DANIELI 3:7 - Biblía Axweesantá Hhohho' ar Mungú 2004

⁷ Naagáy qoomaadár kilae múk tlahh'i sleémeero afór xareemi nee ar filiímbiro nee ar gidaandoori, nee ar seéseero, nee ar mariímbaro, nee ar oowiro, nee ar umuúqo xooslár daa'aango kawa axaás muu sleémeero nee xooro tsifriro tana tumbararaa'aát dír geeraá muslaaqatuuduú sahaábu as kuwa sluufmiisi, kudá' taa tleéhh nee Nebukadnesa.

DANIELI 3:7 Iomraidhean Croise

YEREMIA 51:7

Aáng Babuloni dír AAKOÓ MUNGUHE a adór xooslmoó sahaábu, kudá' aa yaamu sleémeerór wahaás, xoordu sleémeero gina difaáirós ar wahaás gawaá adoorihe xoordu niri slarhhamuumutiyé'.

DANIELI 2:46

Waawutmo Nebukadnesa giti gari yaamúr óh, Danieli guri i tumbarara'aát, hara'aya gari oó' Danieli kuwa ilahhooár i haniisi nee mooyangwdá' tsuua sleeme.

DANIELI 3:10

kuúng hara'aya ana ó', umuú heewo oo afór xareemi nee ar filiímbiro nee ar gidaandooriro nee ar seéseero nee ar mariímbaro, nee ar oowiro, nee ar umuúqo xoolár daa'aango, i tumbararaa'ati dír murslaqatuuduú sahaábu as nguwa sluufmiisi.

DANIELI 3:4

Heedaádá' ilaaharmiís amór muu, iri tseé', iri oó', «Gimsé' múk tlahh'i nee tsifri sleémeero tundu babay,

DANIELI 3:5

‹Qoomár afór xareemi nee ar filiímbiro nee ar gidaandoori nee ar seéseero nee ar mariímbaro nee ar oowiro, nee ar umuúqo xooslár daa'aango bara axasé' aqo gitsee/erhúng an yaamúr otá', nee murslaaqatuú aáng Nebukadnesa aa tleéhh ar sahaábu, guri sihhitís, un ii tumbararaa'atá'.

DANIELI 3:6

Heé aa tumbarara'atiiká nee oo gwa sluufisiiká aqo siiwadár kilae kun kwaahh baraá bohóngw asla iwa ot.› »

DANIELI 3:8

Gawaá adoorihe mukko Kaldayo iri tláy as múk Yahudi kuwa sakwasleemuuti.

Tlehhema'aá ya/Abuuse 14:16

Inós aáng baraá qartá aa waarahhi, xoordu sleémeero gina máy as lohuduuín kiwa eehari.

1 Yohana 5:19

A xuaán adór atén tar múk Mungú, ala yaamu sleémeero kudá' tlaákw gin baliit.

Geehhoeemaá 12:9

Dayshamoodá' úr kunguri kwaáhh, dayshamooduú aáng, kudá' ta babay oo tlaákw nee Neetlaangw. Inós an kudá' muu sleémeero gu al/agagiím. Kunguri kwaáhh baraá yaamu. Malaykeerós sleeme kingiri kwaáhh dinkwa nee inós.

Geehhoeemaá 13:14

Nee inós múk baraá yaamuú wa hoót gun paslimís ar layuuwós kudá' i tlehhit dír geeraá makiito'oodár geeraá wa ale. Inós mukdá' baraá yaamuú wa hoót gun babeer, «Murslaaqat tleehhaak oo slaqsoó makiito'oodá' taa inkaahhi'ií qaás ar paánga, nee iri male sláf.»

Geehhoeemaá 13:3

Nee sagós oo wák una ár a adór ságw taa tliqiís ar tliqsantá gwa'ara, ala inkahhayduú gwa'ara kwa hungu/uús. Yaamu sleémeero makiito'oodá' ngiri sa waa/oo/iyé', kari eeharahár.

Geehhoeemaá 13:8

Muu sleémeero oo baraá yaamuú wa hoót makiito'oodá' ka i tumbarara'aat, kudá' umer'ín taa gooiniká baraá kitaábuuduú slafiingw iimír iimu/úngw yaamuwo. Kitaábuuwí oo slafiingw oo Deelmoó bee/i, kudá' taa gaás.

Geehhoeemaá 17:8

Makiito'oodá' taa aán inós geeraawo i deer, ala hamí i káhh. Nee inós i ti'ít baraá bohongwdá' aa tsarere'eét wa ale, nee iri tleér amór qwanaay. Nee múk baraá yaamuú wa hoót, kwí umer'ín taa gooinká baraá kitaábuú slafiingw iimír yaamu kiwa tleehhiiká, inooín ta waa/oo/ qoomár makiito'oodá' bar kaa ár. Asma makiito'oorí geeraawo i deer, ala hamí i káhh, nee aluuwo i hardát.

Geehhoeemaá 19:20

Makiito'oodá' kari óh dinkwa nee aarusmooduú lama. Aarusmoowí a kudá' tlehhema'aá waa/oo/amo gaa tlehhiit geeraá makiito'oodá' wa ale. Nee slám inós muu guna al/agín ar tlehhemi'iiwós kudá'. Múk taa al/aáy a kudá' layár makiito'o gaa ilaoh nee oo murslaaqatuú makiito'oodá' gwa i tumbarara'aat. Kuká' tsaraawo kiri slafi kwaáhh baraá tlawtadá' asla iwa ohahiin ar kiberiíti.