DANIELI 2:39 - Biblía Axweesantá Hhohho' ar Mungú 2004

³⁹ Alaá waawuti'iimaroge waawuti'iimár hatlá' ni iitleér ar daqa tlaakw dír toge, nee aluudae waawuti'iimár tám, ar muqslír sirdaa/aat, xoordu sleémeero gi sawaawuti'ín.

DANIELI 2:39 Iomraidhean Croise

ISAYA 44:28

Aníng an kudá' Koreshi gu babáw, «Kuúng an de'eemusmoó muk'eé', kuúng tidá' aníng ni qomeemees an boo/és. Aníng an kudá' gixsár Yerusalemu ga babáw, ‹Kiíng Yerusalemu, ti male /abees tlehhmuwo.› Nee daanduú Doó Munguhe an kah, ‹Iihhafiirír Doó Mungú ka malé iihhaaf.› »

DANIELI 10:20

«Inós aníng iri báy, ‹Xáy, gár án nisa amoorók i hardáh a xúa? Ala hamí daxta a kií/ niwa slaqwarár áw nee malaykamooduú múk Persia, nee qoomár aníng inós bura baál slaqwararo, malaykamooduú múk Yunani ni hardah.

DANIELI 2:32

Sagós kuna tleéhh ar sahaábuú hhohhó', da/eewaawós nee dabaawo a muqslidá' ta peésár wa tlehhaahhiti, tla/aangós nee guruuwose a muqslír sirdaa/aat.

DANIELI 2:38

Umuú dír muu i hooti nee makaá sla/ato, nee tsir/ooro ngaa dabaawók i qaás, inós kuúng una baalusmooín wa qaás. Kuúng nee waawuti'iimaroge an sagwduú sahaábu.

DANIELI 2:40

Waawuti'iimár tsiyáhh i /uuruú koón adór muqslír wa alé. Asma muqsli umuú gaaro ga geeqeér gay hhitiín, an adór waawuti'iimadá' i diri', waawuti'iima sleémeero ar aa waarahh gan hhitiín gari suwa tsát.

DANIELI 7:23

«Inós aníng iri báy, ‹Makiito'oodár tsiyáhh a waawuti'iimár tsiyáhh, ar ti'iit gawaá daanduú yaamuwo. Waawiti'iimarí a dimbé nee waawuti'iimár hatlá', inós yaamu sleémeero gi qwaarés. Inós yaamu gi kal/aán giri feehhamís.

DANIELI 8:20

«Gwaanduudá' xareemaá tsár koóm, kudá' kuúng taa aán, a waawituú múk Medi nee oo Persia.

DANIELI 8:21

Nee gurtuudá' taa aán oo se'éngw yaariír koóm a waawutmoó Griki. Nee xarmoodá' wák oo gawaá gineerós a waawutmoó geerií waawuti'iím.

SEKARIA 6:3

Gaárír tám farsuú /awák gan uuruxún, nee gaárír tsiyáhh a farsuú bahayén gan uuruxún.

SEKARIA 6:6

Gaáridá' ta uuruxun nee farsuú bó/ ina yaamaá /iikú xú', nee tidá' farsuú /awák i uuruxun ina yaamaá /uwa xú', nee ar ta uuruxun nee farsuú bahayén ina yaamaá baskú xú'.