DANIELI 4:6 - Biblía Axweesantá Hhohho' ar Mungú 2004

⁶ Gawaá adoorihe múk sageeloén sleémeero oo yaamaá Babuloni una ádbáw niwa hardihiya' dír geeraaeé' as tlataeé' kudá' ngiwa waagweeriya'.

DANIELI 4:6 Iomraidhean Croise

TI'INAANGW 7:11

Farao múk sageloén guri ateét, nee da/aluuse nee qwaslaareero, inooín adoodár kilá' ngina tleehhiyé' ar miislay'ín.

ISAYA 8:19

Nee qoomár burna bayé', «Tlawé' gi'i yaahamisuú awaak, nee muruú /ayma'aá mululu'uúm adór tsir/o, asma i qoón muu munguii'ín ngiwa yaahamisiya', nee múk aa qaatl kuwa yaahamiisi as múk slaáf.»

DANIELI 1:17

Mungú daaqaywí tsiyáhh guri fuqurángw i haniís nee xu'utír muruú yaariír nee sagalooa. Ala Danieli guri aleesleemuú í haniís oo igu'utu nguwa araa'ari nee tlataawo.

DANIELI 2:2

Waawutmo iri ya/abín qwaslaare nee da/aluuse nee múk Kaldayo nee xu'utuusér tlata kingiwa ateeti as gadaádá' aa ár baraá tlataawose ngiwa ooiya'. Mukdá' sleémeero nari hardát, tay sihhiít geeraá waawutmo.

DANIELI 2:48

Aluuwo waawutmo Danieli guri xirfayeés, guri muruú yaariír i haniís, guri waawuti'iimár yaamaá Babulonírí haniís. Guri geeraharusmoó hara'ayuuse sleémeero ar waawutmoó wa qaás.

DANIELI 4:15

Ala guftano nee dee/aaruwose mawaak baraá hhape, nee gitsór naa/ ar baraá qamu, nee masók kaa tseék ar himuú muqsli nee oo muqslír sirdaa/aat. Heesíng mawaak, ku naa/amiisi nee har'uú gawaá dooraá daáhh, mawaak i hooti dinkwa nee makaá sla/a, nee i qay, gitsór baraá xatso ngi /ayi.

DANIELI 5:11

Waawutámo, baraá ayaawoge heeko wák oo qeeruú Munguúdá' hhoohhoó' gu koóm i deer, qoomár waawuti'iimár baabuúwoge heewí una tsaahhaán inós tawa heé fuqurángw koóm, nee tsaahha nee sagalooár adór tiqár mungui. Baabuúwók waawutmo Nebukadnesa heedaádá' guna qaás tawa heé úr oo qwaslaare nee oo da/aluuse nee xu'utuusér tlata nee xu'utusér tsatse/uwo,

DANIELI 5:7

Waawutmo Belshasa iri tseé' ar afór ur as qwaslaare kawa huwi nee da/aluuse nee qwaslaarér tsatse/uwo. Qoomár niwa hardihiyé', waawutmo giri báy, «Heé gooirí soómaro ga aleesláw nee gár i kat ngiri oó', ku tlabaá hhohhó' í dahaas awa sirda/aten, nee kun isa himtuú sahaábií dahaas, nee kun heé tám wa qaas baraá waawuti'iimaro.»