DANIELI 2:45 - Biblía Axweesantá Hhohho' ar Mungú 2004

⁴⁵ Tlaa/a ana aán ar naa kilós tsatit gawaá tloomár wa alé, ar hee aa kwatitiiká. Muqslír aáng gana suwaawá', nee muqslír sirdaa/aate nee tleeiro nee muqslidár peesaaro nee sahaábuwo. Gawaá adoorihe Munguúdá' úr kaangwí ngwa dirógí xu'utís, waawutámo, a kángw tlehharuút aluúwaá ale. Tlataaká' awa ló', nee gár i kaahiya' ar ló' sleeme.»

DANIELI 2:45 Iomraidhean Croise

IIMU/UUNGW 41:26

Hikwaadá' faanqw hho' a kureeraá faanqw, nee /ar/aantaadá' faanqw hhohho' a kureeraá faanqw. Gídaabár tlataaká' a wak.

IIMU/UUNGW 41:28

Adoorí an adór naa kuúng báw, Farao, Mungú gár deeloorí tseewe i tleehhi, ngaa kuúngí laqán.

IIMU/UUNGW 41:32

Gár tlataawók tas sagaáwa tsár, a /aymuuwí Mungú nguna geehhoeés, nee Mungú gu boo/ees ar gaanslaay.

2 SAMUELI 7:22

Baraá muruudá' sleémeero taa axamamisani, kuúng Aakoó MUNGÚ tu úr, oo adór kuúng i kaahh, nee Munguú hatlá' i kaahh aqo har kuúng.

1 QOM'I 16:25

Asma AAKOÓ MUNGÚ ku úr nee aa ló'wa xirfuút, inós i harín ilaiwa/ameero ta munguaá hatlae.

NEHEMIA 4:14

Ngiwa ár adór muu ir daimiít, múk urén nee geeraharuuse nee muu sleémeero una báw, «Ma da'ayuumitaara' tam adór niiná, Aako na iinslawaak, adór kur úr, nee ir dae tlaáq, ala hhaeehúng na sageslaqwaak nee daaqayhunge nee dasuuhunge nee tlaawayhunge nee marayhunge.»

NEHEMIA 9:32

«Gawaá adoorihe, aá Munguúrén, Munguú úr oo /uuruú koóm nee oo dae tlaáq, kuúng alqadorók an ohiín nee sla'aarirók i warqeeraaká, slahh'amaayedá' atén taa sleer nee waawitaárén, nee múk urén nee kaahamuuseero nee aaruseerene, baabi'iirén nee mukók sleémeero iimír qoomár waawituú Ashuru ay laarí, kuúng ma gár niiná wa araar.

YOBU 36:26

Ga/aaweek, Mungú ku ló'wa úr, tam tsaahharo sleeme ugwa harslaaqataán, kureeraá slafiingós faaro ngi ya/an'aaká.

WARA'AMI 135:5

Aníng a xuú' adór AAKOÓ MUNGÚ kur úr. AAKOORÉN munguaá hatlá' gi baa/ sleémeero.

WARA'AMI 145:3

AAKOÓ MUNGÚ kun úr, masók kun ló'wa xirfayeemiis, nee uraywós heé tsaahharo gu asláw i kaahh.

WARA'AMI 2:9

In naasuúr ar hhartá muqsli, kiri parhhamís adór xooslmoó tleei.› »

WARA'AMI 48:1

AAKOÓ MUNGÚ ku úr, i harín kuwa ló'wa xirfayeemisi, baraá gixsár Munguúrene, gawaá tloomarós tidá' hhoohhooe.

WARA'AMI 96:4

Asma AAKOÓ MUNGÚ ku úr nee uraywós ku xirfayeemisi ló'wa ale, inós ku ilaiwawa/i taa mungui sleémeero.

ISAYA 28:16

Gawaá adoorihe Aako, AAKOÓ MUNGÚ i kaahi, «Ga/awaak, aníng tlaa/ár iihhafiiri a qaás baraá gixsár Siyoni, a tlaa/ár taa iiár, a tlaa/ár tlaxo gawit ar do' ir gawduy, tlaa/ár iihhafiiri ar do' ir gawduy, ‹Umuú heé gaa haratlintii' i kwareeiiká.›

DANIELI 2:24

Danieli iri daqáy dír Arioko, kudaádá' taa qaás nee waawutmo as múk sageeloén oo yaamaá Babuloni nguwa tsu/i, guri báy, «Múk sageeloén oo Babuloni mu tsu/aar, án dahaasáng ay amór waawutmo, daqaní aníng tlataá waawutmo i waagweér.»

DANIELI 2:28

Ala Mungú i deer gawaá dooriwo oo kángw naaqo gu geehhooatimís. Inós muruú aluú wá hi'iít oo deelór alhhe'eesaay ngwa laqán, aá waawutmo Nebukadnésa. Tlataawók nee iigu'utuú taa aán gawaá qatanirók wa alé a kwí:

DANIELI 2:29

«Aá waawutámo, kuúng qoomár tawa gu' ana tlatiitiín daanduú kángw alúwá hi'iít, nee Munguúdá' naaqór geehhooetimís kangwdá' tleehharuút ngwaa dirók i laqán.

DANIELI 2:44

De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

DANIELI 8:25

Asma inós tawa fuqurusmo baraá muruú tlakwe i ló'wa waaraahh nee tiri xirfayees. Múk yaariír gu naaqo tsuu/ nee sleeme inós nee geeraharusmoó geeraharuuse ti tlaampa'aasiyá', ala inós ku suqúy nee Mungú tam dákw hee gur gadiyusiiká.

HAGAI 2:22

aníng waawitá u kwaáhh nee kiteeriidaá waawuti'iima i /aankwaraáts. Aníng /uureemaá waawuti'iimár dimbadimbé ar xoordu i hhitiím. Aníng gaardu i /aankwaraáts nee kudá' naa gawaawósií tsa/ane', faraási nee kudaádá' ngi ii tsa/aa/amá' ki tsuu/ nee hhaeeín ar paangadu.› »

SEKARIA 12:3

Baalaadae aníng gixsár Yerusalemu aa tlaa/ár iiloo' tleéhh dír muu sleémeero, umuúqo heé ga iiara tin kilós mutaaúy, nee xoordaá daanduú yaamu sleémeero gixsár Yerusalemu gin i haratlayá'.»

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

Matayo 21:24

Yesu giri báy, «Aníng sleeme gár wák ngi dirhúng i yaahaás, kuungá' ngi oá'. Daqaní aníng sleeme aleesleemuú muruuwí ngur tlehhiit ngu dirhúngií oó'.

Matayo 24:35

Doori nee yaamu i waaraahhiyá', ala axweesante'eé' i baloó waarahhká.»

Luka 17:20

Múk Farisayo Yesu guri yaahaás, «Waawuti'iimár Mungú xaylá ni hardát?» Yesu giri báy, «Waawuti'iimár Mungú binda hardát a aanda'aaká ar ila'.

DABE 10:17

Asma AAKOÓ MUNGÚ, Munguúhúng inós an Munguú munguaá hatlá' gi baál, nee inós an Aakoó bariise. Inós an Munguú úr nee oo /uuruú koóm nee oo dae tlaáq, inós i barqaantír konká laqaá i slukumár /ayiiká.

Geehhoeemaá 1:19

Gawaá adoorihe, muruudá' kuúng taa aán gooiimeek, kudá' dáw nee tam kudá' sangw hardáh sleeme.

Geehhoeemaá 19:17

Aluuwo malaykamoó wák nguri ár aa sihhiít gawaá looa. Inós iri tseé' ar afór ur iri oó' dír tsir/o sleémeero ar gáwtí tlatlaw, «Qwalaasé', burumburiitaré' dír muruú /aymaadá' úr oo Mungú.

Geehhoeemaá 4:1

Alaá muruuwí sleémeerowo aníng niri malé qaytsiít, nee ga/aaweek, afkú doó taa gweér una ár gawaá dooriiwo. Nee afoodá' aa axwes nee aníng qoomaadár geeraawo, tidár adór tarumbeéta, aníng iri beér, «Amoorí tsa/amang, nee muruudá' aluú wa hardáh, aníng ngu dirógií laqaám.»