DANIELI 3:28 - Biblía Axweesantá Hhohho' ar Mungú 2004

²⁸ Nebukadnesa iri oó', «Munguú Shadraki nee Meshaki nee Abednego i xirfuuti, kudá' malaykamoowós ngwa ya/aaw as sagadiyuuseerós tidá' gwaa haratlinti' ngiwa ba/amisi. Hara'ayar'eé' tidár anuú waawutmo naa oó' ngiri tawo tleehhiyé' as haratlintaaor'ín, tari ya/án slaqooín kiwa slahh'eemisi ta mungú tawo nguwa sagadiyuusiia, ala aqo har Munguúín kilós.

DANIELI 3:28 Iomraidhean Croise

IIMU/UUNGW 9:26

Iri malé oó', «AAKOÓ Mungú, Mungú Shemu i xirfuuti, nee Kana'ani ta lawaalmoowós.

1 QOM'I 5:20

Inooín Mungú nguna harahhifiyé' nee alee/isaay ngway firiné' qoomár iwa slaqwiya'. Mungú firor'ín gay mu/aywaáts, inooín baali ngay slayé' dír múk Hajiri nee dír mukduú hatlae.

2 QOM'I 20:20

Looa niwa tleér matlaatlér boo/e tana tseewa tláy amór xaanxoó Tekoa. Qoomár tawa tlatlay, waawutmo Yehoshafati ina geeraaín i sihhiít giri báy, «Aá múk Yuda nee yaamuloouusér Yerusalemu, án iiárií qaasaré'! AAKOÓ MUNGÚ haratlintiaak, kuungá' daqaní a gawduurá', nee aaruuseerós haratlintiaak, daqaní kuungá' a baaliindá'.»

2 QOM'I 32:21

AAKOÓ MUNGÚ malaykamoowós guri ya/aáw, slaqwaruuseedár miguuse ar waawutmo Senakeribu, nee geeraharuuseero giri tsuú/, kudá' baraá xafáy diriiá'. Waawutmo iri waátl ayaawós i alé ar mure. Qoomár iwa dáh baraá doó munguúwós, kuri gaás nee daaqaywós oo kilá' ar paánga.

ESRA 1:3

Umuúqo heewo kuduú kós baraá tla/angwhunge, masók Munguú i dinkwa nee inós, nee i tsa/an ay Yerusalemu, baraá yaamaá Yuda, Doó AAKOÓ MUNGÚ nguwa tleehhi, Munguú Israeli, inós an Mungú baraá Yerusalemuro.

ESRA 6:11

Slamí an malé kah, barnaxes hee /aymuuwí gwaa warqeés, waaqaasi ka duuxi baraá do'ós wa alé, ka inós ar muti nee waaqaasi ka sihhtisi, inós i gawaadá' wa tarereamiti, nee do'ós ku ufuú xwaansláy tleehhi.

WARA'AMI 103:20

AAKOÓ MUNGÚ diidi'iimisaak kuungá' malaykeerós, kuungásingá' /uuruú koomá' nee axweesantós ngi boo/eemisá', axweesantá AAKOÓ MUNGÚ iiárií qaasaak.

WARA'AMI 147:11

Ala AAKOÓ MUNGÚ múk i saqwalaala/i a kudaádá' inós gu ilaiwawaá/, kudaádá' sla'aarirós ar warqawaaká ngi harahhifá'.

WARA'AMI 33:18

Ga/aaweek, iltá AAKOÓ MUNGÚ i dír kudá' ngu ilaiwawa/á', kudá' sla'aarirós ar warqawaaká ngi harahhifá',

WARA'AMI 33:21

Atén inós un sa qwalaala/aán, asma umuuwós kudá' hhoohhoó' ugwa harahhifaán.

WARA'AMI 34:22

AAKOÓ MUNGÚ sagadiyuuseerós ga ba/amis, kudá' sleémeero AAKOÓ MUNGÚ ngwa i guwiye' ki sakwasleemutiiká.

WARA'AMI 62:8

Kuungaá muu, Mungú haratlintiaak daqisleém, slahh'amuuhúng alki/iitaak dirós i alé, Mungú a dír guwayrén.

TI'INAANGW 20:5

Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Mungú da/tá koóm, kudá' li/oó tlakweemaá xwayliité tidá' aníng i ahhiit gu dír na/ii'ín buú' tam ay nángw sagaáwa tám laqaá ay tsiyáhh.

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 37:36

Naagáy malaykamoó AAKOÓ MUNGÚ xweeraawo ina tláy slaqwaruusér Ashuru ar kume tsiiruú wák nee mibeeri dakaát nee kooán gari slururu'uús. Matlaatleero looa niwa tleér naxés mukwí sleémeero an tu'u.

ISAYA 50:10

Baraá tla/angwhunge heé AAKOÓ MUNGÚ gu ilaiwawaá/ i deéro, nee oo afór sagadiyusmoowós ga iialooeemiís, kudá' baraá giwtír wa hi'iimiít nee gwa/aateemaá koomaaká, tam adoorihe haandá' umuú AAKOÓ MUNGÚ gun harahhifiit nee Munguúwós guri haratlintatii'?

DANIELI 2:47

Waawutmo Danieli guri báy, «Ar ló', Munguúhúng ku úr ta munguaá hatlae, nee a baalusmoó waawitá, kángw baraá naaqo gu aleesláy geehhooeesaro, asma kuúng kángw naaqoorí ugwa aleesleér geehhooeesaro.»

DANIELI 3:25

Iri oó', «Qaytsité' án baré muu ngu ga/aw a tsiyáhh, slám kwa gweér, i baraaqá' wa hi'imitiyá', gár gi a'aw i káhh. Nee slaqsoó kuquú tsiyáhh a adór malaykamo.»

DANIELI 4:34

«Alaá kureeridá' faanqw niwa waarahhiyé' anuú Nebukadnesa ana gawaá doorí qaytsiít, nee fuqurangw'eé' niri kií/. Munguúdá' úr una diidi'iís nguri sluufiís nee nguri ilaiwa/amér i tleéhh kudá' hotatiím ay alhhe'eesay wasle. Asma waawuti'iimarós an waawuti'iimár alhhe'eesoó koomaaká. Waawuti'iimarós in kumaamít qari sleémeero.

DANIELI 6:16

Aluuwo waawutmo Dario hara'aya gari oó', Danieli kuri kwaáhh baraá mar'ír direeri. Danieli kuri báy nee waawutmo, «Munguúwók kudá' ta sagadiyumaamis umuú daqto u tu/i.»

DANIELI 6:26

Hara'aya aga qaás as muu sleémeero baraá waawuti'iimar'eene, Munguú Danieli kuwa da'ayumiti nee kuwa ilaiwawa/i. «Asma Munguúwí an Munguú slaáf, kudá' hotatiím kureerisleém, waawuti'iimarós ka baloó hhitinká, waawuti'iimarós i alhhe'eesoó koondaaká.

Matayo 4:10

Yesu iri oó', «Neétlaangw, quútl. Asma kaa gooín, ‹Aakoó Munguúwók na sluufmiseek, nee inós kilós ku sagadiyús.› »

Tlehhema'aá ya/Abuuse 4:19

Ala Petro nee Yohane tari oó', «A hariimáro dír geeraá Munguhe, kuungá' nuwa iiárií qaasaan ta Munguhe, kangwsíng kuungá' kiloohúng tsataak.

Tlehhema'aá ya/Abuuse 5:19

Ala malaykamoó Aako xweeraawo afér doó tseegamo gari gweér, giri tsee/ií duúx, giri báy,

Rumi 12:1

Gawaá adoorihe hhaee'eé', aníng kuungá' nun harhheehhe'eés as gurtleemuú Mungú, kuungá' slaqoohúng na haniisaak iwa ilahhooár slaáf tleehhitiya', tidá' hhoohhoo' ar Mungú gu qwal/atimis. Gaarí an sluufmisuuhúng kudá' gídaabár koóm.

1 Korinto 13:3

Slám aníng tam liitlakuuse a /aymaamisa ar muruueé' sleémeero, nee án tam slaqwte'eé' a haniisa asla iwa /ak, bar sla'aari a koomaaká, gár aníng iwa gaa bu' i káhh.

Filipi 1:20

Gár án ni harahhiif a tí, aníng a baloó muruutaaká baraá umuúqo gaaro. Asma umuúqo gaaro ar án ni slaw xirfuú Kristo gu laqaán ar geehhooeema dír muu sleémeerowo, adoodá' Kristo kura xirfayeés aáng, nee tam hamí sleeme kuqo xirfayees, as muruudá' án ni slaw barnaxes ar slafingw'eé' laqaá ar gwa'arar'eé'.

Ebrania 1:14

Gawaá adoorihe malayke sleémeero a qeeru. Inooín kaa ya/aáw nee Mungú as mukdá' ba/ama ga sláw nguwa sagadiyuusiya'.

Ebrania 11:37

Kina tlaquút ar tlaa/e, nee kina siiqiít ar masumenadu, kina iiara'ár nee kiri tsuú/ ar paangadu. Inooín tana harweeriirín tawa tlabaá bee/ángw dahamiisi nee tlabaá aara. Inooín a múk liitlakwén oo ta slahh'eemisi nee oo ta muruú tlákw i tlehhiiti.

1 Petro 1:21

Kuungá' Mungú ugwa haratlintié' ar inós, Munguúdá' inós gwa waaslee/atis baraá múk aa qaátl wa ale, guri xirfuú i haniís. As kuungá' Mungú kuwa haratlintia' nee kuwa haraxua'.

Geehhoeemaá 12:11

Inooín sakwasleemusmoodá' kuna arbaá/ ar /uuruú tseerér Deelmoó bee/i nee ar axweesantá lamabu'ungw'ín. Asma inooín slafingw'ín ngwa slai'iiká, tam gwa'ara sleeme ngaa ilaguwi'iiká.