DANIELI 4:31 - Biblía Axweesantá Hhohho' ar Mungú 2004

³¹ Qoomár iwa axweesantí kaahi, afo ina ilaawáts gawaá doorí wa aleeró, i kat, «Aá waawutmo Nebukadnesa, tí án ni kah iiárí qaaseek, waawuti'iimarók ka hayoh.

DANIELI 4:31 Iomraidhean Croise

IIMU/UUNGW 14:18

Melkisedeki waawutmoó gixsár Salemu mikaáte nee difaái ngina huúw. Inós a kaahamusmoó Munguú Gáwtí dirií'.

YOBU 20:23

Qoomár bir muruú /aymár guruuwós sadawimiit, buhhtaá Mungú ngun i hardihiyá' tawa adór muruú /aymarós

WARA'AMI 145:13

Waawuti'iimarók i alhhe'eesoó koondaaká, nee baalirók in kumít qari sleémeero. AAKOÓ MUNGÚ ar aa oó' sleémeero ga hardahaas. Nee ku gurhhoó' baraá tidaádá' sleémeero i tlehhiiti.

AXWEESANOÓ SAGALOOA 29:23

Daara/aangw hee gu mureekees Ala heé ti kilós niinaweemiís ku ilaiwawaa/.

ISAYA 14:27

Asma AAKOÓ MUNGÚ Aleesleemusmo adoorí gaa tsabín, heé ga sií' a heemá? Inós gaa istí tsaát xoordu ngiwa muxi, heé inós gu ilaá/ a heemá?

DANIELI 12:7

«Heedaádá' aa sihhiit bihhaá gawa awa yaae, kudá' tlabaá neewór kitaáni gaa dahaas, dabaawós tsaraawo giri gáwtí tleés, nguri axaás i lo'ór /aay ar umuú Munguúdá' hotatiím ay kureeraá kureér, ‹Baala i xeér ar afiqoomadaá tám nee tlaqi qoomár slahh'amuú múk hhohhó' bira faák, muruuwí sleémeero daqaní i boo/.›

DANIELI 4:24

«Gaarí an kángw tlataawók, aakooeé'. Adoorí an adoodá' Munguú úr a slaá' tleehhamoro daanduuwoge.

DANIELI 4:26

Slám hara'ayadár guftano nee dee/aaruuwós kiwa geexay gawaá yaamu, gár i laqaqaan a tí: Waawuti'iimarók kingi ki/is qoomár bara tsáhh adór Munguú gawaá doori tar baalusmo.

DANIELI 4:30

Waawutmo iri oó', «Ga/aawak áx adór gixsár Babuloni i diri' uraywo, tidá' aníng naa tleéhh ar aleesleemueé', as tawa gixsár ur ar waawutmo i hooti nee ar xiríf baraá waawuti'iimar'eene.»

DANIELI 4:32

Kuúng tu guus dír tla/ángw muko, tari alhotá' nee makaá baraá sla/a, nee gitso kari /ák adór awu har afi qoomoó kureeraá faanqwe. Ay dír kay tsahh adór Munguú úr ir waawuti'ii'ín baraá waawuti'iimár muko nee waawuti'iima gan haniis dír heedaádá' inós i slai.»

DANIELI 4:34

«Alaá kureeridá' faanqw niwa waarahhiyé' anuú Nebukadnesa ana gawaá doorí qaytsiít, nee fuqurangw'eé' niri kií/. Munguúdá' úr una diidi'iís nguri sluufiís nee nguri ilaiwa/amér i tleéhh kudá' hotatiím ay alhhe'eesay wasle. Asma waawuti'iimarós an waawuti'iimár alhhe'eesoó koomaaká. Waawuti'iimarós in kumaamít qari sleémeero.

DANIELI 5:20

Ala as inós iwa daara/uút nee iwa sagagawdúy iri waahhamín, kuri hingeés gawaá kitángw waawuti'iimaro, tam xirfuuwós kuri hingeés sleeme.

DANIELI 5:28

PERESI, a waawuti'iimarók aa qasít dír múk Medi nee múk Persia.»

DANIELI 6:27

Inós i tu/ún nee i ba/amiimis, inós layu nee muruú waa/oo/amo gin tlehhiit, gawaá doori nee baraá yaamuwo. Inós an kudá' Danieli gwa ba/amis dir direeriwo.»

Matayo 3:17

Afo nay gawaá doorí wa ilawáts iri ó', «Kwí a Garmaaeé', sla'aarusmooeé' oo aníng iga qwal/atis.»

Luka 12:20

Ala heé aáng kuri báy nee Mungú, ‹Kuúng a daktani. Xweerakaá laarihe kuúng a gwá'. Nee muruudá' taa amohhe'eemaamís oo heemá?›

Yohana 12:28

Baabá, kuúng umuuwók xirfayeeseek.» Aluuwo afo niri gawaá doorií wa ilaawáts, ar kah, «Ugwa xirfayeés, nee hám u malé xirfayeés.»

1 Tesalonike 5:3

Qoomaadá' tawa kaahi, «Wayda i deer nee amohhooa,» qoomaadá' an tidár hhitiru'uuma nuwa hhaawis, adoodá' /ameenír tsiiháy asltá xwayla ngir i hardaraarat. Ala guway ku aleeslayká.

Geehhoeemaá 16:7

Aluuwo afo ngiri axaás ar baraá kitángw ilahhooár daahh, i kat, «Aakoó Mungú, Aleesleemusmoó mura' sleémeero, sakwasleemarók ar ló' nee i ganá'.»

1 SAMUELI 13:14

Ala hamí waawuti'iimarok i hotká. AAKOÓ MUNGÚ hee gwaa leeleéhh oo muunaáwose aa slaá'. AAKOÓ MUNGÚ heewí gwa tsawaár tawa heé úr baraá mukose. Asma kuúng axweesantadá' AAKOÓ MUNGÚ naa hara'ayín aga otká.»

1 SAMUELI 15:23

Asma dee/aana a adór tlakweemaá da/ari, nee saga gawdeema a adór tlakweemaá munguaá hatlá' kiwa haratlintati'i, hám daxta asma axweesantá AAKOÓ MUNGÚ kawa qo si'i, inós kuúng sleeme ugwa sií' tawa waawutmo.»