DANIELI 3:24 - Biblía Axweesantá Hhohho' ar Mungú 2004

²⁴ Aluuwo Nebukadnesa iri waa/oó/, iri sihhiít ar gaanslaay, mukós kudá' gu gurbu'uúm guri báy, «Xaysé' mukdá' taa kwahhaán a tameekáhe oo taa tsegiít?» Tari oó', «Eeit waawutámo, a ló'.»

DANIELI 3:24 Iomraidhean Croise

2 QOM'I 22:4

Inós tlakweema gina tleéhh dír geeraá AAKOÓ MUNGUHE, adoodá' múk doó Ahabu aa tleéhh. Asma alaá baabuúwós iwa gwaá', múk doó Ahabu tari hara'ayuuseerós as iwa qwaari.

DANIELI 3:17

Bar adoosíng Munguúrén kudá' atén ta sagadiyusaan tiqo ba/amis baraá bohongwduú asltá gufteeriwo, inós atén ti ba/amis baraá dabaá waawutmoowo.

DANIELI 3:23

Mukdaádá' tám Shadraki nee Meshaki nee Abednego tana paáhh baraá asltadár gufteeri, amorqae kaa tsegiít.

DANIELI 3:25

Iri oó', «Qaytsité' án baré muu ngu ga/aw a tsiyáhh, slám kwa gweér, i baraaqá' wa hi'imitiyá', gár gi a'aw i káhh. Nee slaqsoó kuquú tsiyáhh a adór malaykamo.»

DANIELI 4:22

«Gimáy, xa'anoodá' an kuúng waawutámo, kudá' aa uraaray nee /uuruú koóm. Yangareemaawók naa hardihiyé' ay gawaá doori nee waawuti'iimarók aa iia tleeruúr ay alhhe'eesoó yaamu.

DANIELI 4:27

Gawaá adoorihe, aá waawutámo, gurbu'utaeé' tí iiaárí qaaseek. Tlakweema tlehhtuuwo maweek, gan'amu tleehheek, nee tlakweema maweek mukdá' ta baramaanuús gurtleemu ti tlehhit, daqaní deeloorók ar diihhooa ka tleerees.»

DANIELI 5:18

«Aá waawutámo, Munguú úr baabuúwók Nebukadnesa guna waawti'iimárí haniís nee uraay nee xirif nee aleesleemuwo.

DANIELI 5:6

Gitse/aá waawutmo niri warqayé' inós iri daanda feehhiít, diqiyawós niri tsatiitiyé' nee gurunge'eeriwós niri kitlkitliitiyé'.

DANIELI 6:22

Munguúeé' malaykamoowós nguna ya/aáw afér direeri gari tsegiít, inooín aníng adór iga /iisiyé' i káhh. Asma inós ga xuu' aníng ti dakuús wásl dirose, tam dír geeraawoge gár tlaakw aga tleehhiiká.»

DANIELI 6:7

Ateékaá geeraharuusér uren taa qás, nee sagesihhtuusero, nee ga/aawuuse, nee hara'ayuusero nee geeraharuusér ayeemowo, sleémeero taa kaahi slawaán, asma aga araán i qoón kuúngú waawutmo, hara'aya kawa o' nee masók aqo kan eehar adoodá' kas hariím. Masók har afiqoomár deelór mibeeraá tame, hee tam gaalá gaa mingiwa firín, tam dír mungú gaalá, laqaá tam dír heemá, ala masók aqo dirók kuúngú waawutmo. Hee barnaxes hara'ayaarí gaa sií' ku kwahhi baraá mar'ír direeri.

Tlehhema'aá ya/Abuuse 12:13

Inós iwa afkú slumtá wa ateét, dasirka ta bay Roda ina iiár qaasár eér afkú do'.

Tlehhema'aá ya/Abuuse 26:13

Waawutámo, qoomár tlaatla/aango án niwa loohír i dirii', gwa/aateemaá ur awa tsee/amá ba/a ina ár, i gawaá dooraá dahhiyá'. Gwa/aateemaaká' aníng ina i gwa/aatiyé' bihhe sleémeero, dinkwa nee mukdá' nee aníng ti alkoomá'.

Tlehhema'aá ya/Abuuse 26:27

Waawutmo Agrípa, kuúng aaruuse a haratlintía? Aníng a xuú' adór kar haratlintaatí'.»

Tlehhema'aá ya/Abuuse 9:6

Ala kuúng na sihhiít, baraá gixsa i daheek, nee adór kuúng wa hariim tleehhamooro kingi kuúng i oó'.»

1 SAMUELI 17:55

Saulo Daudi nguwa ár iwa amór Goliati kay, Abneri geeraharusmooduú slaqwaruuseerós guna yaahaás, «Garmaawí oo heemá?» Abneri guri báy, «Ar adoodá' kuúng tar hotatiinda aníng u xuaaká.»