DANIELI 4:2 - Biblía Axweesantá Hhohho' ar Mungú 2004

² Aníng aga slaá' kaanguú layu nee muruú waa/oo/amo nguwa dirhungí gooiim kudá' Munguú úr naa dir'eéní tleéhh ngiwa dír kuungá' i oo'.

DANIELI 4:2 Iomraidhean Croise

YOBU 7:14

Ala kuúng aníng in dae tsát ar tlata, nee in daanda feehhís ar iigu'utu.

WARA'AMI 51:14

Aá Mungú, Mungú ba/amusmooeé', ba/amisáng tseerdaá muu miwa ku'umiís, tsifrangw'eene adoodá' ira ba/amís an daá'.

WARA'AMI 65:9

Kuúng yaamu in amohhe'eemís ar tluwaay iwa tluwi, yaamu iga hhapér hhó' i qás nee umuú gaaro iri harmá/. Yaaér Mungú aa háts ma'aywo. Mungú, kuúng muu ugwa balángwí hanís, asma kuúng an kudá' umuú gaaro gaa amohhe'ees.

WARA'AMI 66:16

Qwalaasé', axaasé', kuungaásingá' Munguú ilaiwawa/á', aníng ngi alki/iít tidá' naa aníng i tleéhh.

WARA'AMI 71:18

Tam aníng aga diimi, tam al/awtantá kooma, kuúng Mungú, án mi geexawaar, ay dír /uuruuwók nee uraywók ngway oo' dír qari sleémeero ar aluú wa hardah.

DANIELI 2:1

Kurkú tsár iimír waawutmo Nebukadnesa waawuti'iima ngiwa iimu/ún inós ina tlatiitín, iri da'ayuút, gu'uteerós iri daandií /akút.

DANIELI 3:26

Aluuwo Nebukadnesa iri saáp dír afkú bohóngw asltá gufteeri, iri oó', «Aá Shadraki nee Meshaki nee Abednego, sagadiyuusér Munguú Gawa, ti'iitaré', qwalaasé' amoorí.» Aluuwo Shadraki nee Meshaki nee Abednego tari ti'iít baraá asltadá wa aleeró.

DANIELI 4:17

Gaarí an sakwasleemadá' taa oó' nee malaykér Mungú, a gár taa oó' nee inooínaadá hhohho', as muu sleémeero umuú diiro kawa tsaahhi adór Munguú úr ir aleesleemuú kón daanduú waawuti'iima sleémeero ar muko, nee inós waawutmoó i slai gun tsawaar, tam heedaádá' liitlaákw kuduú alhhe'eesáy gun waawutmoó wá qaas.

DANIELI 4:24

«Gaarí an kángw tlataawók, aakooeé'. Adoorí an adoodá' Munguú úr a slaá' tleehhamoro daanduuwoge.

DANIELI 4:25

Kuúng tu guus dír muko. Kuúng tari hót nee makaá baraá sla/a, gitso a /ák adór slér wá ale, har'uú doori uri na/aas. An baraá sla/atá wa hót kureeri faanqwe, ay dír kay tsáhh adór Mungú ir baaliilín baraá waawuti'iimár muko, nee inós waawuti'iima gan haniis dír kudá' ngir slai.

DANIELI 4:34

«Alaá kureeridá' faanqw niwa waarahhiyé' anuú Nebukadnesa ana gawaá doorí qaytsiít, nee fuqurangw'eé' niri kií/. Munguúdá' úr una diidi'iís nguri sluufiís nee nguri ilaiwa/amér i tleéhh kudá' hotatiím ay alhhe'eesay wasle. Asma waawuti'iimarós an waawuti'iimár alhhe'eesoó koomaaká. Waawuti'iimarós in kumaamít qari sleémeero.

DANIELI 5:18

«Aá waawutámo, Munguú úr baabuúwók Nebukadnesa guna waawti'iimárí haniís nee uraay nee xirif nee aleesleemuwo.

DANIELI 6:27

Inós i tu/ún nee i ba/amiimis, inós layu nee muruú waa/oo/amo gin tlehhiit, gawaá doori nee baraá yaamuwo. Inós an kudá' Danieli gwa ba/amis dir direeriwo.»

DANIELI 7:25

Kwí Munguúduú Gawa gu /ooslislín nee mukdá' hhohhó' oo Munguú Gawa guri baramaanuús. Inós ado gan leeleehh ar qooma ngir warqeesi nee dabeero, nee múk hhohhó' ku gawaá dabaawós i qaas har afiqoomár kureeri tám nee tlaqi.

Yohana 4:48

Aluuwo Yesu iri oó', «Bar laya nee waa/oo/amo aga aandi'iiká a haratlintia'aakáhe ló'wa ale?»

YOSHUA 7:19

Yoshua Akani guri báy, «Garmaaeé', na'ás, AAKOÓ MUNGÚ, Munguú Israeli, xirfayeeseek, lama ma tsataar. Daxta gadaádá' taa tléhh na ooang dir'eéní ale. Nee ma gaa lu/aar tam ar wák dir'eene.»