DANIELI 4:18 - Biblía Axweesantá Hhohho' ar Mungú 2004

¹⁸ «Gaarí an tlatadá' aníng Nebukadnesa naa tlatitiím. Hám daxta kuúng Belteshasa tlataaká' waagweerang asma mukdá' fuqurángw koóm sleémeero baraá waawuti'iimar'eene nga harslaaqatiyé' waagweeraro, ala kuúng i aleesleér, asma qeeruú munguiidá' hhohho' i baraawók i dirii'.»

DANIELI 4:18 Iomraidhean Croise

IIMU/UUNGW 40:12

Yosefu iri oó', «Gídaabárós a tí: Haleemaá tám a deelo tám.

IIMU/UUNGW 41:15

Farao iri oó' dír Yosefu, «Aníng ana tlatiitiím, ala heé tlataaeé' waagweeraro gaa aleeslay i kaahh. Aníng kangók ugwa axaás, kuúng bar tlataá hee iga axás, i aleesleér waagweeraro.»

IIMU/UUNGW 41:8

Tam matlaatleero looa niwa tleér, muunaáwós i ló'wa gurhaamuut. Muu guna ya/aáw as qwaslaare sleémeero nee mukdá' sageelooén oo baraá yaamaá Misri kiwa ateeti. Mukdá' niwa hardáh, Farao tlataawós giri alki/iít. Ala heé tlataawós waagweeraro gaa aleeslay i kaahh.

ISAYA 19:3

Múk Misri iri sage qwaqwdín, aníng kangw'ín kudá' naa qoomeesiyé' un hhitiím, Inooín gurbua ngiri leehhiyá' dír slaqsi'idaá mungui nee dír gi'i nee dír iigu'utuuse nee da/aluuse.

DANIELI 1:20

Nee baraá umuúqo gaaro ar waawutmo ngiwa yaahamiisi ar sagalooa nee xu'utiro, inooín giri tsaáhh adór tara harwaaraáhh sagaáwa mibángw wa ale ta qwaslaareerós tidá' sleémeero nee da/aluuseero, kudá' sleémeero awa baraá waawuti'iimarós.

DANIELI 2:38

Umuú dír muu i hooti nee makaá sla/ato, nee tsir/ooro ngaa dabaawók i qaás, inós kuúng una baalusmooín wa qaás. Kuúng nee waawuti'iimaroge an sagwduú sahaábu.

DANIELI 2:7

Inooín waawutmo kuri malé mu/aywaáts, tari oó', «Tlataawók atén i ooang, daqaní atén awa lawaaleerók gár tlataawók i kaahiya' ngi ooaán.»

DANIELI 5:15

Hamí múk sageeloén nee da/aluusero kingina dír geraaeéní huúw as gooirí ngiwa soomusiya' nee gár i kat ngiwa ooiya', ala inooín ngaa harslaaqatiyé'.

DANIELI 5:8

Naagáy múk sageeloén oo waawutmo sleémeero niri hardáh, ala gooidá' soómaro nga aleeslay'iiká, tam gooidá' gár i kat ooaro kaa aleeslayká dír waawutmowo.

AMOS 3:7

Ar tsuuwa ló', Aakoó MUNGÚ gaa ga tawo tleehhiiká, bar naaqoorós ngaa geehhooeesiiká dír sagadiyuuseerós tidár aaruuse.