DANIELI 4:7 - Biblía Axweesantá Hhohho' ar Mungú 2004

⁷ Naagáy qwaslaare, nee da/aluuse nee xu'utuusér tlata nee xu'utuusér tsatse/uwo kingay huúw. Ngiri tlataaeéni alki/iít. Ala inooín waagweermooro ngiri harslaqatiyé'.

DANIELI 4:7 Iomraidhean Croise

IIMU/UUNGW 41:24

Nee qaytsiít, /ar/aantaadá' daqeetlakw tidá' hhohho' gari /ák. Aníng qwaslaare ngari kaangwí báw, ala hee i kaahh oo gídaabárós ngaa oo'.»

IIMU/UUNGW 41:8

Tam matlaatleero looa niwa tleér, muunaáwós i ló'wa gurhaamuut. Muu guna ya/aáw as qwaslaare sleémeero nee mukdá' sageelooén oo baraá yaamaá Misri kiwa ateeti. Mukdá' niwa hardáh, Farao tlataawós giri alki/iít. Ala heé tlataawós waagweeraro gaa aleeslay i kaahh.

WARA'AMI 37:35

Heé tlaákw una ár adór ir ló'wa xaraasli. Tina tsaafiís adór haleemaá xaa'aá miereési ar gawaá tloomár Lebanoni.

ISAYA 44:25

Aníng layudaá lama in hhitiím, kudá' tlaa/aá xuá' in daktana tleéhh, axweesantá múk sageeloén an sií', tam xu'utir'ín an daktu'uuma tleéhh.

ESEKIELI 31:3

Kuúng a adór sahhtír yaamaá Lebanoni, tidár haleemi hhohho', nee loo/o yaariir nee tidá' tleer, tsitsini ina purúts gawaá doori.

DANIELI 1:4

Daaqoó xaslxaansli wásl, oo hhohhó', oo sageeloén, awa xu'utír koomá', múk isláhh intsaahhasaro, kudá' gadiyér baraá doó waawutmo ngi aleeslawá', nee ngiwa intsaahhatisi gooír múk Kaldayoro nee tsifrir'ine.

DANIELI 2:10

Mukduú Kaldayo tari oó', «Waawutámo, heé hara'ayarók tisíng boo/esaro ga aleesláw i kaahh baraá yaamuwo, asma tam heé úr laqaá waawutmoó /uuruú koóm oo /aymuú adór kwisíng gwaa yaahasár ay dír qwaslaarmo laqaá dír da/alusmo laqaá dír heé Kaldayo i baloó kaakaahh.

DANIELI 2:27

Danieli waawutmo guri báy, «Kángw naaqoodá' waawutmo aa yaahaás heé waagweeraro gu asláw i kaahh, tam ku sageeloén laqaá da/alusmo laqaá qwaslaarmo, laqaá qwaslaarér xu'utuusér kángw tsatse/.

DANIELI 2:7

Inooín waawutmo kuri malé mu/aywaáts, tari oó', «Tlataawók atén i ooang, daqaní atén awa lawaaleerók gár tlataawók i kaahiya' ngi ooaán.»

DANIELI 3:8

Gawaá adoorihe mukko Kaldayo iri tláy as múk Yahudi kuwa sakwasleemuuti.

DANIELI 4:18

«Gaarí an tlatadá' aníng Nebukadnesa naa tlatitiím. Hám daxta kuúng Belteshasa tlataaká' waagweerang asma mukdá' fuqurángw koóm sleémeero baraá waawuti'iimar'eene nga harslaaqatiyé' waagweeraro, ala kuúng i aleesleér, asma qeeruú munguiidá' hhohho' i baraawók i dirii'.»

DANIELI 5:7

Waawutmo Belshasa iri tseé' ar afór ur as qwaslaare kawa huwi nee da/aluuse nee qwaslaarér tsatse/uwo. Qoomár niwa hardihiyé', waawutmo giri báy, «Heé gooirí soómaro ga aleesláw nee gár i kat ngiri oó', ku tlabaá hhohhó' í dahaas awa sirda/aten, nee kun isa himtuú sahaábií dahaas, nee kun heé tám wa qaas baraá waawuti'iimaro.»

DANIELI 5:8

Naagáy múk sageeloén oo waawutmo sleémeero niri hardáh, ala gooidá' soómaro nga aleeslay'iiká, tam gooidá' gár i kat ooaro kaa aleeslayká dír waawutmowo.