DANIELI 4:22 - Biblía Axweesantá Hhohho' ar Mungú 2004

²² «Gimáy, xa'anoodá' an kuúng waawutámo, kudá' aa uraaray nee /uuruú koóm. Yangareemaawók naa hardihiyé' ay gawaá doori nee waawuti'iimarók aa iia tleeruúr ay alhhe'eesoó yaamu.

DANIELI 4:22 Iomraidhean Croise

IIMU/UUNGW 11:4

Tari oó', «Gimsé', gixsarén a tleehhaán, nee baraá gixsarihe doó tleér u tleehhaán, oo tsitsinirós gawaá doorí hardah, nee tawa iiatleeruwaan, as mawa diya/ataán baraá yaamu sleémeero.»

IIMU/UUNGW 28:12

Iri tlatiitín, nee baraá tlataadae tsa/a/amto guna ár oo taa yaamuú wa sihhtís ay doori. Slám malaykér Mungú in tsa/a/aán nee in awdít ar gawaá tsa/a/amtoodá'.

2 SAMUELI 12:7

Natani Daudi guri báy, «Heé tlehhmuuwí an kuúng! Hám daxta AAKOÓ MUNGÚ, Munguú múk Israeli i kaahi, ‹Aníng kuúng una iimbalaáx ar di/i as tawa waawutmo, uri tuú/ gawaá dabaá Saulowo.

2 QOM'I 28:9

Alaá deelór niinawe heeko wák ta bay Obedi aarusmo AAKOÓ MUNGÚ kudá' Samariár hoót ina ti'iít, slaqwaruusér Israeli gana al'áy dinkwa nee muruudá' naa haasaáng wa huwi'i oo múk Yuda nee muko qoomár niwa tseewúy Samaria, giri báy, «AAKOÓ MUNGÚ, Munguú baabi'iihúng, múk Yuda guna i buúhh, an gár kuungá' kusa balé', ala gaarí amór i dahh a amór Mungú.

WARA'AMI 108:4

Asma sla'aarirók ar warqawaaká ka ur gawaá dooriwo, inkihhimuuwók ina hardáh ay gawaá huunkáy.

WARA'AMI 36:5

AAKOÓ MUNGÚ, sla'aarirók ar warqawaaká ka qoomay wasl, inkihhimuuwók i deer umuúqo diiro.

YEREMIA 27:5

«Aníng an kudá' yaamu iga tleehh, nee muu nee makaá sla/a kudá' dawá' ar aleesleemueé' nee ar dakw'eé' oo /uuruú koóm, aníng umuú hee un qáw ar adoodá' ngur slaa' iwa qon.

ESEKIELI 17:3

Ki beeto, anuú Aakoó MUNGÚ a káh, ‹Gwareesirka wák yaangaariir i deer, slám hhaampe'eeriwós ki ló'wa uren, hhaampe'eeriwós i hayaá yaariir awa kal'aá dimbedimbé koná'. Gwareesirí ina /akút ay tloomár Lebanoni, iri iwít gawaá tsitsinír sahhti.

DANIELI 2:21

Inós qom'i nee siiwaduuwo gin warqeemiis. Waawitá gun gawaá kiteerií wa aweerimiis, oo hatlá' guri qamín, múk sageeloén gun sagalooár i hanmiis. Múk xu'utír koóm gun fuqurángw i hanmiis.

DANIELI 4:11

Xa'anoodá' ina kumiít urarango, iri tlaáhh ló'wa ale. Tsitseeniwós niri hardihiyé' gawaá doori. Iri geehhooúy umuú diiro gawaá daanduú yaamuwo.

DANIELI 4:21

Loo/oorós handá' ka hhohho', nee mamuuwós ki yaariir, muuruú slaáf /aymisiro i bu'uutiyá'. Makaá sla/a in mahhetusiyá' baraá mahhtírós wa ale, nee tsir/ór gawaá doori iwa iwiiwiti gawaá haleemiiwós.

DANIELI 4:29

Alaá slahheeraá mibaá nee tsár niwa waaraahhiyé', looarka wake waawutmo Nebukadnesa i hi'iimiit gawaá daanduú do'ós kuduú waawuti'imár wa alé oo Babuloni.

DANIELI 4:36

«Qoomaadár kilá' fuqurangw'eé' niwa kií/, xirfueé' kuduú waawuti'iima kunguri ki/ís. Mukdaádá' aníng i hara'ayayiím nee geeraharuuser'eé' niri hardihiyé', iri leelehhtuú ayé', tiri ar kií/ gawaá kitangw'eé' kuduú waawuti'iima, nee ilaiwa/ame kingiri tleéhh adoodá' aáng har geeraawo i diri' ba/a.

Matayo 14:4

Asma Yohane Herode guna báy, «A hariímarooká kuúng harér hhiyaawók kawa dux.»

Geehhoeemaá 18:5

Asma tlakweemaawós naa tlahhiyé' nay hardihiyé' gawaá doori. Nee Mungú tlakweemaawós sleémeero gaa insláy.