DANIELI 3:18 - Biblía Axweesantá Hhohho' ar Mungú 2004

¹⁸ Ala bar adooriheeká, xueek waawutámo, atén a ya/amanaaká munguiiwók kiwa sagadiyusaan, laqaá murslaaqatuusíng oo sahaábu kuwa sluufmiisaan.

DANIELI 3:18 Iomraidhean Croise

1 WAAWITÁ 19:14

Inós iri oó', «AAKOÓ MUNGÚ, Munguú Aleesleemusmo aníng da/i iga ló'wa ót as kuúng, nee as múk Israeli, kudá' alqadoorók ngaa si'iye', kiteeriiwók kudaá ilahhooa ngay fee/iyé'. Aníng kiloeé' ana meét, slám hám i gaasár wa slaiyá'.»

1 WAAWITÁ 19:18

Ala múk kume faanqw baraá yaamaá Israeliwo kudá' Ba'ali gaa haratlintantiaaká laqaá gwa ma'aasiiká u tsu/aaká.»

YOBU 13:15

Mungú bar aníng i gaasár wa slaa' i gaasi, Aníng harahhifo a koomaaká, tam adoorihe aníng ti aleekalaá/ dír geeraawose.

AXWEESANOÓ SAGALOOA 28:1

Múk tlákw tan tawo goow tam heé gi gusisiím i kahhi, Ala múk hota ganaá' ta diiqiiká adór direeri.

DANIELI 3:28

Nebukadnesa iri oó', «Munguú Shadraki nee Meshaki nee Abednego i xirfuuti, kudá' malaykamoowós ngwa ya/aaw as sagadiyuuseerós tidá' gwaa haratlinti' ngiwa ba/amisi. Hara'ayar'eé' tidár anuú waawutmo naa oó' ngiri tawo tleehhiyé' as haratlintaaor'ín, tari ya/án slaqooín kiwa slahh'eemisi ta mungú tawo nguwa sagadiyuusiia, ala aqo har Munguúín kilós.

TLAHHOÓ LAÁWI 19:4

«Ma warqawaara' amór munguaá' murslaaqat, tam munguaá murslaaqat mi tlehhitara'. Aníng an AAKOÓ MUNGÚ Munguúhúng.

Matayo 10:28

Kudá' slaqwaá tsu/á' mi da'ayumitaara', asma qeeru gaasaro ngu aleeslay'aaká. Ala Mungú na da'ayumitaak, kudá' aleesleemuú koóm oo slaqwa nee qeeru ngiwa qwaareesi baraá asltá baloó gwaa'aaká.

Matayo 10:39

Umuúqo heewo oo slafiingós gu amohhe'eemiís, gu qwaarees, nee heé slafiingós gu qwaareés as aníng, gun amohhe'eemiis.»

Matayo 16:2

Yesu giri báy, «Looa bir darát, kuungá' a kata', ‹Matlo doori ki /awaak, asma doori kiwa daa/aát.›

Tlehhema'aá ya/Abuuse 4:19

Ala Petro nee Yohane tari oó', «A hariimáro dír geeraá Munguhe, kuungá' nuwa iiárií qaasaan ta Munguhe, kangwsíng kuungá' kiloohúng tsataak.

Ebrania 11:25

Iri tsawdín slahh'amaaye ngiwa slaslay dinkwa nee múk Mungú, ta iwa qwalaala/i ar har qoomár niinawe baraá tlakweemaá wa ale.

YOSHUA 24:15

Barnaxes kuungá' AAKOÓ MUNGÚ kuwa sagadiyusa' a sla'a'aaká, gimsé', tsawdimé' laarí munguaá ta sagadiyusa' slawaak. Bar awa ta sla'a' an kudá' baabi'iihúng naa sagadiyusiyé' afaá yaaér Eufrátér wa ale, laqaá bar awa ta sla'a' an kudá' múk Amori ni sagadiyusiya', mukdá' ayaaín hamí ta hota', tlawsé'. Ala aníng nee múk dooeé' sleémeero AAKOÓ MUNGÚ un sagadiyusaán.»

Geehhoeemaá 12:11

Inooín sakwasleemusmoodá' kuna arbaá/ ar /uuruú tseerér Deelmoó bee/i nee ar axweesantá lamabu'ungw'ín. Asma inooín slafingw'ín ngwa slai'iiká, tam gwa'ara sleeme ngaa ilaguwi'iiká.