DANIELI 4:37 - Biblía Axweesantá Hhohho' ar Mungú 2004

³⁷ Hám daxta, anuú Nebukadnesa waawutmoó gawaá doori un xirfayemiís nee un diidi'iimiís, nee un ilaiwawaá/. Asma tidá' inós i tlehhiiti sleémeero i ganá', nee mukdá' aa daara/umiit gawa tin wa /arara'aas.»

DANIELI 4:37 Iomraidhean Croise

2 QOM'I 33:19

Firoorós nee adoodá' Mungú firoorós ngiwa ya/án, nee tlakweemaawós sleémeero, nee inkihhimu wasleerós, nee wa/aameedár gawaá gongoama' ar munguaá hatlá' kiwa sluufmiisi ar aa tleéhh, nee adoodá' munguúdá' ta bay Ashera ngura tleéhh, nee murslaaqatuudá' taa hhaásl qoomár inós tiwa niinaweesiiká, tí sleémeero ka gooín baraá inslaslángw iigu'utuuse.

ESTA 6:10

Waawutmo Hamani gway báy, «Tláw ar gaanslaay, tlaba' taataahheek nee farasi ar adoodá' ngira ó', Mordekai adoosíng ti tlehh, kuduú xoorór Yahudi, kudá' afkú doó waawutmoó wa iwaawiít, tam /aymuú wák miwa /aarúy baraá tidá' naa oi.»

WARA'AMI 119:75

AAKOÓ MUNGÚ, aníng a xuú' kuúng sakwasleema an tléhh ar loohír ganaa', nee bir múx gár is mux i deer.

WARA'AMI 99:4

Kuúng, waawutmoó aleesleemuú koóm, kuúng barqaanti aga hiingés, slám sakwasleemár ganaa' ana tléhh, nee hotángw ganaá' nguna húp dír múk Israeli.

TI'INAANGW 18:11

Daxta aga tsaáhh adór AAKOÓ MUNGÚ kur úr dír munguaá hatlá' sleémeerowo, asma kuungá' nuna wangeexwaár baraá dabaá múk Misrír wa ale, kudá' naa baramaanumamiis.»

TI'INAANGW 8:4

Aluuwo aamaxupaasíng iri gawaawók i tsa/aán, nee gawaá slaqwaá mukók, nee gawaá slaqwaá geeraharuuseerók.› »

ISAYA 23:9

AAKOÓ MUNGÚ Aleesleemusmo kaangwí guna qoomeés, as daara/angw'ín kudá' aa xirfuut nguwa slasla/areesi, nee mukdá' sleémeero ta ilaiwawa/i nguwa mureekeesi baraá yaamuwo.

ISAYA 5:16

Ala AAKOÓ MUNGÚ Aleesleemusmo tina xirfayeés ar sakwasleemár ganaa', Munguú hhoohhoó' hhohhoaarirós gan laqaaqán ar hotaá ganaa'á'.

YEREMIA 50:29

«Múk ga/ale tlaqutuwo ga xuú' ateetaak as Babuloni kawa i haratlay, umuú heé mahaangw tsaxaararo gu xuú' huwaak. Gixsa harweeraak asma hee miwa /akuút. Li/aay buaak ar qoomoó tlehhmi'iiwós adoodá' múk hatlá' ngway tlehhít ti tlehhe', asma inós ina daara/aán, AAKOÓ MUNGÚ, kudá' hhoohhoó' oo Israeli guri waaqá'.

ESEKIELI 16:56

Ar daara/aangoge hho'oorók Sodoma ana waaqá'.

ESEKIELI 16:63

Aníng kiíng i gurtláw gawaá tidá' sleémeero taa tlehhi. Kiíng tidá' sleémeero taa tléhh bar aga insleér, tari waa/ó/, afkók kuri mutsuutsú' as mure, tay qitlká axweesántí ki/imawo. Anuú Aakoó MUNGÚ tí aga oó'.»

DANIELI 4:26

Slám hara'ayadár guftano nee dee/aaruuwós kiwa geexay gawaá yaamu, gár i laqaqaan a tí: Waawuti'iimarók kingi ki/is qoomár bara tsáhh adór Munguú gawaá doori tar baalusmo.

DANIELI 4:3

Xáy a adoomá, layaá Mungú adór kir urén. Xáy, /uuruuwós nee waa/oo/amorose a adoomá? Waawuti'iimarós an tidá' alhhe'eesay wasl, waawuti'iimarós in hootaatiín ay kureeraá kureér.

DANIELI 4:34

«Alaá kureeridá' faanqw niwa waarahhiyé' anuú Nebukadnesa ana gawaá doorí qaytsiít, nee fuqurangw'eé' niri kií/. Munguúdá' úr una diidi'iís nguri sluufiís nee nguri ilaiwa/amér i tleéhh kudá' hotatiím ay alhhe'eesay wasle. Asma waawuti'iimarós an waawuti'iimár alhhe'eesoó koomaaká. Waawuti'iimarós in kumaamít qari sleémeero.

DANIELI 5:4

Difaái ngina xufiyé' amooqae i munguaá hatlá' xirfayemisiyá', kudá' taa tleéhh ar sahaábu nee peésa nee ar muqslár sirda/aten, nee muqsla nee xaai nee tlaa/e.

Matayo 11:25

Qoomaadae Yesu iri axweés iri oó', «Aníng kuúng u sluufiís, Baabá, Aakoó doori nee yaamu, asma muruuwí ugwa lú/ dír múk sagalooár kooma nee fuquraangw, kuri laqaán dír na/aá ninakw.

Tlehhema'aá ya/Abuuse 17:24

Munguúdá' yaamu gaa tleehh, nee umuúqo gaaro ar baraawós i dirii', inós i hootiiká baraá maraá taa dabaá múk ar tleéhh. Inós a Aakoó doori nee yaamu.

DABE 32:4

Inós a tlaa/a, gadiyeérós gár kawa /aár i káhh lohduuwós sleémeero i ganaaiyá'. Inós a Munguú inkihhím nee ku dakuús wásl, inós ku hhoó' nee i ganaa'.

Geehhoeemaá 15:3

Nee slám inooín daa'ángw ta daai oo Mose, sagadiyusmoó Mungú, nee daa'ángw Deelmoó bee/i, ta kaahi, «Aakoó Mungú, Aleesleemusmoó mura' sleémeero, tlehhemi'iiwók ki uren, nee i waa/oo/amór koná'. Waawutmoó xoordu sleémeero, kuúng lohuwók i ganaaiyá' nee slám awa ló'.

Geehhoeemaá 16:7

Aluuwo afo ngiri axaás ar baraá kitángw ilahhooár daahh, i kat, «Aakoó Mungú, Aleesleemusmoó mura' sleémeero, sakwasleemarók ar ló' nee i ganá'.»

1 SAMUELI 2:3

Axweesanoó daara/aango ma kumiitaara', axweesanoó taqnaa/i mawaak. Asma AAKOÓ MUNGÚ a Munguú mura' gu xuú', asma inós tlehhma'aá muu gin aldakuut.