DANIELI 4:19 - Biblía Axweesantá Hhohho' ar Mungú 2004

¹⁹ Qoomaarihe Danielidá' ta babay Belteshasa iri gurhamuút gár niinawe, nee inslawaywós iri amooqwaqwadín. Waawutmo Belteshasa guri báy, «Belteshása tlataaká' muwa dae tsatiyé'.» Belteshasa iri oó', «Aakooeé', tlataaká i pa/iye' amór mukdá' kuúng u ahhiít, nee gár tlataaká' i laqaaqana' i pa/ amór wakuuseerók.

DANIELI 4:19 Iomraidhean Croise

IIMU/UUNGW 31:35

Raheli baabuúwós guri beér, «Baabá, án gurtlawáng, ma buhhaar, sihhtanór geeraawók a aleeslawaaká, asma án a baraá deelor'eé' i dirií'.» Labani murslaaqatuú munguiidá' guri leelehhiít guri slayká.

IIMU/UUNGW 32:18

Kuúng ta o', ‹Muruuwí a daqaari'iimár sagadiyusmoowók Yakobo, nee an gár ni kuúng i haniisi, kuúng aakooeé' Esau. Yakobo inósuú kilá' i alií dirii', i lawee'.› »

IIMU/UUNGW 40:12

Yosefu iri oó', «Gídaabárós a tí: Haleemaá tám a deelo tám.

1 WAAWITÁ 18:7

Qoomaadá' Obadia iwa baraá loohírí dirii'i, tina doogiyé' nee Eliya. Obadia Eliya nguwa tsaáhh iri yaamií qaát, giti gari yaamúr óh, iri oó', «Hee a kuúnge, aakooeé' Eliya?»

TI'INAANGW 32:32

Na'ás, tlakweemaaín gurtlaweek, ala barnaxes i gurtleeraaká, umuueé' fiitseek baraá kitaábuudá' umér mukók ki gooiindi.»

YEREMIA 29:7

Gixsasíng kuungá' tunday loohatís diihhooárií leelehhaak, anuú AAKOÓ MUNGÚ firiirimaré' diihhooár yaamuukae, asma inooín diihhooa bar kaa sláy, kuungaásingá' baraasíng hootá' diihhooa aqo sleerá'.›

YEREMIA 4:19

Baraaeene aga slahhaá', aga ló'wa slahhaá', nee slahh'amaaye ti gwangwar'aamaán, muunaáeé' aa slaaqaát. Muunaáeé' i ló'wa tuu'uut, xasliita a aleeslawaaká. Asma aníng afór tarumbeéta aga axaás nee tsimaahhír slaqwaraaro.

DANIELI 1:7

Sagesihhtusmoduú múk taa karmumúy daaqaydá' guri umér hatlá' i tsaát, Danieli guri báy Belteshasa, Hanania guri báy Shadraki, Mishaeli guri báy Meshaki, Asariya guri báy Abednego.

DANIELI 2:26

Waawutmo Danieli kudá' taa báy Belteshasa guri yaahaás guri báy, «Xáy kuúng tlataaeé' kudaádá' naa ár iqo tsuwa asleéra ngiwa xu'utis nee ngiwa waagwet?»

DANIELI 2:37

Kuúng waawutámo a waawutmoó waawitá, Munguú doori kuúng ugwa waawuti'iimár i haniís nee aleesleemu nee /uuru nee xirif.

DANIELI 4:24

«Gaarí an kángw tlataawók, aakooeé'. Adoorí an adoodá' Munguú úr a slaá' tleehhamoro daanduuwoge.

DANIELI 5:12

asma inós i qeeruú ganaá' kón, tlata gi waagweer nee tsaahharo nee xu'utiro. Inós tlata waagweeraro gi aleesláy. Umuú heewí a Danieli. Baabuúwók guna umií tsaát ku bay Belteshasa. Gimáy heewí ateetaak, inós gár gooirí i kat daqaní ngi oo'.»

DANIELI 5:18

«Aá waawutámo, Munguú úr baabuúwók Nebukadnesa guna waawti'iimárí haniís nee uraay nee xirif nee aleesleemuwo.

DANIELI 5:19

Asma uraydá' ngway haniisi, múk tlahh'i sleémeero, nee xoordu sleémeero nee tsifri sleémeerowo nguna sadaaraaxiyé' nee nguna da'ayumitiyé', Nebukadnesa heé i gaasár wa slai aqo guna gaás, nee kudá' i slafíngw ár slai guna slafíngwí máy. Heedaádá' aa urár slaá' aqo gun uráy haniis, nee kudá' i hingeesár wa slai baraá waawuti'iimaro aqo gun hingees.

DANIELI 7:15

«Iigu'utuudá' anuú Danieli iri dae tsaát, niri amoqwaqwadiím.

DANIELI 7:28

«Gaarí a alhhe'eesoó kaangwí. Anuú Danieli niri daanda feehhiís, tam kalay'eé' iri warqáy. Ala kaangwí una alhooreés baraá muunaáeéní aleeró.»

DANIELI 8:27

«Anuú Danieli ana /araám, niri tiíq deelo alé. Niwa huunguú/ niri kumiít gadiyeedá' waawutmo iga bayi. Ala iigu'utudá' aníng ina waa/o/amórár áy, ala aníng ugwa tsaahhiiká.»

HABAKUKI 3:10

Tlom'i uwa ariyé' nina daaraxaatiyé'. Alwuór ma'aay iri waaráhh, iloo niri xuuruuiyé', /ur/urti'ín iri gáwtí tsifaaqamít.

1 SAMUELI 1:15

Ala Hana guri mu/aywáts iri ó', «Aasla'áy, aakooeé', aníng a /ameenír gurhaamuut. Aníng difaái ngaa wahiiká, tam gár oonitimis, ala aníng muunaáeé' una haniís amór AAKOÓ MUNGÚ.

1 SAMUELI 24:8

Aluuwo Daudi iri sihhiít iri ti'iít baraá mar'iro. Saulo guri aluúwaá al'ateét, «Aakooeé' waawutámo.» Waawutmo Saulo iwa alií qaytsiít, Daudi ina yaamií xupuú', giti gari yaamúr óh as ilaiwa/ame.

1 SAMUELI 26:15

Daudi iri oó', «Xáy kuúng a hhawaatuwookáhe, oo adór kuúng a heemá baraá múk Israeliro? Ala baré aakoowók kusuú waawutmo u xuundaaká? Asma heeko wák oo bartarén ina dáh baraá xaftahúng as aakoowók nguwa gaasi!

1 SAMUELI 3:17

Guri yaahaás, «Mungú /aymuú naa kuúngí oó' a milá? Mu duquumaar, gám tidá' sleémeero naa dirógí oó' bara qo tsuwa duquún, Mungú adoosíng ngi kuúngí tleehhi, nee ngi harwaarahhaasi.»