DANIELI 2:6 - Biblía Axweesantá Hhohho' ar Mungú 2004

⁶ Ala tlataaeé' kudá' birnga inslawtisé' nee gár i kaahia án kuungá' nu qáw muruú yaariire nee nuu buú', nee nu uráy haniís, ala tlataaeé' kudá' ooare' nee gár i kaahiia.»

DANIELI 2:6 Iomraidhean Croise

DANIELI 2:48

Aluuwo waawutmo Danieli guri xirfayeés, guri muruú yaariír i haniís, guri waawuti'iimár yaamaá Babulonírí haniís. Guri geeraharusmoó hara'ayuuse sleémeero ar waawutmoó wa qaás.

DANIELI 5:29

Aluuwo waawutmo Belshasa iri oó', «Danieli tlabaá sirda/aten ti dahase', nee istós himtuú sahaábu ti dahase'.» Kari oó' dír muu adór Danieli tar heé tám baraá waawuti'iimaro.

DANIELI 5:7

Waawutmo Belshasa iri tseé' ar afór ur as qwaslaare kawa huwi nee da/aluuse nee qwaslaarér tsatse/uwo. Qoomár niwa hardihiyé', waawutmo giri báy, «Heé gooirí soómaro ga aleesláw nee gár i kat ngiri oó', ku tlabaá hhohhó' í dahaas awa sirda/aten, nee kun isa himtuú sahaábií dahaas, nee kun heé tám wa qaas baraá waawuti'iimaro.»

FAARO 22:17

Gám aníng kuúng u iwa/a/aát nee u baloó qiitlaaká, umuuqo gár ta sla'a ar ni firiin ngi haniís. Qwaláng mukwí daanduueé' wa lu'usek.› »

FAARO 22:37

Balaki iri oó' dír Bala'amu, «Waáy, misinda gaanslár hardatká' uwa ateét? Ahaá ana ói, ilaiwa/amér ni aníngí tleehhi i deéro?»

FAARO 22:7

Naagáy geeraharuusér Moabu nee ar múk Midiani tari tláy, tari amór Bala'amuú káy, i peésár bu'utuú qwaslaarmoó koná'. Tawa hardáh ya/abtór Balaki kari oó'.

FAARO 24:11

Hamí, tláw gwagoów amoorók ar ta xu'! Geera ana slaá' uwa qaw ar muruú yaariír, ala AAKOÓ MUNGÚ qeemuwí ngwa kuúngár slaiiká, gwaa /itín diroge!»