DANIELI 4:26 - Biblía Axweesantá Hhohho' ar Mungú 2004

²⁶ Slám hara'ayadár guftano nee dee/aaruuwós kiwa geexay gawaá yaamu, gár i laqaqaan a tí: Waawuti'iimarók kingi ki/is qoomár bara tsáhh adór Munguú gawaá doori tar baalusmo.

DANIELI 4:26 Iomraidhean Croise

DANIELI 2:18

Giri i axweés gurtleemuú Munguú doori nguwa firina' daanduú naaqoorihe, as kahhó' Danieli nee hhaeewós mikiwa tsuú/ as kaangwí dinkwa nee múk sageeloén oo Babuloni.

DANIELI 2:19

Xweeradae tlataadá' nee gár i kaahiia kina laqán dír Danieli ar baraá iigu'utu. Danieli Munguú doori guri diidi'imiís.

DANIELI 2:37

Kuúng waawutámo a waawutmoó waawitá, Munguú doori kuúng ugwa waawuti'iimár i haniís nee aleesleemu nee /uuru nee xirif.

DANIELI 4:15

Ala guftano nee dee/aaruwose mawaak baraá hhape, nee gitsór naa/ ar baraá qamu, nee masók kaa tseék ar himuú muqsli nee oo muqslír sirdaa/aat. Heesíng mawaak, ku naa/amiisi nee har'uú gawaá dooraá daáhh, mawaak i hooti dinkwa nee makaá sla/a, nee i qay, gitsór baraá xatso ngi /ayi.

DANIELI 4:23

Aluuwo malaykamoó Mungú kuri aán oo gawaá dooraá daáhh, iri oó', ‹Xa'anoowí tsataak, hhaamiisaak, ala guftanoowós mawaak nee dee/aruuwose baraá hhapeérií ale, daqaní ku tsegá' ar himuú muqsli nee oo muqslír sirdaa/aten baraá gitsór dutlutluu/ ar baraá qamu. Heesíng mawaak ku naa/asi nee har'uú gawaá dooraá daáhh. Mawaak ta hooti nee makaá baraá sla/a har afiqoomoó kureeraá faanqwe.›

DANIELI 4:31

Qoomár iwa axweesantí kaahi, afo ina ilaawáts gawaá doorí wa aleeró, i kat, «Aá waawutmo Nebukadnesa, tí án ni kah iiárí qaaseek, waawuti'iimarók ka hayoh.

DANIELI 4:37

Hám daxta, anuú Nebukadnesa waawutmoó gawaá doori un xirfayemiís nee un diidi'iimiís, nee un ilaiwawaá/. Asma tidá' inós i tlehhiiti sleémeero i ganá', nee mukdá' aa daara/umiit gawa tin wa /arara'aas.»

DANIELI 5:20

Ala as inós iwa daara/uút nee iwa sagagawdúy iri waahhamín, kuri hingeés gawaá kitángw waawuti'iimaro, tam xirfuuwós kuri hingeés sleeme.

DANIELI 5:21

Inós kuri guús dír muko, fuquraangós kuri adór kuquú makiito'ór sla/a tleéhh. Inós nee daqwaayér sla/a tari alhoót, gitso gari /aáy adór awu wa ale. Slaqwtós kari naa/amiís nee har'uú gawaá doori ay qoomár ngiwa tsaáhh adór Munguúdá' úr tar kudá' waawuti'iimár muu ga sawaawuti'i'iím, nee inós heedaádá' i waawuti'iimár ár slai gun waawutmoó wá qaas.

Matayo 21:20

Eeharuuse adoodá' ngiwa aán, iri waa/ó/, iri ó', «Adoorí a milá, /aantsírí misa gaanslár kát?»

Matayo 5:34

Ala án nu baw, lo'o ma baloó huwaara', laqaá tam ar doori, asma doori a kitángw aleesleemu oo Mungú.

Luka 15:18

Aníng a tláw, amór baabuúeé', nee nguri baw, Baabá, án aga tlakweés geeraá Munguhe nee geeraawoge.

Luka 15:21

Garma iri oó', ‹Baabá, án aga tlakweés geeraá Munguhe nee geeraawoge, a hariimaaká daxta tiwa garmaawók ar ateetin.›