DANIELI 2:37 - Biblía Axweesantá Hhohho' ar Mungú 2004

³⁷ Kuúng waawutámo a waawutmoó waawitá, Munguú doori kuúng ugwa waawuti'iimár i haniís nee aleesleemu nee /uuru nee xirif.

DANIELI 2:37 Iomraidhean Croise

1 WAAWITÁ 4:24

Asma inós ina waawuti'ín daanduú yaamu sleémeero, iimír bihhaá /uwa awa yaaér Eufrate, nee Tifsa wa tleemu ay Gasa, waawitá sleémeero kuduú bihhaá /uwa yaaér Eufrateero guna sawaawuti'ín. Inós nee xoordu sleémeero kudaá inslawaay tana hoót ar wayda.

2 WAAWITÁ 25:28

Inós nee waawutmoó Babuloni tana axweés ar axweesantá tsuu', guri uráy haniís ta waawituú hatlá' sleémeero kuduú dinkwa nee inós baraá yaamaá Babuloniro.

2 QOM'I 36:23

«Waawutmo Koreshi oo Persia i kaahi, ‹AAKOÓ MUNGÚ, Munguú doori, waawuti'iima sleémeero ar yaamu ngaa aníngií haniís, nee aníng iga ádbáy do'ós kuduú baraá Yerusalemu tidár yaamaá Yuda nguwa tleehh. Umuúqo heewo kuduú kós baraá tla/angwhunge, masók AAKOÓ MUNGÚ Munguúwós i dinkwa nee inós, nee i watli.› »

ESRA 1:2

«Waawutmo Koreshi oo Persia i kaahi, AAKOÓ MUNGÚ, Munguú doori, waawuti'iima sleémeero ar yaamu ngaa aníng i haniís. Aníng iga waawuti'iimár yaamu sleémeerowí haniís. Aníng iga ádbáy nguwa dó' i tleehh baraá Yerusalemu, tidár baraá yaamaá Yuda.

ESRA 7:12

«Anuú Artashasta waawutmoó waawitá, amór kunguú Esra oo kaahamusmo nee goousmoó dabér AAKOÓ MUNGUÚ doori, laawaaywók.

WARA'AMI 62:11

Wa'aá wake Mungú ina axweés, ki/imaá tsare tí ana axamiís, adór /uuru tar oo Mungú.

AXWEESANOÓ SAGALOOA 8:15

Waawitá in waawuti'ii'ín as aníng, múk urén kwasleemár ganaa' kan tleehh as alee/isay'eé'.

ISAYA 10:8

Asma i kaahi, «Geeraharuusér uren sleémeero a waawitahekáhe?

ISAYA 47:5

AAKOÓ MUNGÚ i kaahi, «Iwitanaangw i xasliteek, ta dát baraá giwti, kiíng dasír Kaldayo. Asma kiíng daxta a sangw waawuto'ór waawuti'iimarooká.

YEREMIA 28:14

Anuú AAKOÓ MUNGÚ Aleesleemusmo, Munguú Israeli an kah, ‹Aníng taaqwantá muqsli ar lawaali'iima aga qaás gawaá isaá xoordu sleémeero, inooín waawutmo Nebukadnesa oo Babuloni ngu sagadiyusiyá'. Slám ugwa makaá slá/tí haniís as ngiwa sawaawuti'in nee nguwa sagadiyuusiya'.› »

YEREMIA 34:1

Qoomár waawutmo Nebukadnesa oo Babuloni nee slaqwaruuseerós, nee slaqwaruusér xoordaá hatlá', kudá' inós aa baál, tawa slaqwi nee Yerusalemu nee gixsadaá iisaapaydá'. Axweesantá AAKOÓ MUNGÚ Yeremia gana axaás, i kat,

ESEKIELI 26:7

«Anuú Aakoó MUNGÚ a kah, waawutmo Nebukadnesa oo múk Babuloni, waawutmoó waawitá ngu /iikú wa huúw, nee farsuuwós nee gaardaá slaqwaraaro nee slaqwaruuseedá' faras gwa i tsa/aandi, nee slaqwaruusér yaariire, Tiro ngin i haratlayá' ngiri haraweeliyá'.

DANIELI 1:2

Aako Mungú Yehoyakimu waawutmoó Yuda guna máy kuwa oohi nee waawutmoó Babuloni, nee xooslaá Doó Mungú giri bahh ar tláy ay baraá yaamaá Shinari, ay baraá doó munguúwós. Xosluudá' gari baáts baraá doó munguúwós.

DANIELI 2:31

«Kuúng waawutámo, murslaaqatuú yangaariír una aán, slám i gwa/aat ló'wa aleeró, ina sihhiít geeraawók i alé, nee bura aán i lo'wá dae tlaaq.

DANIELI 2:44

De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

DANIELI 4:19

Qoomaarihe Danielidá' ta babay Belteshasa iri gurhamuút gár niinawe, nee inslawaywós iri amooqwaqwadín. Waawutmo Belteshasa guri báy, «Belteshása tlataaká' muwa dae tsatiyé'.» Belteshasa iri oó', «Aakooeé', tlataaká i pa/iye' amór mukdá' kuúng u ahhiít, nee gár tlataaká' i laqaaqana' i pa/ amór wakuuseerók.

DANIELI 4:22

«Gimáy, xa'anoodá' an kuúng waawutámo, kudá' aa uraaray nee /uuruú koóm. Yangareemaawók naa hardihiyé' ay gawaá doori nee waawuti'iimarók aa iia tleeruúr ay alhhe'eesoó yaamu.

DANIELI 4:25

Kuúng tu guus dír muko. Kuúng tari hót nee makaá baraá sla/a, gitso a /ák adór slér wá ale, har'uú doori uri na/aas. An baraá sla/atá wa hót kureeri faanqwe, ay dír kay tsáhh adór Mungú ir baaliilín baraá waawuti'iimár muko, nee inós waawuti'iima gan haniis dír kudá' ngir slai.

DANIELI 4:3

Xáy a adoomá, layaá Mungú adór kir urén. Xáy, /uuruuwós nee waa/oo/amorose a adoomá? Waawuti'iimarós an tidá' alhhe'eesay wasl, waawuti'iimarós in hootaatiín ay kureeraá kureér.

DANIELI 4:32

Kuúng tu guus dír tla/ángw muko, tari alhotá' nee makaá baraá sla/a, nee gitso kari /ák adór awu har afi qoomoó kureeraá faanqwe. Ay dír kay tsahh adór Munguú úr ir waawuti'ii'ín baraá waawuti'iimár muko nee waawuti'iima gan haniis dír heedaádá' inós i slai.»

DANIELI 4:34

«Alaá kureeridá' faanqw niwa waarahhiyé' anuú Nebukadnesa ana gawaá doorí qaytsiít, nee fuqurangw'eé' niri kií/. Munguúdá' úr una diidi'iís nguri sluufiís nee nguri ilaiwa/amér i tleéhh kudá' hotatiím ay alhhe'eesay wasle. Asma waawuti'iimarós an waawuti'iimár alhhe'eesoó koomaaká. Waawuti'iimarós in kumaamít qari sleémeero.

DANIELI 5:18

«Aá waawutámo, Munguú úr baabuúwók Nebukadnesa guna waawti'iimárí haniís nee uraay nee xirif nee aleesleemuwo.

DANIELI 7:14

Inós kuri baalírí haniís, nee xirif nee waawuti'iima, as múk tlahh'i sleémeero, nee oo xoordu sleémeero, nee tsifri sleémeero kuwa sagadiyuusi. Waawuti'iimarós ar alhhe'eesaay wasle, i baloó waarahhká, nee waawuti'imarós ka baloó hhitinká.»

HOSEA 8:10

Tam mulqe ngaa tlaxwi'i baraá xoordaá hatlá' wa ale, ala aníng in haraki/ís ar wa'aá wák. Inooín ki al'iilooúy qoomár niinawe, nee waawutmoodá' úr taa iimbalaáx ar di/i nee geeraharuusero.

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

Yohana 19:11

Yesu iri oó', «Kuúng aleesleemuú ta koon daanduueene i kaahh bar geera Mungú ngwa kuúng i haniisiiká. Ala heé aníng iga dabaawók i qaas, tlakweemaawós ki ak ur.»

Geehhoeemaá 1:5

Nee amór i dahhiya' sleeme a amór Yesu Kristo. Inós an lamabu'usmoó inkihhím, nee slám inós an heé geera oo naa waaslee/ baraá múk aa qatli. Nee a waawutmoó waawitá sleémeero baraá yaamuwo. Inós atén tin slaa', nee tina gweér baraá lawaali'iimár tlakweemaá wa ale ar tseereerós.

Geehhoeemaá 17:14

Inooínaká' ta slaaqw nee Deelmoó bee/i. Ala Deelmoó bee/i inooín gi ar baa/, asma inós a Aakoó bariise, nee slám inós a Waawutmoó waawitá. Nee mukós kudá' taa ateét nee oo taa tsawaár nee oo inkihhím, inooín baali ngi slayá' dinkwa nee inós.»

Geehhoeemaá 19:16

Nee inós baraá inqwaarirose nee gawaá kutl/umoowose kwaa umií gooín tawa kaahi, «Waawutmoó waawitá nee Aakoó bariise.»

Geehhoeemaá 4:11

«Kuúng Aakoorén nee Munguúrén, kuúng a hariín xirif kuwa ilaot, nee ilaiwa/ame nee aleesleemu. Asma kuúng mura' sleémeero una tléhh. Nee mura' sleémeero ina deeruút nee kuna tleéhh as sla'aarirók.»

Geehhoeemaá 5:12

Inooín tari daá' ar afór ur ta kaahi, «Deelmoó bee/i, kudá' taa gaás, inós i harín aleesleemu nguwa slay, nee daqaari'iima, nee sagalooa, nee /uuru, nee xirif, nee ilaiwa/ame nee tsuuqa.»