DANIELI 3:27 - Biblía Axweesantá Hhohho' ar Mungú 2004

²⁷ Geraharuusér slaqwaruuse iri burumburít, nee sagesihhtuuseero nee ga/aawuuseero nee kwasleemuuseero, ngiri ariyé' adór daaqaydá' asla ngura kwatitká, tam se'éngw sager'ín gwa slohhká, tam tlabaaín asla gaa tsaara'aská, tam quui sleeme i tlatleeraaká gawaá slaqooine.

DANIELI 3:27 Iomraidhean Croise

1 WAAWITÁ 13:28

Aakoodá' iri tláy, tuuaadár heé Mungú gari baraá loohírí áy, diraangw nee daqwaywós i bihhaawós wa sihhimiitiya'. Diraangw tuuaadá' gaa /ayiiká tam daqwaydá' gwaa oohiká.

2 WAAWITÁ 19:19

Hám daxta AAKOÓ MUNGÚ, Munguúrén, aníng kuúng un fiririím, ti ba/amis gawaá dakose, as daqaní waawituú baraakaá yaamu ngiwa tsaahhi adór kuúng tar AAKOÓ MUNGÚ, kuúng kilók.»

WARA'AMI 83:18

Ngi tsaahhiye' adór kuúng AAKOÓ MUNGÚ, kuúng kilók tar Munguú úr baraá yaamu sleémeero.

ISAYA 26:11

Aá AAKOÓ MUNGÚ, dakók ugwa mak gáwtí tlés, ala inooín ngu ara'ariaaká. Ala sla'aarirók tidá' daanduú mukoge u tliw/iim ngi ariye', nee mureekeeseek, asltá wakuuseerók kawa i búhh inooín ngi hhaamis.

ISAYA 43:2

Qoomár kuungá' bar warahhá' ar baraá ma'aá yaariir, aníng nee kuungá' a dinkwa. Yau kuungá' nu hayohiaaká. Qoomár kuungá' bar baraá ásltár warhhá' tam tsángw asla kuungá' nu sloohhiiká.

DANIELI 3:21

Naagáy kiri tsegiít, inooín surwaánay'ín ngwaa dahaasiyé' nee shaátay'ine nee kofyaduuwo nee tlabaá hatlae, kiri kwaáhh baraá tla/ángw bohongwduú asltá gufteeri.

DANIELI 6:23

Waawutmo iri ló'wa qwalaá/, muu guri ádbáy, Danieli kuwa duuxi baraá mar'iro. Naagáy Danieli kunguri duúx, naxés kwa gweehhiiká tam adór niiná, asma inós Munguúwós guna harahhiíf.

DANIELI 6:7

Ateékaá geeraharuusér uren taa qás, nee sagesihhtuusero, nee ga/aawuuse, nee hara'ayuusero nee geeraharuusér ayeemowo, sleémeero taa kaahi slawaán, asma aga araán i qoón kuúngú waawutmo, hara'aya kawa o' nee masók aqo kan eehar adoodá' kas hariím. Masók har afiqoomár deelór mibeeraá tame, hee tam gaalá gaa mingiwa firín, tam dír mungú gaalá, laqaá tam dír heemá, ala masók aqo dirók kuúngú waawutmo. Hee barnaxes hara'ayaarí gaa sií' ku kwahhi baraá mar'ír direeri.

Matayo 10:30

Tam kuungá' sleeme se'éngw gawaá sagerhúng sleémeero kwaa faár.

Tlehhema'aá ya/Abuuse 26:26

Waawutmo Agrípa muruuwí gu xuu', nee aníng un axweés dír geeraawós wa aleeró ar pihh'uuma. Asma aníng a xu'uti hhe'eés adór gár waawutmo i xuiiká ir káhh baraá muruuwí sleémeerowo. Asma kaangwí aa baraá lu/aaráy wa tleehharuutiiká.

Tlehhema'aá ya/Abuuse 27:34

Gawaá adoorihe án kuungá' nun harhhheehhe'eés, muruú /ayma /ayaak, asma an gár tar slafa'. Asma tam oo wák baraá tla/angwhunge, se'eemír sagós i qwatká.»

Ebrania 11:34

aslaá xaraaslá' kiri tsuú/, nee slám inooín tana ba/án paangadaá xaraasla'a as mikiwa tsuú/. Inooín a múk slaqootlakwén, aluuwo /uuru nguri slayé' as haratlintaao. Tari slaqwaruusér xaraasl tleehhiít, slaqwaruusér hooma kari gusiisín.