DANIELI 2:44 - Biblía Axweesantá Hhohho' ar Mungú 2004

⁴⁴ De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

DANIELI 2:44 Iomraidhean Croise

IIMU/UUNGW 49:10

Yúda, hhartá waawuti'iima i baloó qutlaaká diroge, nee xwaylarók deelo sleémeero in waawuti'iín, ay dír heé waawuti'iima loó' nay hardihi, kudá' xoordu ni ilaiwawa/iya'.

2 SAMUELI 7:13

Na/aywí an kudá' do' gu tleéhh as umuueé', nee kitaangós kuduú aleesleemu oo waawuti'iimarós un gawdeés ay kureerisleém.

2 SAMUELI 7:16

Do'ók nee waawuti'iimaroge i kumaamitiyá' dír geeraaeé' waá ale daqiisleém. Kitaangók oo waawuti'iima ku gawdees kureerisleém.› »

WARA'AMI 145:13

Waawuti'iimarók i alhhe'eesoó koondaaká, nee baalirók in kumít qari sleémeero. AAKOÓ MUNGÚ ar aa oó' sleémeero ga hardahaas. Nee ku gurhhoó' baraá tidaádá' sleémeero i tlehhiiti.

ISAYA 60:12

Umuú waawuti'iimaro laqaá xoororo, tidá' kiíng i sagadiyusaaká, ka hhaamiis, xoorduuká' ki ló'wa qwaarees.

ESEKIELI 37:25

Inooín tari hoot baraá yaamaá baabi'ii'ín kudá' naa haniís dír Yakobo. Inooín nee na/ii'ine nee na/aá nangw'ine, tari baraaká' wa hoot ay alhhe'eesay wasle, Daudi sagadiyusmooeé' giri sawaawuti'ín daqisleeme.

DANIELI 2:28

Ala Mungú i deer gawaá dooriwo oo kángw naaqo gu geehhooatimís. Inós muruú aluú wá hi'iít oo deelór alhhe'eesaay ngwa laqán, aá waawutmo Nebukadnésa. Tlataawók nee iigu'utuú taa aán gawaá qatanirók wa alé a kwí:

DANIELI 2:34

Qoomár kuúng kuwa ga/eer naxés tlaa/ár taa dákwár tsatiiká nina kilós /akút, ya'aá murslaaqatuudá' awa aleedoogír muqsli nee tleei giri dalá/, niri suwawaa'atiyé'.

DANIELI 2:35

Naagáy muqslidá' nee tleeiro nee muqslír sirdaa/aate nee muqslidár peésaaro nee sahaábuwo niri suwawaa'atiyé', tari adór muundoó dír afeenír balaangw kuwa haritleemamisi. Parhheemaá aáng fur'a giri ar tlatleér tam kiri aandaaká. Ala tlaa/anoó aáng kudá' murslaaqatuudá' gwa dalaa/ ina tloomar yangaariir tleehhiít, yaamu sleémeero giri dalaá/.

DANIELI 2:37

Kuúng waawutámo a waawutmoó waawitá, Munguú doori kuúng ugwa waawuti'iimár i haniís nee aleesleemu nee /uuru nee xirif.

DANIELI 2:43

Adoodá' muqslír aáng taa aán ar taa haragaás nee tleei, adoorí gár i kat a waawituú aáng tin haragaasiyá' ar loohír duuxo, ala tiqo baloó oohiaaká, ar adór muqsli nee tleei tir oohiaaká.

DANIELI 4:3

Xáy a adoomá, layaá Mungú adór kir urén. Xáy, /uuruuwós nee waa/oo/amorose a adoomá? Waawuti'iimarós an tidá' alhhe'eesay wasl, waawuti'iimarós in hootaatiín ay kureeraá kureér.

DANIELI 4:34

«Alaá kureeridá' faanqw niwa waarahhiyé' anuú Nebukadnesa ana gawaá doorí qaytsiít, nee fuqurangw'eé' niri kií/. Munguúdá' úr una diidi'iís nguri sluufiís nee nguri ilaiwa/amér i tleéhh kudá' hotatiím ay alhhe'eesay wasle. Asma waawuti'iimarós an waawuti'iimár alhhe'eesoó koomaaká. Waawuti'iimarós in kumaamít qari sleémeero.

DANIELI 6:26

Hara'aya aga qaás as muu sleémeero baraá waawuti'iimar'eene, Munguú Danieli kuwa da'ayumiti nee kuwa ilaiwawa/i. «Asma Munguúwí an Munguú slaáf, kudá' hotatiím kureerisleém, waawuti'iimarós ka baloó hhitinká, waawuti'iimarós i alhhe'eesoó koondaaká.

DANIELI 6:27

Inós i tu/ún nee i ba/amiimis, inós layu nee muruú waa/oo/amo gin tlehhiit, gawaá doori nee baraá yaamuwo. Inós an kudá' Danieli gwa ba/amis dir direeriwo.»

DANIELI 7:27

Nee waawuti'iima nee aleesleemu nee uraay sleémeero oo gawaá daanduú yaamu ku haniís dír múk hhohhó' oo Munguúduú Gawa. Waawuti'iimar'ín in hotaatiín ay kureeraá kureér, nee baaluuse sleémeero gin sagadiyús nee giri ilaiwawá/.›

DANIELI 8:25

Asma inós tawa fuqurusmo baraá muruú tlakwe i ló'wa waaraahh nee tiri xirfayees. Múk yaariír gu naaqo tsuu/ nee sleeme inós nee geeraharusmoó geeraharuuse ti tlaampa'aasiyá', ala inós ku suqúy nee Mungú tam dákw hee gur gadiyusiiká.

MIKA 4:7

Aníng kudaádá' soopimá' in meetiís, nee kudaádá' taa sií' ngiri xoorór /uuruú koom tleéhh.» Anuú AAKOÓ MUNGÚ ngiri sawaawuti'iím baraá tloomár Siyoni wa ale kureerisleém.

HAGAI 2:22

aníng waawitá u kwaáhh nee kiteeriidaá waawuti'iima i /aankwaraáts. Aníng /uureemaá waawuti'iimár dimbadimbé ar xoordu i hhitiím. Aníng gaardu i /aankwaraáts nee kudá' naa gawaawósií tsa/ane', faraási nee kudaádá' ngi ii tsa/aa/amá' ki tsuu/ nee hhaeeín ar paangadu.› »

HAGAI 2:7

Aníng xoordu sleémeero i daaraxaás, nee daqaari'iimár xoordu sleémeero kingi huuw baraá do'owí, aníng do'owí u hatsiís xirfuuwo. Anuú AAKOÓ MUNGÚ Aleesleemusmo tí ngina oó'.

Matayo 28:18

Yesu giri i tseewúy, giri báy, «Aleesleemu sleémeero oo gawaá doori nee oo baraá yaamu kunga aníng i haniís.

Yohana 12:34

Boo/aay iri oó', «Atén gár naa axasaán baraá hara'ayaaro Kristo in slafaafín ay alhhe'eesay wasle. Nee ala kuúng mas kat, Garmoó Hee gár kuwa hariím a gáwtí tleesa? Garmaawí oo Hee a heemá?»

Ebrania 12:28

Waawuti'iimár atén ta slawaan a tidá' ta diingisiiká. Gawaá adoorihe atén gár tiwa hariím, a Mungú un sluufmiisaán ar adoodá' inós i slai, ar tiwa niinaweemisaan nee kuwa ilaiwawa/aan.

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 2:27

Nee inós múk xoordu guri sawaawuti'ii'ín ar hhartá muqsli, nee guri parhhamiis adór qaambeesamá wa ale. Asma tam aníng waawuti'iimarí ana sláw dír Baabuúeé' wa ale.