DANIELI 5:11 - Biblía Axweesantá Hhohho' ar Mungú 2004

¹¹ Waawutámo, baraá ayaawoge heeko wák oo qeeruú Munguúdá' hhoohhoó' gu koóm i deer, qoomár waawuti'iimár baabuúwoge heewí una tsaahhaán inós tawa heé fuqurángw koóm, nee tsaahha nee sagalooár adór tiqár mungui. Baabuúwók waawutmo Nebukadnesa heedaádá' guna qaás tawa heé úr oo qwaslaare nee oo da/aluuse nee xu'utuusér tlata nee xu'utusér tsatse/uwo,

DANIELI 5:11 Iomraidhean Croise

IIMU/UUNGW 41:38

Farao sagadiyuuseerós gari yaahaás, gari báy, «Heé adór kwí oo qeeruú Munguú koóm baraawose dír kuy awaan a diimá?»

2 SAMUELI 14:17

Anír sagadiyuso'oorók ana baraá muunaáeé' oó', ‹Axweesantá aakooeé' waawutmo in waydií hanís baraá muunaáeene.› Asma kuúng aakooeé' waawutámo, kuúng a adór malaykamoó Mungú baraá tsaahhár muruú hhó' nee oo tlakwe. AAKOÓ MUNGÚ, Munguúwók, masók a dinkwa nee kuúng.»

ESEKIELI 28:3

Áx gimáy, baré ka xu' kuúng Danieli u bá/ sagalooaro, kuúng ka xu' naaqór ta xu'uká i káhh.

ESEKIELI 28:4

Ar sagalooarók nee fuquraangoge daqaari'iimár yaariir aga sleér, sahaábu nee peésár yaariir iga burumbút nee kari qás baraá do'ók i alé.

DANIELI 1:4

Daaqoó xaslxaansli wásl, oo hhohhó', oo sageeloén, awa xu'utír koomá', múk isláhh intsaahhasaro, kudá' gadiyér baraá doó waawutmo ngi aleeslawá', nee ngiwa intsaahhatisi gooír múk Kaldayoro nee tsifrir'ine.

DANIELI 2:11

/Aymuuwí kuúng ta leelehhit ku ló'wa gawít. Aá waawutámo, tam heé geehhooeesaro gu aleesláw i kaahh, aqo har munguiidá' nee muu alhoota'aaká.»

DANIELI 2:22

Axweesanoó bó/ nee oo lu/aaráy gun geehhooees, gár baraá ma/ami ga xuu' nee gwa/aateema i dirós i dirii'iyá'.

DANIELI 4:18

«Gaarí an tlatadá' aníng Nebukadnesa naa tlatitiím. Hám daxta kuúng Belteshasa tlataaká' waagweerang asma mukdá' fuqurángw koóm sleémeero baraá waawuti'iimar'eene nga harslaaqatiyé' waagweeraro, ala kuúng i aleesleér, asma qeeruú munguiidá' hhohho' i baraawók i dirii'.»

DANIELI 4:5

Ala tlata kaariya' awa iga dae tsatiye' ina tlatitiím, qoomár niwa guu' gawaá qatanir'eé' wa alé, inslawaydá' nee iigu'utudae aníng ina ló'wa dae tsatiyé'.

DANIELI 4:6

Gawaá adoorihe múk sageeloén sleémeero oo yaamaá Babuloni una ádbáw niwa hardihiya' dír geeraaeé' as tlataeé' kudá' ngiwa waagweeriya'.

DANIELI 5:14

Aníng aga axaás adór qeeruú Munguúdá' hhoohhoó' ir baraawók nee adór kuúng sagalooa nee fuquraangw nee inslawoó ganaá' kur koón.

DANIELI 5:7

Waawutmo Belshasa iri tseé' ar afór ur as qwaslaare kawa huwi nee da/aluuse nee qwaslaarér tsatse/uwo. Qoomár niwa hardihiyé', waawutmo giri báy, «Heé gooirí soómaro ga aleesláw nee gár i kat ngiri oó', ku tlabaá hhohhó' í dahaas awa sirda/aten, nee kun isa himtuú sahaábií dahaas, nee kun heé tám wa qaas baraá waawuti'iimaro.»

Tlehhema'aá ya/Abuuse 12:22

Muu iri tseeamín ar afór ur, iri káh, «Afoosíng a afór mungú, a afór heewooká!»

Tlehhema'aá ya/Abuuse 14:11

Boo/aydá' adoodá' Paulo aa tleéhh ngiwa ár, tari tseeamín ar afór ur, tari oó' ar tsifrír Likaonia, «Mungui taa hara aweeriyé' ar slaqsa'aá muu.»

Tlehhema'aá ya/Abuuse 16:16

Looarka wake tawa didár saalíngw kawaan, nee lawaalo'orka tina doogaán ar neetlaamér aaru'uumár koom. Inós daqaareerós gan daqaari'iimár yaariírí slaasleér ar loohír aaru'uuma.

Geehhoeemaá 3:9

Ga/aaweek, mukko i deer oo Neetlángw eeharahár. Inooín ta kaahi atén a múk Yahudi, ala laatí a loeká, ala inooín a lamuuse. Aníng mukwí ngu /uurutís as iwa amoorók i hardihi, nee iwa tumbarara'aati dír geeraawók i alé, as inooín ngiwa tsaahhiya' adór aníng kuúng ur slaá'.