DANIELI 2:34 - Biblía Axweesantá Hhohho' ar Mungú 2004

³⁴ Qoomár kuúng kuwa ga/eer naxés tlaa/ár taa dákwár tsatiiká nina kilós /akút, ya'aá murslaaqatuudá' awa aleedoogír muqsli nee tleei giri dalá/, niri suwawaa'atiyé'.

DANIELI 2:34 Iomraidhean Croise

WARA'AMI 118:22

Tlaa/ár qwatsiiruuse aa sí', aa tlaa/ár ur tleehhít ar do' ir gawduy.

ISAYA 28:16

Gawaá adoorihe Aako, AAKOÓ MUNGÚ i kaahi, «Ga/awaak, aníng tlaa/ár iihhafiiri a qaás baraá gixsár Siyoni, a tlaa/ár taa iiár, a tlaa/ár tlaxo gawit ar do' ir gawduy, tlaa/ár iihhafiiri ar do' ir gawduy, ‹Umuú heé gaa haratlintii' i kwareeiiká.›

ISAYA 60:12

Umuú waawuti'iimaro laqaá xoororo, tidá' kiíng i sagadiyusaaká, ka hhaamiis, xoorduuká' ki ló'wa qwaarees.

ISAYA 8:9

Kuungaá múk xoordu tundu giqáy, tunduri amoqwaarees. Iia qaasaak, kuungá' sleémeero awa ayeemaá sawen baraá yaamuwo Ti amohhe'ese' as tunduwa amoqwaareesi, ti amohhe'esé' as tunduwa amoqwaareesi.

ESEKIELI 32:28

«Gawaá adoorihe, kuungá' múk Misri tundu hhaamiis nee tunduri haragaas dinkwa nee mukdá' taa hheehhe'eesiiká, kudá' taa tsuú/ baraá slaqwarár wa alé.

ESEKIELI 47:5

Miítár tsiire kooán gari malé qoomeés, nee naxés yaae iri ló'wa tsal'i tleehhít, nee waarahhamuuwo ngiri harslaaqaát. Waarahhamuuwo i ya/aandaaká, aqo hara qumburu/umit.

DANIELI 2:33

Ya'aawós a muqsli nee kunda'aá ya'aawós a aledoogír muqsla nee tleei.

DANIELI 7:27

Nee waawuti'iima nee aleesleemu nee uraay sleémeero oo gawaá daanduú yaamu ku haniís dír múk hhohhó' oo Munguúduú Gawa. Waawuti'iimar'ín in hotaatiín ay kureeraá kureér, nee baaluuse sleémeero gin sagadiyús nee giri ilaiwawá/.›

DANIELI 8:25

Asma inós tawa fuqurusmo baraá muruú tlakwe i ló'wa waaraahh nee tiri xirfayees. Múk yaariír gu naaqo tsuu/ nee sleeme inós nee geeraharusmoó geeraharuuse ti tlaampa'aasiyá', ala inós ku suqúy nee Mungú tam dákw hee gur gadiyusiiká.

SEKARIA 12:3

Baalaadae aníng gixsár Yerusalemu aa tlaa/ár iiloo' tleéhh dír muu sleémeero, umuúqo heé ga iiara tin kilós mutaaúy, nee xoordaá daanduú yaamu sleémeero gixsár Yerusalemu gin i haratlayá'.»

SEKARIA 4:6

Aníng iri báy, «Gaarí an axweesantá AAKOÓ MUNGÚ ar aa oó' dír Serubabeli iwa kaahi, ‹Arba/ati a sleeraaká ar /uuruuwók, laqaá ar aleesleemuuwók kilós, ala an sleér ar /uuruú qeeruueé'.› Anuú AAKOÓ MUNGÚ Aleesleemusmo tí an káh.

Matayo 16:18

Ala aníng kuúng u baw, kuúng a Petro, gidaabárós a tlaa/a. Gawaá tlaa/arihe aníng mukdá' iga haratlintii' u gawdeemiís. Tam gwa'ara sleeme muk'eé' kwí gu aleesleeraaká arba/ato.

Yohana 1:13

Kudá' taa laqwaliiká adór na/iír ale, laqaá ar sla'aarír slaqwa, laqaá ar sla'aarír hee, ala ar sla'aarír Mungú.

Tlehhema'aá ya/Abuuse 4:11

Inós an tlaa/adá' taa sií' nee kuungaásingaá qwatsiiruuse, ala laatí an tlaa/adá' ur ar do' ir gawduy.

2 korinto 5:1

Asma atén a xuaán heémaarén tí tawa hootaan baraaká' yaamuwo, bira hhitirút, atén do' u koomaán gawaá dooriwo, kudaádá' Mungú aa tleéhh. Do'wí a doó alhhe'eesay wásl, oo taa tleehhiiká ar dabaá muu.

Ebrania 9:24

Asma Kristo aa dahiiká baraá doó hhoohhoó' i alé, oo taa tleéhh ar dabaá muu. Asma do'wí taa tleéhh ar daba', an slaqsoó do'duú kilá' oo hhoohhoó'. Ala inós ina dáh gawaá dooraá kilá', as hamí iwa dír geeraá Mungú i dirii'i.

1 Petro 2:7

Gawaá adoorihe inós i xirif tleehhiit dír kuungaásingá' aga haratlinti'ii'i. Ala dír kudá' naa haratlinti'ii'ikahe a adór «tlaa/aadá' qwatsiiruuse aa sí' aa tlaa/ár ur tleehhít ar do' ir gawduy.»

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 17:14

Inooínaká' ta slaaqw nee Deelmoó bee/i. Ala Deelmoó bee/i inooín gi ar baa/, asma inós a Aakoó bariise, nee slám inós a Waawutmoó waawitá. Nee mukós kudá' taa ateét nee oo taa tsawaár nee oo inkihhím, inooín baali ngi slayá' dinkwa nee inós.»