DANIELI 2:46 - Biblía Axweesantá Hhohho' ar Mungú 2004

⁴⁶ Waawutmo Nebukadnesa giti gari yaamúr óh, Danieli guri i tumbarara'aát, hara'aya gari oó' Danieli kuwa ilahhooár i haniisi nee mooyangwdá' tsuua sleeme.

DANIELI 2:46 Iomraidhean Croise

ESRA 6:10

As inooín Munguú gawaá doori nguwa ilahhooár muruú ta tsu/i ar sla'atamis i hanmisiya', nee slafíngw waawutmo nee na/iiwós nguwa aleefirina'.

DANIELI 3:5

‹Qoomár afór xareemi nee ar filiímbiro nee ar gidaandoori nee ar seéseero nee ar mariímbaro nee ar oowiro, nee ar umuúqo xooslár daa'aango bara axasé' aqo gitsee/erhúng an yaamúr otá', nee murslaaqatuú aáng Nebukadnesa aa tleéhh ar sahaábu, guri sihhitís, un ii tumbararaa'atá'.

DANIELI 3:7

Naagáy qoomaadár kilae múk tlahh'i sleémeero afór xareemi nee ar filiímbiro nee ar gidaandoori, nee ar seéseero, nee ar mariímbaro, nee ar oowiro, nee ar umuúqo xooslár daa'aango kawa axaás muu sleémeero nee xooro tsifriro tana tumbararaa'aát dír geeraá muslaaqatuuduú sahaábu as kuwa sluufmiisi, kudá' taa tleéhh nee Nebukadnesa.

DANIELI 8:17

Gabrieli niri tseewúy didá' aníng nay sihhiít. Aníng niri da'ayuút ló'wa aleeró, niri gurúr qaát. «Ala aníng iri báy, ‹Aá heewí, iigu'utudá' taa aán gár i kaahi a daanduú muruú deelór alhhe'eesaay.›

TLAHHOÓ LAÁWI 26:31

Gixsaduhúng in daá/, dirhúng tidá' hhoohhoo' an xaanxay tleéhh nee ilahhooár mooyangwhúng kudá' tsuú' u baloó ya/amaaká.

Luka 17:16

Iri tumbarara'aát dír geeraá Yesu, guri sluufiís. Nee heedaádá' a heé tlahhoó múk Samaria.

Tlehhema'aá ya/Abuuse 10:25

Petro iwa dáh, Kornelio nina al'awín iri tumbarara'aát dír geeraawós i alé.

Tlehhema'aá ya/Abuuse 14:13

Kaahamusmoó Seu, kudá' do'ós geeraá gixsár i dirií', awe ngiri huúw, nee slamángw /ayo, ay dír afkú gixsa, asma inós nee muko ilahhooár muruú ta tsu/i kana haniisár wa slaá'.

Tlehhema'aá ya/Abuuse 28:6

Inooín geera ka xui in xir'iit, laqaá i yaamií huu' nee iri gwaa' ar gaanslaay. Kuri ló'wa daamarán naxés gár gwa eer iwa káhh, inslawoó muner'ín iri warqáy, tari káh, «Inós a mungú.»

Geehhoeemaá 11:16

Bariiseedá' mibeeri tsár nee tsiyáhh, tidá' dír geeraá Mungú wa iwiiwiit baraá kiteeraá aleesleemuuwo, tari tumbarara'amiít dír geeraá Mungú, Mungú kuri sluufmiís,

Geehhoeemaá 19:10

Aníng niri tumbarara'aát dír ya'aawós i alé as inós nguwa sluufmiis. Ala inós aníng iri báy, «Adoosíng ma tlehhiitaar. Asma aníng sleeme a sagadiyusmo dinkwa nee kuúng nee hhaeewoge, kudá' sleémeero awa lamabu'úngw Yesu ngu koomá'. Ala kuúng Mungú na sluufmiiseek.» Asma lamabu'úngw Yesu an qeeruú aaru'uuma.

Geehhoeemaá 22:8

Anuú Yohane muruuwí una axaás nee nguri ár. Nee muruuwí nguwa hhe'eés axaasaro nee arto, aníng niri tumbarara'aát dír ya'aá malaykamoodá' muruuwí ngwa laqan, as inós nguwa sluufmiis.