DANIELI 4:30 - Biblía Axweesantá Hhohho' ar Mungú 2004

³⁰ Waawutmo iri oó', «Ga/aawak áx adór gixsár Babuloni i diri' uraywo, tidá' aníng naa tleéhh ar aleesleemueé', as tawa gixsár ur ar waawutmo i hooti nee ar xiríf baraá waawuti'iimar'eene.»

DANIELI 4:30 Iomraidhean Croise

IIMU/UUNGW 10:10

Iimu/úngw waawuti'iimarós a yaamaá Babuloni, nee Ereki, nee Akadi. Gixsaduuká' sleémeero i baraá yaamaá Shinari.

ESTA 1:4

Naagáy har afiqoomár slahheeraá lahhooe Ahasuero daqaari'iimár waawuti'iimarós ar xiríf, nee hhohhoartá waawuti'iimarose gana dir'ín i laqaaqán.

WARA'AMI 104:1

Muunaáeé', AAKOÓ MUNGÚ diidi'iimiseek! AAKOÓ Munguúeé', kuúng tu ló' wa úr! Xirif nee aleesleemuwo ugwa tuuntukiyé'.

WARA'AMI 49:20

Hee tam ku diihhooe i hotaatinká daqisleém, aqo in gwaa' adór makiito'o.

WARA'AMI 73:8

Muu ngun niqmisiyá' nee ngu muruú tlákwií kaahiyá', i daara/aná' i adór warqeemisiyá' ar muu ngur baramaanuusiya'.

AXWEESANOÓ SAGALOOA 11:2

Qoomár daara/aangw bar naa dáh baraawaslaay sleeme nin dah, Ala heé taa niinawees i sagalooár kón.

AXWEESANOÓ SAGALOOA 16:18

Heé hhitiruút in ala daaraa/uut, nee dee/aanu in giirín dír hee ira huuiiká.

AXWEESANOÓ SAGALOOA 29:23

Daara/aangw hee gu mureekees Ala heé ti kilós niinaweemiís ku ilaiwawaa/.

ISAYA 13:19

Nee waawuti'iimár Babuloni tidár xirfuú waawuti'iima. Waawiti'iimadá' daara/ango iia tleer ar xoorór Kaldayo, Bál Mungú birnga qwaareés, tari adór Sodoma nee Gomora.

ESEKIELI 29:3

Farao ku beer, Anuú Aakoó MUNGÚ a kah, Aníng nee kuúng ti araán, waawutmoó yaamaá Misri, kuúng an dayshmoó úr kudá' guaaiím baraá yaaér Nili wa alé. Kuúng a kat, ‹Yaaér Nili a te'eé', aníng ana tleéhh.›

DANIELI 4:31

Qoomár iwa axweesantí kaahi, afo ina ilaawáts gawaá doorí wa aleeró, i kat, «Aá waawutmo Nebukadnesa, tí án ni kah iiárí qaaseek, waawuti'iimarók ka hayoh.

HABAKUKI 1:11

Inooín tari waaraahh ar gaanslaay adór fur'a, tlakweema ngin tleehhiyá', i diiqiiaaká asma /uureemooín an adór munguúín.»

Luka 14:11

Asma heé ti ureemiís, ku niinawees. Nee kudá' ti niinaweemiís, ku urees.»

Luka 14:9

Heedá' do' loó' kuungá' naa dahi'is tsaraawo, birna hardáh nuri bay, ‹Kiteeriisíng geexawaak, mukwí ngi i iwiiti.› Daqaní kuungá' tawa iwtanángw eera' amór kiteeraá waaqa'atiitá', ka slasla/aar.

1 Korinto 10:31

Barnaxes kuungá' a /ayiindá', laqaá bar wahaandá', laqaá umuúqo gaaro ar ta tlehha'a, sleémeero tlehhiitaak as xirfuú Mungú.

1 Petro 5:5

Kuungá' masoómba sleeme, iialooemisé' dír múk urene. Kuungá' sleémeero niinaweema ya/aamaak, as tiwa kiloohúng sagadiyusa'. Asma kaa gooín, «Mungú múk daara/aám gu sii', ala mukdá' ti niinaweemiís gu gurtláy.»

Geehhoeemaá 14:8

Aluuwo malaykamoó hatlá', oo tsár, aluudá' ngiri haár, iri oó', «Gixsadá' ur ar Babuloni aa hú'. Gixsarí an tidá' xoordu sleémeero gaa oonitimis ar tsaatu'uumarós, tidá' xaraasl, adór difaáír aa hamat.»

Geehhoeemaá 16:19

Gixsadá' ur kari qasmiís badu tám, nee gixsadaá xoordu niri yaamií paahhiyé'. Mungú gixsadár Babuloni, tidá' ur, gari insláy, gari xooslmoó wahángw i haniís oo buhhtaawós kudá' xaraaslá'.

Geehhoeemaá 17:5

Nee baraá gitsee/awose umuú naaqo kwaa gooín, «Gixsár ur ar Babuloni, aayór tsaatuuse sleémeero nee aayór slasla/aru sleémeero oo baraá yaamu.»

Geehhoeemaá 18:10

Inooín tari amór saáw i sihhiit as tawa da'ayumiiti slahh'eemisuuwós kudae. Tari ooi, «Gixsadá' ur ar Babuloni, gixsadá' /uuruú koom, hhiintluuwók ku gawít, asma ar qoomár niinawe sakwasleemarók ina i hardát.»

Geehhoeemaá 18:21

Malaykamoó wák oo /uuruú koóm tlaa/ano guri taataáhh oo adór tlaa/ár xoosliingw. Tlaa/anoowí guri kwaáhh baraá tlawtí alé, iri oó', «Gixsár ur ar Babuloni, kiíng ti kwaahh ar /uuru adór tlaa/anoowí ar alé, nee slám ti ariiká baloó alé.