DANIELI 3:12 - Biblía Axweesantá Hhohho' ar Mungú 2004

¹² Mukko Yahudi kuúng taa qás baraá waawuti'iimár yaamaá Babuloni, ín Shadraki, nee Meshaki nee Abednego, axweesantók ngaa iialooeesiiká, nee sleeme munguiiwók ngaa sagadiyusi'iiká, tam ngi sluufmisiaaká.»

DANIELI 3:12 Iomraidhean Croise

ESTA 3:8

Aluuwo Hamani waawutmo Ahasuero guri báy, «Xoororka wák i deer ar aa tsiyayaaxat baraá tla/ángw muu oo umuú dii baraá ayeemo sleémeero awa waawuti'iimarók. Inooín daber'ín nee dabér umuú xoorór ti slawá' i káhh, tam hara'ayár waawutmo ngi axamisiaaká, gawaá adoorihe, nee waawutmo ti aleslay'aaká.

AXWEESANOÓ SAGALOOA 27:4

Buhhta i xaraasliyá', slaqwara i tsu/út, ala da/i in ak xarásl ta muruuwí sleémeerowo.

DAHARUSMO 4:4

Aníng ana malé qaytsiít gadiyér muu i tlehhiiti ngari ár, nee umuú heé aa geerií kumiiti, muruuwí dír i dahhi a muu tiwa da/tá araa'ari. Tí sleeme a tawór huwisha, nee a adór heé fur'a gaa alta'aain.

DANIELI 1:7

Sagesihhtusmoduú múk taa karmumúy daaqaydá' guri umér hatlá' i tsaát, Danieli guri báy Belteshasa, Hanania guri báy Shadraki, Mishaeli guri báy Meshaki, Asariya guri báy Abednego.

DANIELI 2:48

Aluuwo waawutmo Danieli guri xirfayeés, guri muruú yaariír i haniís, guri waawuti'iimár yaamaá Babulonírí haniís. Guri geeraharusmoó hara'ayuuse sleémeero ar waawutmoó wa qaás.

DANIELI 2:49

Slám Danieli waawutmo guri firín as Shadraki, nee Meshaki, nee Abednego kiwa uráy haniisi baraá yaamaá Babuloniro. Ala Danieli ina meét dír bihhaá waawutmo.

DANIELI 3:11

Nee umuúqo heewo oo aa tumbarara'atiiká a kwahha baraá bohóngw asltá gufteeri.

DANIELI 3:16

Shadraki nee Meshaki nee Abednego waawutmo kuri báy, «Aá waawutámo, gawaá /aymuusinge atén gár ni ooaan i káhh.

DANIELI 3:29

«Gawaá adoorihe aníng hamí an kah, umuú tlahhaywo nee umuú xoorooro nee umuú tsifriro ar múk /aymuú harimaaká gu oo' daanduú Munguú Shadraki nee Meshaki nee Abednegowo, xoorór adoorí mukós kun supín tay kaeemaá dimbadimbé, maray'ín tay taangu. Asma Munguú hatlá' oo hee gu aleesláw ba/amisaro ar loohír adór tí i kaahh.»

DANIELI 3:30

Aluuwo waawutmo ín Shadraki nee Meshaki nee Abednego giri uráy haniís baraá yaamaá Babuloniro.

DANIELI 6:13

Waawutmo nguri bayé', «Heedaádá' ta bay Danieli, kudá' tinda huúw baraá yaamaá Yuda wa alé, kuúng u iiárií qaminká, laqaá hara'ayaadá' kuúng taa dugunií qás ga iialooeesiiká. Asma inós umuú baalaaro firo ngi hhe'eemisi ay sagaá wa tám.»

DANIELI 6:14

Waawutmo adoorí ngiwa axaás ina ló'wa gurhamuút. Inós ilakaaharu guna tleéhh as Danieli nguwa tu/i. Ina kumiít iiarto as Danieli nguwa /iisi ala gwaa aleeslayká. Ina karkarimamiít looa gar wa dát.

Tlehhema'aá ya/Abuuse 17:7

nee Yasoni mukwí gwa dahi'ís baraá do'ós i alé. Inooín sleémeero muruú ta tlehhahhiti a kudá' nee hara'ayár waawutmoó múk Roma ti slaslawa'aaká. Asma inooín ta kaahi waawutmoó hatlá' i deer, ku bay a Yesu!»

Tlehhema'aá ya/Abuuse 5:28

«Atén kuungá' naa ló'wa hara'ayiimániíke niwa kaahaan kuungá' ma intsaahhatimisara' ar umuuwí. Ala hám qaytsité', intsaahhatimisuuhúng Yerusalemu gaa dalaá/, nee kuungá' tseerér heehúng kudá' ngi gawaarén i huwtá wa sla'á'.»