DANIELI 4:34 - Biblía Axweesantá Hhohho' ar Mungú 2004

³⁴ «Alaá kureeridá' faanqw niwa waarahhiyé' anuú Nebukadnesa ana gawaá doorí qaytsiít, nee fuqurangw'eé' niri kií/. Munguúdá' úr una diidi'iís nguri sluufiís nee nguri ilaiwa/amér i tleéhh kudá' hotatiím ay alhhe'eesay wasle. Asma waawuti'iimarós an waawuti'iimár alhhe'eesoó koomaaká. Waawuti'iimarós in kumaamít qari sleémeero.

DANIELI 4:34 Iomraidhean Croise

2 SAMUELI 22:31

Gár Mungú i tleehhi i xaslxanslír koondaaká! Al'axweesantá AAKOÓ MUNGÚ i warqaqeeraaká, inós a baqmoó dír kudá' sleémeero naa amoorósií guwi'i.

1 QOM'I 29:10

Aluuwo Daudi AAKOÓ MUNGÚ gway diidi'iís dír geeraá muu sleémeero wa ale, iwa kaahi, «Aá AAKOÓ MUNGÚ, Munguú taati'iirén awa Israeli, kuúng tu diidi'iimaamisi ay alhhe'eesay wasle.

1 QOM'I 29:13

Daxta Munguúrén, atén kuúng u sluufisaán nee umuuwók u xirfayeemisaán.

YOBU 1:21

Iri oó', «Nina daanduú yaamií hardáh ar /aankwets, an tláw daanduú yaamuwo ar /aankwets. AAKOÓ MUNGÚ, ngina haniís, nee hamí AAKOÓ MUNGÚ gara tláy, umuú AAKOÓ MUNGÚ i xirfuuti.»

WARA'AMI 10:16

AAKOÓ MUNGÚ a waawutmo kureerisleém. Xoordaá ngu xua'aaká i qwaariyá' baraá yaamuwose.

WARA'AMI 102:24

Aníng AAKOÓ MUNGÚ u firiím, Aáko, aníng mi duwe hingeesaar. Kuúng an kumamít kureerisleém.

WARA'AMI 107:15

AAKOÓ MUNGÚ ngu sluufmiisiye' asma sla'aarirós ar warqawaaká, asma muruú waa/oo/amo oo aa dir'ín i tlehhiít.

WARA'AMI 107:22

Inooín ngu sluufisiye' ar ilahhooár muruú ta tsu/i, nee tlehhmi'iiwós ki alki/iiti ar daa'ángw qwala/.

WARA'AMI 107:31

AAKOÓ MUNGÚ ngu sluufmiisiye', asma sla'aarirós ar warqawaaká, asma muruuduú waa/oo/amo aa dir'ín i tleéhh.

WARA'AMI 107:8

AAKOÓ MUNGÚ ngu sluufmisiye', asma sla'aarirós ar warqawaaká, asma muruú waa/oo/amo oo aa múkií tlehhiít.

WARA'AMI 111:7

Tlehhmi'iiwós i ganaaiyá', slám ki insareehhi wasl, hara'ayaarós bir nga oó' ar tsáp.

WARA'AMI 121:1

Ana qaytsiít gawaá sagér tlom'ií ale, Alee/isay'eé' amór i dahhi a amá?

WARA'AMI 123:1

Án kuúng ugwa i qaytsiít, kuúngudá' aga iwit gawaá doorií ale.

WARA'AMI 145:13

Waawuti'iimarók i alhhe'eesoó koondaaká, nee baalirók in kumít qari sleémeero. AAKOÓ MUNGÚ ar aa oó' sleémeero ga hardahaas. Nee ku gurhhoó' baraá tidaádá' sleémeero i tlehhiiti.

WARA'AMI 146:10

AAKOÓ MUNGÚ i baalín ay alhhe'eesay wasle. Aá múk Siyóni, Munguúhúng an waawutmoó qari sleémeero. AAKOÓ MUNGÚ xirfayeemisaak!

WARA'AMI 50:14

Mungú ilahhooár sluufáy duxuumeek. Al'axweesantók boo/eeseek dír kudá' gáwtí diriia.

WARA'AMI 66:7

In waawuti'ín ar aleesleemuuwós ay alhhe'eesaay wasle, inósuudá' xoordaá amohhe'eemiís, dee/aanuuse mitiwa kilooín xirfayeemís.

WARA'AMI 7:17

Aníng AAKOÓ MUNGÚ un sluufmiís as gan'amuuwós. AAKOÓ MUNGÚ Aleesleemusmo un xirfayeemiís ar daa'aangw.

WARA'AMI 9:2

Munguú Gáwtí dirií', án kuúng un sa qwalalaá/ nee un sa baraá/, umuuwók un xirfayeemiís ar daa'aangw.

WARA'AMI 92:1

A gár hhoo' AAKOÓ MUNGÚ kuwa sluufmisaan, nee umuuwók kuwa xirfayeemisaán, kuúnguduú Gáwtí dirií'.

ISAYA 13:11

AAKOÓ MUNGÚ i kaahi, «Aníng yaamu i muúx asma muruudá' tlákw i tlehhaahhitiya', nee múk tlákw un muúx asma tlakweemaaín. Aníng daara/ángw daara/uuse un faák, nee sagabi/uuín nguri yaamií hhaáf, sleeme a baabaqasaaká.

ISAYA 2:11

Heé daara/ángwár xumiís ku baráy /aytiis, nee múk daara/aám ku baráy ki/is. Baalaadae AAKOÓ MUNGÚ kilós kun xirfayemiis.

ISAYA 24:15

AAKOÓ MUNGÚ kuri xirfayeemiis da/awe, mukduú afaá tlawtá hoót, umuú AAKOÓ MUNGÚ, MUNGÚ Israeli, nguri xirfayeemisiyá'.

YEREMIA 10:10

Ala AAKOÓ MUNGÚ an Munguú ló', a Munguú slaáf, waawutmoó alhhe'eesay wásl, bira buúhh yaamu in daaraxaatiyá', xooro buhhtaawós saqitluuwo gi aleesleeraaká.

WA/AA/I 3:38

Muruú tlákw nee oo hhoe dír ni daraahhi a baraá afkú Kudá' Gáwtí diriaakáhe?

DANIELI 12:7

«Heedaádá' aa sihhiit bihhaá gawa awa yaae, kudá' tlabaá neewór kitaáni gaa dahaas, dabaawós tsaraawo giri gáwtí tleés, nguri axaás i lo'ór /aay ar umuú Munguúdá' hotatiím ay kureeraá kureér, ‹Baala i xeér ar afiqoomadaá tám nee tlaqi qoomár slahh'amuú múk hhohhó' bira faák, muruuwí sleémeero daqaní i boo/.›

DANIELI 2:44

De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

DANIELI 4:2

Aníng aga slaá' kaanguú layu nee muruú waa/oo/amo nguwa dirhungí gooiim kudá' Munguú úr naa dir'eéní tleéhh ngiwa dír kuungá' i oo'.

DANIELI 4:26

Slám hara'ayadár guftano nee dee/aaruuwós kiwa geexay gawaá yaamu, gár i laqaqaan a tí: Waawuti'iimarók kingi ki/is qoomár bara tsáhh adór Munguú gawaá doori tar baalusmo.

DANIELI 4:3

Xáy a adoomá, layaá Mungú adór kir urén. Xáy, /uuruuwós nee waa/oo/amorose a adoomá? Waawuti'iimarós an tidá' alhhe'eesay wasl, waawuti'iimarós in hootaatiín ay kureeraá kureér.

DANIELI 4:32

Kuúng tu guus dír tla/ángw muko, tari alhotá' nee makaá baraá sla/a, nee gitso kari /ák adór awu har afi qoomoó kureeraá faanqwe. Ay dír kay tsahh adór Munguú úr ir waawuti'ii'ín baraá waawuti'iimár muko nee waawuti'iima gan haniis dír heedaádá' inós i slai.»

DANIELI 4:36

«Qoomaadár kilá' fuqurangw'eé' niwa kií/, xirfueé' kuduú waawuti'iima kunguri ki/ís. Mukdaádá' aníng i hara'ayayiím nee geeraharuuser'eé' niri hardihiyé', iri leelehhtuú ayé', tiri ar kií/ gawaá kitangw'eé' kuduú waawuti'iima, nee ilaiwa/ame kingiri tleéhh adoodá' aáng har geeraawo i diri' ba/a.

DANIELI 5:18

«Aá waawutámo, Munguú úr baabuúwók Nebukadnesa guna waawti'iimárí haniís nee uraay nee xirif nee aleesleemuwo.

DANIELI 5:21

Inós kuri guús dír muko, fuquraangós kuri adór kuquú makiito'ór sla/a tleéhh. Inós nee daqwaayér sla/a tari alhoót, gitso gari /aáy adór awu wa ale. Slaqwtós kari naa/amiís nee har'uú gawaá doori ay qoomár ngiwa tsaáhh adór Munguúdá' úr tar kudá' waawuti'iimár muu ga sawaawuti'i'iím, nee inós heedaádá' i waawuti'iimár ár slai gun waawutmoó wá qaas.

DANIELI 6:26

Hara'aya aga qaás as muu sleémeero baraá waawuti'iimar'eene, Munguú Danieli kuwa da'ayumiti nee kuwa ilaiwawa/i. «Asma Munguúwí an Munguú slaáf, kudá' hotatiím kureerisleém, waawuti'iimarós ka baloó hhitinká, waawuti'iimarós i alhhe'eesoó koondaaká.

DANIELI 7:14

Inós kuri baalírí haniís, nee xirif nee waawuti'iima, as múk tlahh'i sleémeero, nee oo xoordu sleémeero, nee tsifri sleémeero kuwa sagadiyuusi. Waawuti'iimarós ar alhhe'eesaay wasle, i baloó waarahhká, nee waawuti'imarós ka baloó hhitinká.»

DANIELI 7:27

Nee waawuti'iima nee aleesleemu nee uraay sleémeero oo gawaá daanduú yaamu ku haniís dír múk hhohhó' oo Munguúduú Gawa. Waawuti'iimar'ín in hotaatiín ay kureeraá kureér, nee baaluuse sleémeero gin sagadiyús nee giri ilaiwawá/.›

DANIELI 9:14

Gawaá adoorihe, AAKOÓ MUNGÚ, kuúng tiri amohhe'és atén tiwa mux, nee adoorí kari tléhh. Asma kuúng AAKOÓ MUNGÚ, a ganá' baraá umuúqo gár ta tlehhita. Nee atén axweesantók aga iilooeesaniiká.

YONA 1:14

AAKOÓ MUNGÚ kuri i /aa/amín kuri báy, «AAKOÓ MUNGÚ, atén kuúng u firiimaán. Aá AÁKO, atén miti qwaareesaar as slafíngw heewí kuwa qwaareesaán, laqaá miti li/áy buaar as heé tlakweés wásl kuwa qwaareesaán. Asma kuúng AAKOÓ MUNGÚ, adoorí ana tléhh ar adoodá' kuúng ta sla'.»

MIKA 4:7

Aníng kudaádá' soopimá' in meetiís, nee kudaádá' taa sií' ngiri xoorór /uuruú koom tleéhh.» Anuú AAKOÓ MUNGÚ ngiri sawaawuti'iím baraá tloomár Siyoni wa ale kureerisleém.

Luka 1:33

Hhay Yakobo gan sawaawuti'ín kureerisleém, nee alhhe'eesoó waawuti'iimarós i kaahh.»

Luka 18:13

«Ala ohomusmooduú koódi amorqá' saaw gana i sihhiít. Sleeme tam iwa gáwtí qayti gaa qiitliiká, aqo har da/ewawós gina pupuxuumiís, iri oó', ‹Mungú, án gurtlawáng! Aníng a heé tlakweemaá koóm.›

Yohana 5:26

Asma adoodá' Baabá ir slafíngw kon, nee Garma sleeme gwa slafíngw i haniís.

DABE 32:4

Inós a tlaa/a, gadiyeérós gár kawa /aár i káhh lohduuwós sleémeero i ganaaiyá'. Inós a Munguú inkihhím nee ku dakuús wásl, inós ku hhoó' nee i ganaa'.

1 Timoteo 1:17

Waawutmoó alhhe'eesay wásl kudá' baloó gwaa'aaká, kudá' geehhooeeká, inós kilós an Mungú. Ilaiwa/ame a tós nee xirif a kós ay alhhe'eesay wasle. Amin.

1 Timoteo 6:16

Inós kilós in gwaaiiká, dír i hooti a didá' gwa/aateemaá ta baloó i tseewuyká, slám inós heé gwa ar i kaahh, nee slám heé gu baala wa ár i kaahh. Xirif an kós, nee aleesleemu, ay alhhe'eesay wasle. Amin.

Geehhoeemaá 10:6

Inós lo'o gari huúw ar Mungú kudá' slaáf tam ay alhhe'eesay wasle, Munguúdá' doori gaa tleehh, nee muruudá' baraadií diriia, kudá' yaamu gaa tleehh, nee muruudá' baraadií diriia, kudá' tlawi gaa tleehh, nee muruudá' baraadií diriia sleeme. Malaykamoodá' lo'o ngiwa huúw, iri oó', «Daxta qoomár daamaraangw aa fák.

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 4:10

Qoomár inooín barta adoorí tlehhiit, umuúqo daqto bariiseedá' mibeeri tsár nee tsiyáhh in tumbarara'amít dír geeraá kudá' gawaá kitángw aleesleemuú i dirií'. Inooín kudá' slaáf ay alhhe'eesay wasle kun sluufmiis. Nee inooín slam'eeri'ín kin kwakwaahh dír geeraá kitangwduú aleesleemu, ta kaahi,

Geehhoeemaá 4:9

Muruuwí slaáf xirif nee ilaiwa/ame nee sluufaay kun hanmiis dír kudá' gawaá kitángw aleesleemuú i dirií', kudá' slaáf ay alhhe'eesay wasle.