa/o/amórár áy, ala aníng ugwa tsaahhiiká.»

Yohana 7:1

Aluudaádae Yesu ina baraá yaamaá Galilayár wa hi'iimiít, asma gaa slaiiká iwa baraá yaamaá Yudeár wa hi'iimiiti, asma múk Yahudi i pa/ángw leelehhiit oo inós kur gaasi.

Yohana 7:3

Hhaeewós nguri bayé', «Quútl diirihe, tláw baraá Yudea, as eeharuuseerók tlehhemi'iiwók kudá' ta tlehhahhit, ngiwa ariya'.