DANIELI 4:36 - Biblía Axweesantá Hhohho' ar Mungú 2004

³⁶ «Qoomaadár kilá' fuqurangw'eé' niwa kií/, xirfueé' kuduú waawuti'iima kunguri ki/ís. Mukdaádá' aníng i hara'ayayiím nee geeraharuuser'eé' niri hardihiyé', iri leelehhtuú ayé', tiri ar kií/ gawaá kitangw'eé' kuduú waawuti'iima, nee ilaiwa/ame kingiri tleéhh adoodá' aáng har geeraawo i diri' ba/a.

DANIELI 4:36 Iomraidhean Croise

YOBU 13:12

Axweesantahúng ar sagalooa a da/arár tawo. Aleekal/angwhúng a adór baquú baa/í.

AXWEESANOÓ SAGALOOA 22:4

Heé taa niinawees dír AAKOÓ MUNGÚ i alé, tlehhmuuwí dirose an daqaari'iima nee ilaiwa/ame nee an slafiingw.

DANIELI 2:31

«Kuúng waawutámo, murslaaqatuú yangaariír una aán, slám i gwa/aat ló'wa aleeró, ina sihhiít geeraawók i alé, nee bura aán i lo'wá dae tlaaq.

DANIELI 4:22

«Gimáy, xa'anoodá' an kuúng waawutámo, kudá' aa uraaray nee /uuruú koóm. Yangareemaawók naa hardihiyé' ay gawaá doori nee waawuti'iimarók aa iia tleeruúr ay alhhe'eesoó yaamu.

DANIELI 4:32

Kuúng tu guus dír tla/ángw muko, tari alhotá' nee makaá baraá sla/a, nee gitso kari /ák adór awu har afi qoomoó kureeraá faanqwe. Ay dír kay tsahh adór Munguú úr ir waawuti'ii'ín baraá waawuti'iimár muko nee waawuti'iima gan haniis dír heedaádá' inós i slai.»

DANIELI 4:34

«Alaá kureeridá' faanqw niwa waarahhiyé' anuú Nebukadnesa ana gawaá doorí qaytsiít, nee fuqurangw'eé' niri kií/. Munguúdá' úr una diidi'iís nguri sluufiís nee nguri ilaiwa/amér i tleéhh kudá' hotatiím ay alhhe'eesay wasle. Asma waawuti'iimarós an waawuti'iimár alhhe'eesoó koomaaká. Waawuti'iimarós in kumaamít qari sleémeero.

Matayo 6:33

Ala waawuti'iimarós na geerií leelehhaak, nee gan'amuuwose, daqaní muruusuú hatlá' kungu dook.

2 korinto 4:17

Slahh'amaayeerén ka niina nee slám ar har qoomár niina. Ala gár ni hup direne a xirfuú úr ló'wa ale oo baloó faakaaká.

1 SAMUELI 2:30

Gawaá adoorihe AAKOÓ MUNGÚ, Munguú Israeli i kaahi, ‹Tam án geeraawo aga ooi do'ók nee doó baabuúwoge i geeraaeé' wa kumaamitiiyá' kureerisleém.› Ala hamí AAKOÓ MUNGÚ i kaahi, ‹Kangwsíng i amór saáw pa/i dir'eene.› Asma mukdá' aníng i ilaiwawaá/ án u ilaiwawaá/ sleeme. Ala kudá' i waqaaqa'á' aníng i gaárí xuaaká.