DANIELI 4:9 - Biblía Axweesantá Hhohho' ar Mungú 2004

⁹ Aá Belteshasa, kuúnguduú qwaslaarmoó úr dír qwasleeriwo. Aníng a xuú' adór qeeruú munguiidá' hhohho' ir baraawók, nee a xuú' adór naaqór ta waagwetká ir káhh. Gaarí an tlataaeé', kuúng dir'eénií waagweerang.

DANIELI 4:9 Iomraidhean Croise

IIMU/UUNGW 41:38

Farao sagadiyuuseerós gari yaahaás, gari báy, «Heé adór kwí oo qeeruú Munguú koóm baraawose dír kuy awaan a diimá?»

ISAYA 33:18

Inslawaywók gár dae tlaaq ar aa waarahh gari insláy tari o', «Mukdá' atén ta fadiit nee ohme gaa qoomeemees ar xooslmo i amoomá? Mukdá' /aampuurén awa xuuma ga tsawtsawumamiis i amoomá?»

ISAYA 54:14

Hotaá ganaa'á' in ar hotaatiín, kiíng ti sawees dír baramaaniro, nee dír dae tlaquuwo, ma da'ayumitaar gár kiíng i harasaap i káhh.

ESEKIELI 17:23

Eeít, aníng a haátl gawaá ságw tloomár tleer ar múk Israeli, as /ayo nee mamu ngiwa laqwal. Inós tay xa'anoó hhoohhoó' oo sahhti, tsir/ór kal'aá yaariir iri mahheetús baraá gamnaangós wa alé, slám mari ngiri tleehhiyá' gawaá haleemaawós.

ESEKIELI 28:3

Áx gimáy, baré ka xu' kuúng Danieli u bá/ sagalooaro, kuúng ka xu' naaqór ta xu'uká i káhh.

DANIELI 1:20

Nee baraá umuúqo gaaro ar waawutmo ngiwa yaahamiisi ar sagalooa nee xu'utiro, inooín giri tsaáhh adór tara harwaaraáhh sagaáwa mibángw wa ale ta qwaslaareerós tidá' sleémeero nee da/aluuseero, kudá' sleémeero awa baraá waawuti'iimarós.

DANIELI 2:47

Waawutmo Danieli guri báy, «Ar ló', Munguúhúng ku úr ta munguaá hatlae, nee a baalusmoó waawitá, kángw baraá naaqo gu aleesláy geehhooeesaro, asma kuúng kángw naaqoorí ugwa aleesleér geehhooeesaro.»

DANIELI 2:48

Aluuwo waawutmo Danieli guri xirfayeés, guri muruú yaariír i haniís, guri waawuti'iimár yaamaá Babulonírí haniís. Guri geeraharusmoó hara'ayuuse sleémeero ar waawutmoó wa qaás.

DANIELI 4:18

«Gaarí an tlatadá' aníng Nebukadnesa naa tlatitiím. Hám daxta kuúng Belteshasa tlataaká' waagweerang asma mukdá' fuqurángw koóm sleémeero baraá waawuti'iimar'eene nga harslaaqatiyé' waagweeraro, ala kuúng i aleesleér, asma qeeruú munguiidá' hhohho' i baraawók i dirii'.»

DANIELI 4:5

Ala tlata kaariya' awa iga dae tsatiye' ina tlatitiím, qoomár niwa guu' gawaá qatanir'eé' wa alé, inslawaydá' nee iigu'utudae aníng ina ló'wa dae tsatiyé'.

DANIELI 4:8

Alhhe'eesaywo Danieli niri hardáh, kudá' sleeme ta umuú Belteshasár ateetin, umuú Munguueé'. Inós qeeruú munguaá hhohho' gu koóm baraawose, aníng tlataaeé' ngiri alki/iít, una báw,

DANIELI 5:11

Waawutámo, baraá ayaawoge heeko wák oo qeeruú Munguúdá' hhoohhoó' gu koóm i deer, qoomár waawuti'iimár baabuúwoge heewí una tsaahhaán inós tawa heé fuqurángw koóm, nee tsaahha nee sagalooár adór tiqár mungui. Baabuúwók waawutmo Nebukadnesa heedaádá' guna qaás tawa heé úr oo qwaslaare nee oo da/aluuse nee xu'utuusér tlata nee xu'utusér tsatse/uwo,

1 SAMUELI 4:8

A tsaxwaarén! Heé atén ti ba/amís baraá dabaá munguaá aleesleemuú kooma'a a heemá? Munguiiqá' an kudá' múk Misri ngwa faakiye' tsu/utaaro baraá xaanxáy ale ar muxtár da'aweemaá dimbadimbé.