DANIELI 3:5 - Biblía Axweesantá Hhohho' ar Mungú 2004

⁵ ‹Qoomár afór xareemi nee ar filiímbiro nee ar gidaandoori nee ar seéseero nee ar mariímbaro nee ar oowiro, nee ar umuúqo xooslár daa'aango bara axasé' aqo gitsee/erhúng an yaamúr otá', nee murslaaqatuú aáng Nebukadnesa aa tleéhh ar sahaábu, guri sihhitís, un ii tumbararaa'atá'.

DANIELI 3:5 Iomraidhean Croise

WARA'AMI 115:4

Munguii'ín kina tleéhh ar peésa, muqsla nee sahaábu, a gadiyér dabaá muu.

DANIELI 2:46

Waawutmo Nebukadnesa giti gari yaamúr óh, Danieli guri i tumbarara'aát, hara'aya gari oó' Danieli kuwa ilahhooár i haniisi nee mooyangwdá' tsuua sleeme.

DANIELI 3:10

kuúng hara'aya ana ó', umuú heewo oo afór xareemi nee ar filiímbiro nee ar gidaandooriro nee ar seéseero nee ar mariímbaro, nee ar oowiro, nee ar umuúqo xoolár daa'aango, i tumbararaa'ati dír murslaqatuuduú sahaábu as nguwa sluufmiisi.

DANIELI 3:15

Gimsé', hám bar aga ya/aandé', afór xareemi nee ar filiímbiro, nee ar gidaandoori, nee ar seéseero, nee ar mariímbaro, nee ar oowiro, nee ar umuúqo xooslár daa'aango, bar aga axasé', nee bar muslaaqatuudá' naa sihhtís ugwa ii tumbararaa'até' nee kuri sluufisé', daqaní adór hhoo' nee ar qoom aga tlehhé'. Ala adoorí bar aga sié', siiwarír kilae tundu kwahhtá áy baraá bohongwduú asltá gufteeri. Axáy a Mungú gaalá oo nu ba/amís gawaá dabaaeene?»

DANIELI 3:7

Naagáy qoomaadár kilae múk tlahh'i sleémeero afór xareemi nee ar filiímbiro nee ar gidaandoori, nee ar seéseero, nee ar mariímbaro, nee ar oowiro, nee ar umuúqo xooslár daa'aango kawa axaás muu sleémeero nee xooro tsifriro tana tumbararaa'aát dír geeraá muslaaqatuuduú sahaábu as kuwa sluufmiisi, kudá' taa tleéhh nee Nebukadnesa.