DANIELI 4:17 - Biblía Axweesantá Hhohho' ar Mungú 2004

¹⁷ Gaarí an sakwasleemadá' taa oó' nee malaykér Mungú, a gár taa oó' nee inooínaadá hhohho', as muu sleémeero umuú diiro kawa tsaahhi adór Munguú úr ir aleesleemuú kón daanduú waawuti'iima sleémeero ar muko, nee inós waawutmoó i slai gun tsawaar, tam heedaádá' liitlaákw kuduú alhhe'eesáy gun waawutmoó wá qaas.

DANIELI 4:17 Iomraidhean Croise

1 WAAWITÁ 21:25

Heé adór Ahabu ga áw i kaahh oo taa kilós weeriis tlakweema tlehhtuwo dír geeraá Munguhe, kudá' taa mihaayín nee hareerós Yesebeli.

2 QOM'I 28:22

Qoomár waawutmo Ahasi iwa baraá slahh'amuú i dirii'i, ina ló'wa dee/anuút dír AAKOÓ MUNGUHE.

WARA'AMI 103:19

AAKOÓ MUNGÚ kitaangós oo waawuti'iima gwaa qaás gawaá doori, nee in waawuti'ín baraá yaamu sleémeero.

WARA'AMI 12:8

Tlakuuse i harweeririín umuúqo diiro. Umuúqo heewo i tlakweemaá xirfayeemiis tla/ángw múk wa ale.

WARA'AMI 9:16

AAKOÓ MUNGÚ taa geehhoeés, sakwasleemarós gaa boo/eés, tlakuuse gaa óh ar gadiyér dabaaín.

TI'INAANGW 9:16

Ala aníng nuna slafíngwí máw as /uuruueé' nguwa laqaam, nee umuueé' kuwa alki/iiti baraá yaamu sleémeerowo.

ISAYA 6:3

Umuú serafamowo nee kuqá' tina ateetiné', tiri babayé', «Oo Hhoohhoó', oo Hhoohhoó', oo Hhoohhoó' an AAKOÓ MUNGÚ Aleesleemusmo, yaamu sleémeero naa hatsiyé' xirfuuwose.»

ISAYA 6:8

Afór Aako ngiri axaás, i kat, «Heé ni ya/aaw a heemá oo daanduurén wa daqáw? «Aníng niri mu/aywaáts, «Aníng a diirí, án ya/aawáng!»

ESEKIELI 25:17

Aníng li/aay un buú' ar xarasleema nee mune. Diirí an didá' aníng iwa tsaahhiya' adór tar AAKOÓ MUNGÚ, qoomár bar li/ay'eé' ugwa gawaaíní buú'.»

ESEKIELI 7:24

Xoorór ló'wa tlaakw ngi huúw. Inooín maray'ín ki sawaawuti'ín. Daara/angw'ín u faák nee wa/aamer'ín tidá' hhohho' ka meetagaas.

DANIELI 11:21

«Waawutmoó aluú wa hardáh ku ló'wa tlaákw tam waawuti'iimaro i harinká, inós nin hardah ar al/ayma nee waawuti'iima gari tláy.

DANIELI 2:21

Inós qom'i nee siiwaduuwo gin warqeemiis. Waawitá gun gawaá kiteerií wa aweerimiis, oo hatlá' guri qamín, múk sageeloén gun sagalooár i hanmiis. Múk xu'utír koóm gun fuqurángw i hanmiis.

DANIELI 4:2

Aníng aga slaá' kaanguú layu nee muruú waa/oo/amo nguwa dirhungí gooiim kudá' Munguú úr naa dir'eéní tleéhh ngiwa dír kuungá' i oo'.

DANIELI 4:25

Kuúng tu guus dír muko. Kuúng tari hót nee makaá baraá sla/a, gitso a /ák adór slér wá ale, har'uú doori uri na/aas. An baraá sla/atá wa hót kureeri faanqwe, ay dír kay tsáhh adór Mungú ir baaliilín baraá waawuti'iimár muko, nee inós waawuti'iima gan haniis dír kudá' ngir slai.

DANIELI 7:25

Kwí Munguúduú Gawa gu /ooslislín nee mukdá' hhohhó' oo Munguú Gawa guri baramaanuús. Inós ado gan leeleehh ar qooma ngir warqeesi nee dabeero, nee múk hhohhó' ku gawaá dabaawós i qaas har afiqoomár kureeri tám nee tlaqi.

Rumi 13:1

Umuúqo heewo geeraharuusér serikaáli ngi ilaiwawa/i, asma aleesleemuú amór Mungú dahhaaká i kaahh, nee aleesleemuudá' dáw kuna hara'ayín nee Mungú.

1 Korinto 1:28

Nee slám tidá' taa gaárií xuiiká nee muu, nee tidá' taa waaqaá', tidá' gaa wasl, Mungú gana tsawaár, as tidá' afhhamít ngiwa dahhi.

1 Timoteo 5:21

Án kuúng u hara'ayiím dír geeraá Mungú wa ale nee dír geeraá Kristo Yesu, nee dír geeraá malaykeerós tidá' hhohho' un baw, hara'ayaarí na eehareek baraá umuúqo gaaro ar barqaanti wasle dír umuúqo heewo.

Geehhoeemaá 4:8

Nee muruuwí slaáf tsiyahhaawo umuúqo gaaro hhampe'eeraá lahhoó' gi koón. Nee hhampe'eeriká' kaa harweér nee ila', nee tam baraá guruú hhampe'eeriwo. Muruuwí i daa' xweera nee tlaatla/aangw, ta hungu/uumisiiká sleeme. Gár ta daai a tí, «Aakoó Munguú Aleesleemusmo inós ku hhoohhoó', ku hhoohhoó', ku hhoohhoó'. Inós an kudá' qaroó daadáw, nee an kudá' dáw, nee kudá' sangw hardáh sleeme.»

1 SAMUELI 2:8

Heé narkutmo gun slankwa'aas baraá teerír wa alé, oo gár slaá' gun tsa/aas baraá ufuú xwaansláy wa alé, as ngiwa iwiitisi dinkwa nee múk urén, as tawa aaliitér kiteeridaá ilaiwa/ame. Asma AAKOÓ MUNGÚ yaamu gin gáwtí kón.