DANIELI 4:14 - Biblía Axweesantá Hhohho' ar Mungú 2004

¹⁴ Iri tseé' ar afór ur i kaahi, ‹Xa'anoowí tsataak, haleemiiwós alkwaslaak loo/oorós bu'uumaak, mamuuwós tsiyayaxaak, masók makaá sla/a i diya/aatiyá' baraá mahhtírose, nee tsir/o i tlatlahh gawaá haleemiiwose.

DANIELI 4:14 Iomraidhean Croise

YOBU 24:20

Xwaylito'ór gwa laqwal guri gunqaarés, Heé inós gu insláw i kaahh Gawaá adoorihe heé tlaákw kun adór xa'anoó wá giqáy.

YEREMIA 27:5

«Aníng an kudá' yaamu iga tleehh, nee muu nee makaá sla/a kudá' dawá' ar aleesleemueé' nee ar dakw'eé' oo /uuruú koóm, aníng umuú hee un qáw ar adoodá' ngur slaa' iwa qon.

YEREMIA 51:6

Baraá Babulonír wa /akumiitaré', umuú heewo slaqwtós ngi tu/i, mutunduwa hhaamiís baraá sakwasleemarós, asma qoomaarihe AAKOÓ MUNGÚ i li/oó bu'ún, yaamuudá' gin sakwasleemuut ar adoodá' iwa harina'.

YEREMIA 51:9

Múk Babuloni hungu/uusaro ugwa mak iiara'araán, kár ala ugwa aleeslawaaniiká, mawaak, gusé' a tlawaán umuú heewo amór ayaawós, asma sakwasleemarós ka ló'wa ur, aa tsa/aán ay gawaá doori, aa tsa/aán ay gawaá huunkáy.

ESEKIELI 31:10

«Gawaá adoorihe anuú Aakoó MUNGÚ a kah, ‹Asma kiíng ana tleeruúr, nee tsitsiniirók tiri gáwtár dúx baraá haleemiidá' urene, tlenaangók kuri ar daara/aán.

DANIELI 2:21

Inós qom'i nee siiwaduuwo gin warqeemiis. Waawitá gun gawaá kiteerií wa aweerimiis, oo hatlá' guri qamín, múk sageeloén gun sagalooár i hanmiis. Múk xu'utír koóm gun fuqurángw i hanmiis.

DANIELI 3:4

Heedaádá' ilaaharmiís amór muu, iri tseé', iri oó', «Gimsé' múk tlahh'i nee tsifri sleémeero tundu babay,

DANIELI 4:12

Loo/orós ka ló'wa hhohho'. Mamaá yaariir gina laqwaál awa daanduú yaamu ngi buá' /aymisiro. Makaay sleémeero awa daanduú yaamu mahhtí ngiri slayé' dír gamuuwós wa aleeró, nee tsir/ór doori ina iwiiwít gawaá haleemiiwós. Muruú slaáf sleémeero muruú /ayma guna sláy dír xa'anoowí wa aleeró.

DANIELI 4:23

Aluuwo malaykamoó Mungú kuri aán oo gawaá dooraá daáhh, iri oó', ‹Xa'anoowí tsataak, hhaamiisaak, ala guftanoowós mawaak nee dee/aruuwose baraá hhapeérií ale, daqaní ku tsegá' ar himuú muqsli nee oo muqslír sirdaa/aten baraá gitsór dutlutluu/ ar baraá qamu. Heesíng mawaak ku naa/asi nee har'uú gawaá dooraá daáhh. Mawaak ta hooti nee makaá baraá sla/a har afiqoomoó kureeraá faanqwe.›

DANIELI 4:29

Alaá slahheeraá mibaá nee tsár niwa waaraahhiyé', looarka wake waawutmo Nebukadnesa i hi'iimiit gawaá daanduú do'ós kuduú waawuti'imár wa alé oo Babuloni.

DANIELI 5:20

Ala as inós iwa daara/uút nee iwa sagagawdúy iri waahhamín, kuri hingeés gawaá kitángw waawuti'iimaro, tam xirfuuwós kuri hingeés sleeme.

DANIELI 5:21

Inós kuri guús dír muko, fuquraangós kuri adór kuquú makiito'ór sla/a tleéhh. Inós nee daqwaayér sla/a tari alhoót, gitso gari /aáy adór awu wa ale. Slaqwtós kari naa/amiís nee har'uú gawaá doori ay qoomár ngiwa tsaáhh adór Munguúdá' úr tar kudá' waawuti'iimár muu ga sawaawuti'i'iím, nee inós heedaádá' i waawuti'iimár ár slai gun waawutmoó wá qaas.

Matayo 3:10

Hám tsawo kaa qaroó qaás baraá gam'ér xaai. Gawaá adoorihe umuúqo xa'anoó mamaá hho' gi laqwalimaaká, ku tsaat, kway kwaahh baraá asla.

Matayo 7:19

Umuú xa'anoó mamaá hhó' gi laqwaliimaaká, kun tsaat, kway baraá ásltí kwaahh.

Luka 3:9

Hám tsawo kaa qaroó qaás baraá gam'ér xaai. Gawaá adoorihe umuúqo xa'anoó mamaá hho' gi laqwalimaaká ku tsaat kway kwaahh baraá asla.»

Geehhoeemaá 10:3

Malaykamoowí iri tseé' ar afór ur adór aahhór diraangw. Nee qoomár iwa tseé', kududuhoó faanqw niri kududuhuút.

Geehhoeemaá 18:2

Malaykamoowí iri tseé' ar afór ur iri oó', «Babulonidá' ur aa hú'. Inós aa hotángw neetlaamér tlakw tleehhít, nee slám a mar'ír neetlaameedá' slasla/aren, nee a mar'ír umuúqo tsir/ír tlaakw, tidá' ta ahhiiti.