DANIELI 2:28 - Biblía Axweesantá Hhohho' ar Mungú 2004

²⁸ Ala Mungú i deer gawaá dooriwo oo kángw naaqo gu geehhooatimís. Inós muruú aluú wá hi'iít oo deelór alhhe'eesaay ngwa laqán, aá waawutmo Nebukadnésa. Tlataawók nee iigu'utuú taa aán gawaá qatanirók wa alé a kwí:

DANIELI 2:28 Iomraidhean Croise

IIMU/UUNGW 40:8

Kuri báy, «Laarí xweeraawo ana tlatiitimaán, ala heé gídaabárós alki/ituwo ga aleesláw i kaahh.» Yosefu giri báy, «Gadiyér tlata waagweera ar Mungúheéke? Gimsé', tlataahúng kwisingá' alki/iitare'.»

IIMU/UUNGW 41:16

Yosefu iri oó' dír Farao, «Aníng aleesleemu u koomaaká, ala Mungú inósuú kilá' tlataawók ngi waagweer ar adór wayduú huuw.»

IIMU/UUNGW 41:25

Yosefu Farao guri báy, «Tlataawók tsaraawo gár i kaahiya' a wak. Mungú gár i tleehhi deeloorí tseewe, ngaa kuúngí laqán.

IIMU/UUNGW 49:1

Yakobo daaqaywós guna ateét guri báy, «Burumburité' dinkwa, asma muruudá' kuungá' nu sláw, nguwa dirhúngí oo'.

WARA'AMI 115:3

Munguúrén i gawaá doori, umuúqo gár i slai gan tleehh.

ISAYA 2:2

Adoorí an adór deelór alhhe'eesaywo tleehharuut. Tloomár Doó AAKOÓ MUNGÚ ka gawdees tlom'i sleémeero ba/a, nee kari gáwtí tlees tlom'aá hatlá' ba/a, nee xoordu sleémeero ngiri i daqayá'.

YEREMIA 10:7

Aá waawutmoó xoordu, oo kuúng u ilaiwawa/aaká a heemá? Asma kuúng an hariín tuwa ilaiwawa/i, oo sagaloó' adór kuúng i kaahh baraá xoorduuwo, tam baraá waawuti'iima sleémeero.

YEREMIA 30:24

Buhhtaá xaraaslá' AAKOÓ MUNGÚ i tawo ki/iaaká ay dír tidá' muunaáwose aa slaá' ngay boo/eesi. Deeloodá' birna hardát daqaní kuungá' kaangwí u tsahhá'.»

YEREMIA 48:47

Tam adoorihe aníng múk Moabu un diihhooárí ki/ís de'emaá hi'iita'a. Anuú AAKOÓ MUNGÚ tí ngina oó'. Kaangwí an sakwasleemár múk Moabu gu slaw.»

ESEKIELI 28:3

Áx gimáy, baré ka xu' kuúng Danieli u bá/ sagalooaro, kuúng ka xu' naaqór ta xu'uká i káhh.

ESEKIELI 38:16

Múk Israeli kuri haraxeér adór huunkír giiw gawaá daanduú yaamuwo. Qoomaadae aníng kuúng un ya/aáw yaamuueé' kiwa i haratleer, as múk xoordu ngiwa tsaahhi adór aníng kuúng Gógu ura ya/aáw as hhohhoarir'eé' ngiwa laqaám dir'inií ale.›

ESEKIELI 38:8

Alaá deelór yaariir bira waaráhh tu ateet, yaamaá muu kway húp as kiwa i haratleer nee hamí daxta tawa hooti daér slaqwara i káhh. Tlom'aá múk Israeli in i haratleér, kudá' aáng awa xaanxaay nee taangu har afiqoomoó deelór niinawe, ala hám daxta muu i hoot ar saxareema.

DANIELI 1:20

Nee baraá umuúqo gaaro ar waawutmo ngiwa yaahamiisi ar sagalooa nee xu'utiro, inooín giri tsaáhh adór tara harwaaraáhh sagaáwa mibángw wa ale ta qwaslaareerós tidá' sleémeero nee da/aluuseero, kudá' sleémeero awa baraá waawuti'iimarós.

DANIELI 10:14

Aníng nina hardáh as uwa alee/iis gár mukók gu slaw de'emaá hi'iita'a kawa tsahh, asma iigu'utuú taa aán a daanduú muruú aluú wa hardáh.›

DANIELI 2:18

Giri i axweés gurtleemuú Munguú doori nguwa firina' daanduú naaqoorihe, as kahhó' Danieli nee hhaeewós mikiwa tsuú/ as kaangwí dinkwa nee múk sageeloén oo Babuloni.

DANIELI 2:22

Axweesanoó bó/ nee oo lu/aaráy gun geehhooees, gár baraá ma/ami ga xuu' nee gwa/aateema i dirós i dirii'iyá'.

DANIELI 2:44

De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

DANIELI 2:45

Tlaa/a ana aán ar naa kilós tsatit gawaá tloomár wa alé, ar hee aa kwatitiiká. Muqslír aáng gana suwaawá', nee muqslír sirdaa/aate nee tleeiro nee muqslidár peesaaro nee sahaábuwo. Gawaá adoorihe Munguúdá' úr kaangwí ngwa dirógí xu'utís, waawutámo, a kángw tlehharuút aluúwaá ale. Tlataaká' awa ló', nee gár i kaahiya' ar ló' sleeme.»

DANIELI 2:47

Waawutmo Danieli guri báy, «Ar ló', Munguúhúng ku úr ta munguaá hatlae, nee a baalusmoó waawitá, kángw baraá naaqo gu aleesláy geehhooeesaro, asma kuúng kángw naaqoorí ugwa aleesleér geehhooeesaro.»

DANIELI 4:5

Ala tlata kaariya' awa iga dae tsatiye' ina tlatitiím, qoomár niwa guu' gawaá qatanir'eé' wa alé, inslawaydá' nee iigu'utudae aníng ina ló'wa dae tsatiyé'.

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

AMOS 4:13

Mungú an kudá' tlom'i gaa tleehh nee fur'aaro, inós inslawaywós gun dír heéwí oo', inós an kudá' tlaatla/aangw gu xweerí warqeés, nee an kudá' sagér tlom'i ga yaamií adaráh. Inós umuuwós an AAKOÓ MUNGÚ, Munguú Aleesleemusmo.

FAARO 24:14

«Aníng hamí an kií/ amór muk'eé', ala dír nira tlawiiká, muruú mukdá' i tleehhi dír mukók baraá de'emaá hi'iita'a ngu oó'.»

Matayo 6:9

Gawaá adoorihe kuungá' bar firiiriindá', ta oa', ‹Baabuúrén oo gawaá doorí dirií', umuuwók i xirfuuti,

DABE 31:19

«Gimáy daxta, daa'angwí gooimeek, nee múk Israeli ku intsaahhatís! Daa'angwí qaaseek gawaá afer'ín, daa'angwí i lamabu'uungw tleehhiti dír múk Israeliwo as daanduueé'.

DABE 4:30

Muruuwí sleémeero burna sláy, aluuwo kuungá' slahh'amu u sleerá', daqaní kuungá' tari ki/á' amór AAKOÓ MUNGÚ Munguúhúng nee kuri ilaiwawa/á'.

2 Timoteo 3:1

Ala axweesanaywí xueek, bál deelór alhhe'eesaay binda naká/, qoomár slafíngw gawít i hardát.

Ebrania 1:1

Mungú aáng aa axweés dír baabi'iirén ar afér aaruuse ki/imaá yaariire nee slám ar adór dimbadimbé.

2 Petro 3:3

Gár har geeraá ar xu'utír wa hariim a tí, deeloodár alhhe'eesaywo muu ni hardah oo ilatleerir'ín eeharahár. Inooín kuungá' nuri niqimisiyá',

Geehhoeemaá 1:1

Gaarí a gár Mungú aa geehhoeés dír Yesu Kristo, as Yesu Kristo muruudá' hardáh ar gaanslaay nguwa laqan dír sagadiyuuseerós. Kristo malaykamoowós guri ya/aáw amór sagadiyusmoowós Yohane, as muruuwí nguwa dirós i laqan.