DANIELI 3:17 - Biblía Axweesantá Hhohho' ar Mungú 2004

¹⁷ Bar adoosíng Munguúrén kudá' atén ta sagadiyusaan tiqo ba/amis baraá bohongwduú asltá gufteeriwo, inós atén ti ba/amis baraá dabaá waawutmoowo.

DANIELI 3:17 Iomraidhean Croise

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

IIMU/UUNGW 18:14

/Aymuú gawít i deéro oo AAKOÓ MUNGÚ gur baá/? Har afi qoomaadá' án naa ooi, án ni kií/ kurko siiwár adoorihe, Sara na/oó garma gwaa sleér.»

YOBU 34:29

Mungú bira xasliít heé gu áw a heemá? Bar gitsee/aawós ngaa luú/ heé gi kiís a heemá?

YOBU 5:19

Umuú daqto inós kuúng u ba/amis baraá slahh'amuwo, Tam slahh'amu ni sagáwa magá' wá ki/i a gaarooká.

WARA'AMI 115:3

Munguúrén i gawaá doori, umuúqo gár i slai gan tleehh.

WARA'AMI 37:39

Nee ba/amár múk hota ganaá' ni amór AAKOÓ MUNGÚ dáhh. Asma inós an baqmoó qoomár slahh'amko.

WARA'AMI 37:40

AAKOÓ MUNGÚ gin alee/iimiis nee gin ba/amis. Gin tu/ún baraá dabaá múk tlákw wa ale, nee gin ba/amis. Asma inós ngwa i guwiyé'.

WARA'AMI 73:20

Aáko, kuúng bara sihhít inooín i gaanslár qwaariyá', asma inooín in qwaariyá' adór tlataá wa ale.

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 54:14

Hotaá ganaa'á' in ar hotaatiín, kiíng ti sawees dír baramaaniro, nee dír dae tlaquuwo, ma da'ayumitaar gár kiíng i harasaap i káhh.

YEREMIA 1:8

Kuúng inooín mi da'ayumitaar, aníng a dinkwa nee kuúng as uwa ba/amis. Anuú AAKOÓ MUNGÚ tí ngina oó'.»

YEREMIA 15:20

Dír mukwihe, aníng kuúng un koo/ír gawit tleéhh ar taa tleéhh ar muqslír sirdaa/aat. Inooín kuúng un mak i slaqwarárí ayá', ala u baaliaaká. Asma aníng nee kuúng a dinkwa as uwa /iis nee uwa ba/amis. Anuú AAKOÓ MUNGÚ tí ngina oó'.

YEREMIA 15:21

Aníng kuúng un ba/amís baraá dabaá múk tlakwe nee un tuú/ dír múk xaraasla.»

DANIELI 3:26

Aluuwo Nebukadnesa iri saáp dír afkú bohóngw asltá gufteeri, iri oó', «Aá Shadraki nee Meshaki nee Abednego, sagadiyuusér Munguú Gawa, ti'iitaré', qwalaasé' amoorí.» Aluuwo Shadraki nee Meshaki nee Abednego tari ti'iít baraá asltadá wa aleeró.

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

DANIELI 6:16

Aluuwo waawutmo Dario hara'aya gari oó', Danieli kuri kwaáhh baraá mar'ír direeri. Danieli kuri báy nee waawutmo, «Munguúwók kudá' ta sagadiyumaamis umuú daqto u tu/i.»

DANIELI 6:23

Waawutmo iri ló'wa qwalaá/, muu guri ádbáy, Danieli kuwa duuxi baraá mar'iro. Naagáy Danieli kunguri duúx, naxés kwa gweehhiiká tam adór niiná, asma inós Munguúwós guna harahhiíf.

DANIELI 6:27

Inós i tu/ún nee i ba/amiimis, inós layu nee muruú waa/oo/amo gin tlehhiit, gawaá doori nee baraá yaamuwo. Inós an kudá' Danieli gwa ba/amis dir direeriwo.»

MIKA 7:7

Ala aníng guruueé' un amór AAKOÓ MUNGÚ xu'ús ar sla'aari, Munguúeé' kudá' aníng i ba/amís un daamaaraám. Munguúeé' aníng i axaas.

Luka 1:37

Asma dír Munguhe gár ya/aamaaká i káhh.»

Tlehhema'aá ya/Abuuse 20:24

Ala bar án kilooeene slafingw'eé' u gaárí xuaaká. Ala gár gídaabár koom a masók slafingw'eé' kudá' nee Aako un alhhe'eés, nee gadiyér'eé' tidá' naa ilaaóh dír Aako Yésú wa ale, ngiwa alhhe'ees. Nee gadiyeérí an alki/ituú Ya/abtór hho' daanduú gurtleemuú Mungú.

Tlehhema'aá ya/Abuuse 21:13

Paulo atén tiri báy, «Gár ta tlehhita' a umós? /Aa/e nee diqay'eé' qwaareemisúwo? Mas tseegamo kilós an katá'? Án aga ya/aám tam tiwa gaasi baraá Yerusalemúr i alé as umuú Aako Yesu.»

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

2 korinto 1:10

Inós atén taa ba/amís baraá tsaxwaá gwa'arár adór tihe, nee slám ti malé ba/amis. Atén aa harahhifaán inós iwa kumiiti atén tiwa ba/amiimisi.

Ebrania 7:25

Gawaá adoorihe kudá' Mungú ngu i daqaqawá' ar loohír inós, inós gi ló'wa aleesláy ba/amisaro, asma inós i slafaafín daqisleém as ngiwa aleefiriirin.

1 SAMUELI 17:37

Daudi iri oó', «AAKOÓ MUNGÚ kudá' aníng iga ba/amis gawaá afér direerí wa ale, nee afér makaydá' ta bay duúbuuwo, inós aníng i tuu/ gawaá dabaá heequú Filistiro.» Saulo guri báy, «Tláw, AAKOÓ MUNGÚ masók a dinkwa nee kuúng.»

1 SAMUELI 17:46

Laarí AAKOÓ MUNGÚ kuúng u baraá dabaaeé' qaas. Laarír kilae un yaamií daáhh, uri isa tsaát, tuaá slawtá slaqwara ar xoorór Filisti gwarsuú doori gari /aay, nee makaá sla/a, as kahhó' xoordu sleémeero ngiwa tsaahhiya' adór Munguú múk Israeli ir deér.