DANIELI 3:19 - Biblía Axweesantá Hhohho' ar Mungú 2004

¹⁹ Naagáy Nebukadnesa iri qa/iít, gitsee/aawós niri warqayé' asma ín Shadraki nee Meshaki nee Abednego. Iri oó', «Asla ló'wa slaxaak sagaáwa faanqw ta tidár /iisirkohe.»

DANIELI 3:19 Iomraidhean Croise

IIMU/UUNGW 31:2

Yakobo gana tsaáhh, adór Labani inós ngur gaárí xuiiká adoodár geeraá wa alé.

ESTA 3:5

Hamani ngiwa ár adór Mordekai ngur i xupapuiiká, nee ngur i tumbarara'amitiiká, iri ló'wa qa/iít buhhtaawo.

ESTA 7:7

Waawutmo niri dír muruú /aymár wa tláy ar xarasleema, iri dáh baraá asalmooduú doó waawutmo, Hamani iri didií meét as slafiingós nguwa firin dír waawuto'o Estawo, asma gaa tsaáhh, adór waawutmo ira tsabín nguwa gár tlaákwí tleehhi.

WARA'AMI 76:10

Looeemaawo buhhtaá hee i warqayá' tawa xirif diroge, tam kudá' naa meetiye' buhhtaawoge u diidi'iimisiyá'.

AXWEESANOÓ SAGALOOA 16:14

Buhhtaá waawutmo a adór heé gwa'ara naa ya/áp. Ala heé sagalooár koóm gin har'oh.

AXWEESANOÓ SAGALOOA 21:24

Heé daara/aám nee oo a dee/aanuut kun bay, «niqusmo.» Inós a heé hoót ar daara/aangw nee dee/anuwós.

ISAYA 51:23

Aníng wakuuseerók an wahaás, tidá' kuúng u babaw, ‹Yaami qaateek atén a gawaawók ar waarahhaán, daanduuwók nguri adór yaamu tleehhaán tari adór loohír tar warhhahhati.› »

DANIELI 2:12

Waawutmo muuna gway gaás iri lo'wa daa/atúy buhhtaawo hara'aya gari oó' múk sageeloén oo Babuloni sleémeero kuwa tsu/i.»

DANIELI 3:13

Naagáy Nebukadnesa iri ló'wa daa/atúy buhhtawo iri oó', «Shadraki, nee Meshaki nee Abednego dir'eéní huwaare'.» Inooín kiri huúw.

DANIELI 3:20

Hhawaataá /uuremaá koomá' baraá slaqwaruuseerose gari i axweés Shadraki nee Meshaki nee Abednego kiwa tsegiti nee kiwa kwahhi baraá bohóngw asltá gufteeri.

DANIELI 5:6

Gitse/aá waawutmo niri warqayé' inós iri daanda feehhiít, diqiyawós niri tsatiitiyé' nee gurunge'eeriwós niri kitlkitliitiyé'.

DANIELI 6:24

Waawutmo hara'aya gari oó' ar mukdá' Danieli gwa safool kuwa uhin nee kiwa kwakwahhi baraá mar'idár direeri dinkwa nee tlaaway'ine nee na/ii'ine. Inooín kina gawa aleeáy nee direeri nee kiri faák dír nira hardihii'iiká faduuín kiri suwawa'án.

TLAHHOÓ LAÁWI 26:18

«Nee tam alaá tunduwa doohhiís iga iiárií qasi'iiká, naagáy, nun doohhiís ki/ima faanqw as tlakweemaahúng.

TLAHHOÓ LAÁWI 26:21

«Bar aga kumité' aníng tlampa'amisuuwo nee iwa siasia' axamisuuwo, aníng muxtarhúng ngi male doók ki/ima faanqw ar qoomoó yaareemaá tlakweemaahúng.

TLAHHOÓ LAÁWI 26:24

naagáy aníng nee kuungá' tin tlampa'asaán nee nuri muúx ki/ima faanqw as tlakweemaahúng.

TLAHHOÓ LAÁWI 26:28

naagáy aníng kuungá' nu tlampa'aás ar xarasleemaeé', nee nuri muúx anuú kilá' ki/ima faanqw, asma tlakweemaahúng.

Tlehhema'aá ya/Abuuse 5:33

Inooín adoorí kawa axaás, mune giri farkiín, kiri tsu/utár wa slaá'.

Tlehhema'aá ya/Abuuse 7:54

Qoomár axweesanaywí kuwa axaás, muner'ín kari slahh'eemiís, Stefano kuri /atlií tlu'ún.