DANIELI 4:27 - Biblía Axweesantá Hhohho' ar Mungú 2004

²⁷ Gawaá adoorihe, aá waawutámo, gurbu'utaeé' tí iiaárí qaaseek. Tlakweema tlehhtuuwo maweek, gan'amu tleehheek, nee tlakweema maweek mukdá' ta baramaanuús gurtleemu ti tlehhit, daqaní deeloorók ar diihhooa ka tleerees.»

DANIELI 4:27 Iomraidhean Croise

IIMU/UUNGW 11:4

Tari oó', «Gimsé', gixsarén a tleehhaán, nee baraá gixsarihe doó tleér u tleehhaán, oo tsitsinirós gawaá doorí hardah, nee tawa iiatleeruwaan, as mawa diya/ataán baraá yaamu sleémeero.»

1 WAAWITÁ 21:29

«Aga aándi Ahabu adór tira niinaweés dír geeraaeé'? Asma tiwa niinaweés ló'wa ale, aníng slahh'amaayeedá' a huwaaká qoomár inós bir slaaf, ala a qoomár waawuti'iimár garmaawose aníng doó Ahabu un hhaamiís.»

WARA'AMI 119:46

Axweesantók a murér wa ara'araaká, tam dír geeraá waawitahe an alki/iít.

AXWEESANOÓ SAGALOOA 11:2

Qoomár daara/aangw bar naa dáh baraawaslaay sleeme nin dah, Ala heé taa niinawees i sagalooár kón.

AXWEESANOÓ SAGALOOA 16:6

Tlakweemaá hee kin gurtláy as iialooa nee inkihhimu, tam heé AAKOÓ MUNGÚ gu ilaiwawaá/ tlakweema gin geewakáy.

AXWEESANOÓ SAGALOOA 28:13

Heé tlakweemaá lu/u/uúm amohhooa ga baloó slayká. Ala kudá' tlakweemaawós gaa gwadiidin giri máy tlehhtuuwo ku gurtláy.

ISAYA 10:13

Asma waawutmo i kaahi, «Tí ana tleéhh ar /uuruú dabaaeé', nee ar sagalooar'eé', asma aníng tsaahha a koóm. Digeemaá muu iga hingeés, nee slaasláwar'ín ngiri ar tláw, nee kudá' gawaá kiteeraá waawuti'iimár wa iwiiwitá', ina diíf adór awu, ngiri /aytamiís.

ISAYA 47:10

Kiíng aga yaandahhe'és baraá tlakweemaawók ale, a kat, ‹Heé aníng i ga/áw i kaahh.› Sagalooarók nee xu'utiroge iga qwaareesiyé', tari baraá muunaáwók i ó', ‹Aníng a kilooeé', heé hatlá' oo adór aníng i kaahh.›

ISAYA 47:8

Gawaá adoorihe, tí iiárií qaaseek kiíngár diihhooár slaa', kiíngadaádá' saxareemár hoot. Kiíng ana ó' baraá muunaáwók i aleeró, ‹Aníng a kilooeé', heé hatlá' oo adór aníng i kaahh aníng a adór kwaalo'órár hootaaká, laqaá tam na/iieé' sleeme i qatliaaká.›

YEREMIA 29:7

Gixsasíng kuungá' tunday loohatís diihhooárií leelehhaak, anuú AAKOÓ MUNGÚ firiirimaré' diihhooár yaamuukae, asma inooín diihhooa bar kaa sláy, kuungaásingá' baraasíng hootá' diihhooa aqo sleerá'.›

YEREMIA 38:20

Yeremia iri oó', «Kuúng tu dir'ín i hanisiiká. Kuúng afór AAKOÓ MUNGÚ iialooeeseek baraá tí u babaawa, daqaní adoorók i qoón nee slafiingók u tú/.

ESEKIELI 18:7

barnaxes hee gu /aytinká, nee gár hee birnga kiriík ga ki/imis, bar muruú muu gu malguusiiká, ala muruú /aymaaro múk qwariít gun qaqáy nee kudá' tlabaá kooma'aaká gi tsiitmiis,

ESEKIELI 29:3

Farao ku beer, Anuú Aakoó MUNGÚ a kah, Aníng nee kuúng ti araán, waawutmoó yaamaá Misri, kuúng an dayshmoó úr kudá' guaaiím baraá yaaér Nili wa alé. Kuúng a kat, ‹Yaaér Nili a te'eé', aníng ana tleéhh.›

ESEKIELI 29:9

Asma kuúng ana ó' yaaér Nili a tók, kwaáo', kuúng ana tléhh. Ala yaamuuwók Misri tari darmuú tawo nee xaanxaay. Daqaní muu gari tsaahh adór aníng tar AAKOÓ MUNGÚ.

Yoeli 2:14

Heé ga xuú' a heemá, dooqa i warqáy, nee nuri tsuuqawós i haniis, bu'úngw yaariír kuwa sleera'. Kuungá' ilahhooár puurú nee ar muruú wahaango, kari dír AAKOÓ MUNGÚ, Munguúhúngí hanisá'.

AMOS 6:13

Kuungaásingaá qwalala/á' as gixsár Lodebar kawa hayoté', slamí tin xirfayeemisá' tawa kata, «Ahaá, Karnaimu aga hayohanikáhe ar /uuruurén?»

YONA 3:9

Heé ga xuú' a heemá, doóqa Mungú i ya/án iwa warqay buhhtawós kudá' ngiwa may, as atén mitiwa qwaareés.»

HABAKUKI 1:11

Inooín tari waaraahh ar gaanslaay adór fur'a, tlakweema ngin tleehhiyá', i diiqiiaaká asma /uureemooín an adór munguúín.»

SEFANIA 2:15

Gaarí aqo tsuuwá gixsadáe, tidá' aa hot ar daara/aangw nee diihhooa, tidá' aa baraá muunaáwós i o', «Aníng an aníng, oo hatlá' i kaahh, aqo har aníng.» Ga/aawaak adór ira deewá', diirí tari dír makaay ni watliya'. Umuúqo heé waaraahha gan niqmis gari qoongo'oomiis.

Matayo 3:8

Tlehhma'aá hhu'u'ungwhúng ngu laqaqamá' na tleehhaak.

Luka 11:41

Ala tidá' sleémeero ar baraá isaangi nee qwaree/amo hanmiisaak dír narkuute, nee mura' sleémeero dirhunge daqaní ku hhohhó'.

Tlehhema'aá ya/Abuuse 24:25

Paulo kángw hotaá ganaa'á' nguwa alki/iít, nee kángw harqoomaay, nee sakwasleemár hi'iit, Felisi iri da'ayuút guri báy, «Kuúng ala tláw, án pa/aangw bura sláw, án kuúng uqo ateét.»

Tlehhema'aá ya/Abuuse 26:20

Án kángw Mungú una alki/iít har geeraawo dír múk Damasko. Aluuwo baraá Yerusalemu tin wa alki/iít, nee baraá yaamu sleémeero awa Yudea, nee dír múk xoordu sleeme, as tawa hhu'u'un nee Mungú kuwa i warqay, nee tlehhma'aá nee hhu'u'ungw'ín ti slawá' kiwa tleehhi.

Tlehhema'aá ya/Abuuse 8:22

Gawaá adoorihe tlakweemaawók kwisingá' hhu'u'umeek, Aako na firiimeek, doóqa inslawaysuú baraá muunaáwók gu gurtláy.

2 korinto 5:11

Gawaá adoorihe atén Mungú un ilaiwawa/aán baraá muneerene umuúqo daqto. Gaarí an gár muu atén kus afa /asliimaan amór Mungú i alé. Mungú atén ti ló'wa xuu' adór atén tay diriiaan, nee slám aníng a harahhiíf adór kuungá' sleeme baraá munerhunge atén tira tsahhé'.

Galatia 5:13

Ala kuungá', hhaee'eé', kuungá' tunduna ateét as tawa hota' ar amohhooa. Ala amohhooarhúng tisíng ma ar hootara' as ilatleerír slaqwa kawa eeharahada'. Ala ti sagadiyuse' ar sla'aari.

Galatia 5:22

Ala gár Qeeru i laqwaali baraá slafíngw heewo a sla'aari, nee qwala/, nee wayda, nee qitla, nee hhooeema, nee gurhhooa, nee inkihhimu,

Galatia 5:6

Asma hee barnaxes i baraá Kristo Yesu, dirose al/utlo a gaarooká, laqaá tam kwa al/utliiká a gaarooká. Ala gár afhhamít a haratlintaao, tidá' ti laqaqaam ar sla'aari.

Efeso 4:28

Heé fisaasiím, fiiso ngi may, ala inós gár kuwa hariím gadiyér hhoo' gan tleehh ar dabaawós awa kilá', as gaa ngiwa slay ar liitlakuuse ngir alee/iisi.

DABE 24:13

Umuú tsiindoowo inqwaaridár arhaáni ki/imiseek, as inós ngiwa tsiiti nee kuúng uri tsuuq. Adoorí bara tléhh, adór ganaa' aga tléhh dír geeraá AAKOÓ MUNGÚ, Munguúhunge.

DABE 32:27

Ala aníng axweesantá wakuuser'ín ana da'ayuút, as wakuuser'ín mingiwa adór hatlár tsáhh tari ooi, ‹Atén aga baalimaán, nee AAKOÓ MUNGÚ inooín gaa alee/isiiká.› »

DABE 8:17

Gawaá adoorihe ti harmagahhe' ma baraá munerhúngí ooara', ‹Atén taa kiloorén daqaari'iitisaan ar /uureemoorén, nee aleesleemurén oo kilá'.›

1 Petro 4:8

Ala gár afhhamít ta muruuwí sleémeerowo a tí, kuungá' kiloohúng ti sla'aaslae'. Asma sla'aari tlakweemaá yaariir gi tuntúk.