DANIELI 3:25 - Biblía Axweesantá Hhohho' ar Mungú 2004

²⁵ Iri oó', «Qaytsité' án baré muu ngu ga/aw a tsiyáhh, slám kwa gweér, i baraaqá' wa hi'imitiyá', gár gi a'aw i káhh. Nee slaqsoó kuquú tsiyáhh a adór malaykamo.»

DANIELI 3:25 Iomraidhean Croise

YOBU 1:6

Looarka wake malaykér Mungú ina burumburít dír geeraá AAKOÓ MUNGÚ. Neetlaangw sleeme iri dír dinkwaadá' i hardáh.

YOBU 38:7

Qoomaadá' tsatse/uú matlaatle iwa daá' dinkwár wá ale, nee na/aá Mungú niwa tseeaminé' ar qwala/.

YOBU 5:19

Umuú daqto inós kuúng u ba/amis baraá slahh'amuwo, Tam slahh'amu ni sagáwa magá' wá ki/i a gaarooká.

WARA'AMI 34:7

Malaykamoó AAKOÓ MUNGÚ mukdá' AAKOÓ MUNGÚ gu ilaiwawaá/, gun harweer ar slumtós as nguwa xun guri ba/amis.

AXWEESANOÓ SAGALOOA 30:4

Heé a gawaá doorí tsa/an niri yaamií aweér a heemá? Heé fur'a gaa gawaá tsa/oó dakós i oh a heemá? Nee oo ma'aay gaa pasltá inqwarirós ar oh a heemá? Heé bihhér yaamu gaa tleehh a heemá? Umuuwós a heemá? Umuú garmaawós a heemá? Looeemaawo u xú'.

ISAYA 43:2

Qoomár kuungá' bar warahhá' ar baraá ma'aá yaariir, aníng nee kuungá' a dinkwa. Yau kuungá' nu hayohiaaká. Qoomár kuungá' bar baraá ásltár warhhá' tam tsángw asla kuungá' nu sloohhiiká.

YEREMIA 1:19

Inooín tan slaaqw nee kuúng, ala u baaliaaká, asma aníng nee kuúng a dinkwa as uwa ba/amis. Anuú AAKOÓ MUNGÚ tí ngina oó'.»

YEREMIA 1:8

Kuúng inooín mi da'ayumitaar, aníng a dinkwa nee kuúng as uwa ba/amis. Anuú AAKOÓ MUNGÚ tí ngina oó'.»

YEREMIA 15:21

Aníng kuúng un ba/amís baraá dabaá múk tlakwe nee un tuú/ dír múk xaraasla.»

DANIELI 3:18

Ala bar adooriheeká, xueek waawutámo, atén a ya/amanaaká munguiiwók kiwa sagadiyusaan, laqaá murslaaqatuusíng oo sahaábu kuwa sluufmiisaan.

DANIELI 3:24

Aluuwo Nebukadnesa iri waa/oó/, iri sihhiít ar gaanslaay, mukós kudá' gu gurbu'uúm guri báy, «Xaysé' mukdá' taa kwahhaán a tameekáhe oo taa tsegiít?» Tari oó', «Eeit waawutámo, a ló'.»

DANIELI 3:28

Nebukadnesa iri oó', «Munguú Shadraki nee Meshaki nee Abednego i xirfuuti, kudá' malaykamoowós ngwa ya/aaw as sagadiyuuseerós tidá' gwaa haratlinti' ngiwa ba/amisi. Hara'ayar'eé' tidár anuú waawutmo naa oó' ngiri tawo tleehhiyé' as haratlintaaor'ín, tari ya/án slaqooín kiwa slahh'eemisi ta mungú tawo nguwa sagadiyuusiia, ala aqo har Munguúín kilós.

DANIELI 6:23

Waawutmo iri ló'wa qwalaá/, muu guri ádbáy, Danieli kuwa duuxi baraá mar'iro. Naagáy Danieli kunguri duúx, naxés kwa gweehhiiká tam adór niiná, asma inós Munguúwós guna harahhiíf.

Marko 16:18

dayshe tamka ohín, laqaá gár tsu/uut barka wáh, gár gi aw i káhh tam ar niiná. Dabaaín birka gawaá tiqtuusér i qaás, i hungaagú/.»

Luka 1:35

Malaykamo gari báy, «Qeeruú hhoohhoó' oo Mungú ni dirók i hardah, nee /uuruú Kudá' Gáwtí dirií' kiíng i tuuntuuk. Gawaá adoorihe na/oó ta laqwaali ku hhoohhoó', kuri bay Garmoó Mungú.

Tlehhema'aá ya/Abuuse 28:5

Ala Paulo dayshamoodá' guri kuukuú' baraá asla, ala inós adór aa laáq i káhh.

Rumi 1:4

Slám inós ku hhoohhoó' adór Mungú wa ale, asma inós an Garmoó Mungú. Gaarí kaa laqán qoomár inós kuwa waasle/atís baraá múk aa qaátl wa ale.

1 Petro 3:13

Ala heé kuungá' nu aleesláw slahh'eemisuuwo a heemá bar kuungá' gár ta sla'a' a hhooeema in tlehhá'?